Z’Hansrüedi
Z’Hansrüedi
Z`Hansrüedi biographie nius miini lieder üftritta repertoir
zeedees bschtellig links ambrichaladu i-meil heim

Mini Liedär

      Album / Titel
Ich bi Walliser

1990 - Ich bi Walliser

Ich bi Walliser
X

Ich bi Walliser

1990 - Ich bi Walliser

Ich bi en Schwizerbürger, ja en rächte Eidgenoss
und miini Heimatliebi, ja die isch ganz riesugross.
Doch ich bi jetz ganz ehrlich und erkläru darum hie:
In eerschter Linia bin ich nit en Schwizer sondern hie
Nei ich bi Walliser, ich bi en Walliser
Ich bi kei Schwizer, sondern bi en Walliser!
Wier hei die schönschtu Bärga und die wäägschtu Gletscher öi.
Im ganzu Wallis findusch dü nit ei leidi Fröi.
Nur flotti starchi Männer heint im Wallis eppis z’tüe.
Ier chennt mer riewig glöibu, ich keeru schliessli sälbsch derzüe.
Ja ich bi Walliser, ich bi en Walliser.
Ich bi en flotte, starche, hibsche Walliser!
REFR:
Ja wier Walliser si stolz
Wier sii us güetum Holz
Jede Schwizer isch so froh,
dass 1815 d’Schwiz zum Wallis isch cho!
Ich triichu gäru Fendant und natiirli öi Goron,
bi Fän vam HC Sieders und nit va Gotteron.
Deheimu holt der FC Sittu en Punkt uf jede Fall,
drum briell ich “Allez Sion!” bi jedum Cup-Final,
denn ich bi Walliser, ich bi en Walliser
ich tschuttu hie im Wallis und bi Walliser!
Im Wallis chrampfunsch gäru, wier sii schaffigi Lit
das isch der Grund warum’s hie fasch kei Arbeitslosi git.
In d’Üsserschwiz ga schaffu, das fallt iisch nit i
statt en Walliser stelluntsch da grad zwei Üsserschwizer i
doch ich bi Walliser, ich bi en Walliser,
ich chrampfu hie im Wallis und bi Walliser!
REFR:
Ja wier Walliser sii stolz
wier sii us güetum Holz
öi der Bundesrat isch so froh
dass 1815 d’Schwiz zum Wallis isch cho!
Ja luschtig sii und fröhlich sii das ligt iisch im Blüet
wier zeige jedum Grüezi wie mu richtig fäschtu tüet.
Ob Schnaps, ob Bier ob Wii, äs git nix was iisch fählt
Wier Walliser chäme scho mit Promill uf d’Wält
Ja ich bi Walliser, ich bi en Walliser,
ich süffu hie im Wallis und bi Walliser!
Doch will ich uf Papier en rächte Bärner bi.
Seit mu hientamal, das ich es Grüezi sii.
Doch die wa immer flüechunt uber d’Grüezini
das sind doch sicher nummu flääti Mämmini!
Doch das sind Walliser, öi das sind Walliser
ich wohnu hie im Wallis und bi Walliser!
- immal fascht!-

Ohni Dich
X

Ohni Dich

1990 - Ich bi Walliser

Wie en Blitz ohni Donner, wie es Cheminée ohni Fiir,
wie es Saasi ohni Gwunder, wie s Butilli ohni Wii
wie en Tag ohni Sunna, wie en Bank ohni Gäld,
wie en Hahnu ohni Henna, wie en Zahnarzt ohni Zähnt:
Fühl ich mich, ohni Dich, fühl ich mich, ohni Dich!
Wie es Schaf ohni Wulla, wie en Sänger ohni Stimm,
wie der Heino ohni Brilla, wie es Bier ohni Schüüm,
wie die Eva ohni Adam, wie en Fröi ohni Maa,
wie en Müsiö ohni Madam, wie en Coiffeur ohni Haar:
Fühl ich mich, ohni Dich- fühl ich mich, ohni Dich.
REFR:
Ohni Dich; isch ds Läbu so schwär,
ohni Dich; fühl ich mich so läär,
ohni Dich; gits kei Sunnuschii,
ohni Dich; will ich nimme sii!
Ohni Dich, bin ich:
Wie en Schwiz ohni Wallis, wie en Stecker ohni Strom,
wie der Herrgott ohni Alles, wie der Papscht ohni Rom,
wie en Boxer ohni Händsche, wie en Zoo ohni Tier,
wie en Wält ohni Mänsche, wie en Chüeh ohni Stier:
Fühl ich mich, ohni Dich - fühl ich mich, ohni Dich.
REFR:
Ohni Dich; isch ds Läbu...
Wie en Blüema ohni Wasser, wie en Zug ohni Gleis,
wie es Auto ohni Strasse, wie en Bock ohni Geiss,
Wie z‘vill Lohn ohni z‘schaffu, wie es Stiichtier ohni Gschtäich,
wie en Chnelli ohni z‘Laffu, wie Z’Hansrüedi ohni Säich:
Fühl ich mich, ohni Dich - fühl ich mich, ohni Dich!

Spinnsch de dü?
X

Spinnsch de dü?

1990 - Ich bi Walliser

Wenn ich mal vor du Spiegul stah
und mich bitrachtu tüe.
De lüeg ich mich de genau a
und nicku mier sälbsch züe.
Ich bi en uverschämte Maa,
athletisch gsehn ich üs.
Doch pletzli steit die Margrit da
und lachut mich nur üs:
Was? Athletisch seisch dü dem?
REFR:
Spinnsch de dü? Geits der no?
Bisch eiguntli no normal?
Genau das seit miis Margritli mier fasch jedesmal.
Spinnsch de dü? Geits der no?
Bisch eiguntli no normal?
Genau das seit miis Margritli mier fasch jedesmal
genau das seit miis Margritli mier fasch jedesmal.
Ich verchumm der greeschtusch Strit
wägs dum Hüüshaltigsgäld
denn immer jäissut mier d’Margrit,
dass ira vill z’vill fählt.
Doch ich sägu zu ira:”Nei!
Meh verchunnsch dü nit!
Denn jede Monat zwenzig Stei,
meh brüüchsch dü sicher nit!”
Was nummu zwenzig Stei?
REFR:
Spinnsch de dü? Geits der no?
Bisch eiguntli no normal?
Ich brüüchu doch fer d’Chleider fasch 2000 jedesmal!
Spinnsch de dü?...
Will ich ds Margrit so gäru hä,
gits bald es Hochzitsfäscht.
Es Riisufäscht het das gigäh,
totmied sii wier ins Näscht.
Doch mitti in der Hochzitsnacht
säg ich: “Gäll blibsch mer tröi?!?”
Scho gits der eerschtusch Ehekrach
denn jetz seit miini Fröi:
Was? Tröi soll der sii?
REFR:
Spinnsch de dü? Geits der no?
Bisch eiguntli no normal?
Genau das seit miis Margritli mier fasch jedesmal.
Spinnsch de dü?......

Chnoblöich-Pizza
X

Chnoblöich-Pizza

1990 - Ich bi Walliser

Ich wellti so gäru en Fröindin hä,
doch das het kei Zwäck
denn will ich gäru Pizza hä,
löift mier jedi wäg!
In d’Pizzeria gahn ich gäru i,
iner Wucha vier füüf Mal.
und wenn ich am Pizza ässu bi,
fräg ich mich jedesmal:
REFR:
Cha ächt da die Pizza d’schuld sii?
Ich berchumu nie es Munzi
jedi Fröi seit immer: “Nix da!
Dü ässusch Chnoblöich-Pizza!”
Ob die Pizza ächt der Grund sii?
Ich berchumu nie es Munzi!
Alli Fröije höirunt: “Nix da!
Dü stiichsch nach Chnoblöich-Pizza!”
Gahn ich alleinzig durch die Strasse,
mächunsch en Bogu um mich!
Bi Fröije hän ich gar kei Chance,
schii zeigunt mit dum Finger uf mich!
Ich cha doch nix derfir,
dass der Chnoblöich stiicht,
und das mus so fescht schmeckt!
Trotzdem äss ich Chnoblöich-Pizza gliich,
doch ich hä jetzu gmerkt:
REFR:
Da cha nur die Pizza d’schuld sii!
Ich berchumu nie es Munzi
jedi Fröi seit immer: “Nix da,
Dü ässusch Chnoblöich-Pizza!”
Nur die Pizza cha der Grund sii,
ich berchumu nie es Munzi.
Alli Fröije höirunt: “Nix da!
Dü stiichsch nach Chnoblöich-Pizza!”
Alleinzig amne Tisch hock ich,
und deichu ich bi en Göich!
Da hockt schich es Meitji näbu mich,
bschtellt Pizza mit Chnoblöich!
Ich merku dass die das öi gäru het,
das git mier Müet und Chraft!
Und will schii das doch so gäru het,
bschtell ich ira en Chnoblöich-Saft!
REFR:
Da cha nur die Pizza d’schuld sii!
Jetz berchumm öi ich es Munzi!
Schii will zahlu. ich säg: “Nix da!
Ich zahlu dier die Chnoblöich-Pizza!”
Nur die Pizza cha der Grund sii!
Jetz berchumm öi ich es Munzi!
Ich will gah - doch schii seit:”Nix da!
Zeersch gits no en Chnoblöich-Pizza!”

Müeterli
X

Müeterli

1990 - Ich bi Walliser

Jetz hesch scho graui Haar,
doch das steert Dich nit.
Fer d’Chinder bisch Dü da
und Ferie kennsch Dü nit.
Dü hesch Diis ganzi Läbu
um alli Dich bimieht.
Drum wellti ich “Merci” sägu
mit dischum chleinu Lied.
Müeterli, Müeterli
Jede Morgu scho ganz früeh
steit ds Früestuck uf dum Tisch.
Dich chlagu keert mu nie,
öi wennt vill alleinzig bischt.
Ums Härz wirds Dier so schwär,
an settige länge Täg.
D’Wohnig isch jetz so läär,
denn wier Chind’ sii alli wäg!
Müeterli, Müeterli
Dü hesch us miinum Läbu
wirklich eppis gmacht.
Ich chennti no so vill sägu,
was Dü fer iisch hesch gmacht.
Ich sägu Dier jetz ehrlich,
miini Gschwischter sicher öi:
Dü bisch iisch unentbehrlich
und die allerliebschti Fröi!
Müeterli, Müeterli

Das seit mier nix
X

Das seit mier nix

1990 - Ich bi Walliser

Am Morgu so am sägschi litut mier der Wecker scho
dum Wecker isch das gliich wenn eersch am drii ins Näscht bisch cho.
Ich weiss gahn ich ga schaffu hän ich nur der ganz Tag Mieh.
Drum bliib ich hittu hie im Näscht und sägu lüt zu mier:
Das seit mier nix, ga schaffu nacheme Fäscht
das seit mier nix, hittu bliib ich im Näscht.
Denn erschtens tüet der Grind mier furchbar weh
und zweitens müess der Chef das öi igseh:
Das seit mier nix.
Immer Ändi Jahr chunnt mier en Brief vam Stiirbüro,
de briel ich imme voller Wüet: “Die Stiire sind mer cho!”
Die wellunt immer meh und meh, die lähnt und lähnt nit lugg!
Jetz häni gnüeg, jetz schriibune es Briefji eifach zrugg:
Das seit mier nix, hiir da zahl ich nix meh,
das seit mier nix, ich zahlu kei Stiire meh.
Denn erschtens choschtut zahlu Uberwindig
und zweitens hän ich folgundi Bigründig:
REFR:
Das seit mier nix, mier seit das nix!
Das seit mier nix!
Immer z’mitscht im Summer faht z’Theater wieder a
mit der ganz Famili sellti mu in d’Ferie gah.
Nach Italie anu Strand, nur an der Sunna sii
und we mu zruggchunnt, cha mu de vor Sunnubrand chüüm sii.
Das seit mier nix, nur wie Sardelle am Strand,
das seit mier nix, ich bliibu im Schwizerland.
Denn erschtens will ich miine Ferie gniessu
und zweitens ja nit an die Sunna miessu!
Das seit mier nix.
Mu seit mier immer: “Hansrüedi jetz nimm doch ändlich ab!
dü ässusch z’güet und triichusch z’vill jetz gwenn der das doch ab.
Diini Kilo miessunt wäg, probiers doch mal mit Sport!”
Ich sägu: “Jessusmarianzjosi, alles nur kei Sport!”
Das seit mier nix, nei ich triibu kei Sport
das seit mier nix, will de schwitz ich sofort.
Denn erschtens macht der Sport mich furchbar miede
und zweitens hän ich Ässu und Triichu lieber!
REFR:
Das seit mier nix, mier seit das nix!
Das seit mier nix!
Jede Mänsch öi dü und ich, müess irgendwe mal stärbu,
doch mier seit das nix, denn ich bi prinzipiell dergägu!
Und sellti aber trotzdem mal miis letschti Stündli schlah,
de briel ich de dum Petrus züe: “Das chunnt gar nit in Frag!”
Das seit mier nix, Petrus los mier güet züe,
das seit mier nix, ich blib der Läbtag lang hie!
Ich meinus Ärnscht, dü müesch mi nit üslachu,
denn stärbu, das isch ds’Letschta wa ni machu!
Das seit mier nix!
Hienta wenn ich spilu und de niemu tanzu tüet,
briel ich “Damutüür!” und deichu: Jetz chunnt d’Stimmig güet.
Eini steit scho üf und geit jetz uber zumne Maa.
Doch der seit zu ira: “Bitte tüe mier das nit a!
Das seit mier nix, will der Hansrüedi spillt,
das seit mier nix, los mal wie der falsch spillt.
Chumm wier süeche gschiider en andri Müsig,
will d’Andru spilunt sicher nit so grüüsig!”
Jetz seits mier nix meh, ich spilu nimme!

Dr Ledl chunnt!
X

Dr Ledl chunnt!

1990 - Ich bi Walliser

Ich gah in miini Stammbeiz und ich bschtellu mier es Tee.
Ich triichu niemals meh es Bier, das git mier nur Grindweh!
Da geit die Porta pletzli üf, dr Ledl chunnt icha,
der Cello und alli andru öi - jetz faht das wieder a:
REFR:
Wier fäschte iischi Fäschti, der Wirt der macht öi mit,
wier näschte iischi Näschti, hina wieder nit!
Wie läschtig sind die Fäschti, we mu fasch nimme mag.
Doch fäschte wier die Fäschti - jede Tag!
Doch hientamal am Maabu wellti ich eifach miini Rüeh.
De bliib ich deheimu, schliessu miini Porta züe.
Da pletzli geit miis Feischter üf, dr Ledl lüegt icha,
der Cello und alli andru öi - jetz faht das wieder a:
REFR:
Wier fäschte iischi Fäschti, der Nachbüür macht öi mit.....
Ich brächu mier der Tschaagu und ich liggu im Spital.
Jetz brüüch ich nimme z’fäschtu ja das weiss ich ganz genau.
Da pletzli geit die Porta üf, dr Ledl chunnt icha,
der Cello und alli andru öi - jetz faht das wieder a:
REFR:
Wier fäschte iischi Fäschti, der Dokter macht öi mit.....
Jetz bin ich im Himmul und tüe d’Himmulsporta züe.
Ich wärdu niemeh fäschtu - jetz hän ich endlich Rüeh!
Da geit die Himmulsporta üf, der Ledl chunnt icha,
der Cello und alli andru öi - jetz faht das wieder a:
REFR:
Wier fäschte iischi Fäschti, der Petrus macht öi mit,
wier näschte iischi Näschti, hie obina öi nit......
Wier fäschte iischi Fäschti, alli mächunt mit....
... chamu losu
Fernanda
X

Fernanda

1990 - Ich bi Walliser

REFR:
Oh Fernanda
ich bi üsser Rand und Banda
jetz triich ich nom biz Fendant
de chumi zu dier uf d’Veranda
und halt um diini Hand a
Oh Fernanda.
Dü bisch so blau, blau, blauöigig und hibsch
no’s bizji schöner de wäris fasch Kitsch.
Dü triichsch nur Wii, Wii, Wii, wiisi frischi Milch,
Alkohol das isch nix fer dich!
Dü chöifusch Whisky, Whisky, Whiskas fer d’Chatz,
dü hesch en Kater und der heissut Max.
Dü hesch keis Härz, Härz, härzlosus Gmiet,
gat darum gfallsch dü mier bsunners güet!
REFR:
Oh Fernanda
ich bi üsser Rand und Banda
jetz triich ich nom biz Fendant
und leggu miis bescht Gwand a
de chumi zu dier uf d’Veranda
und halt um diini Hand a
Oh Fernanda.
Dü hesch en Schnaps, Schnaps, Schnappschuss va dier
mier gigäh, der träg ich bi mier.
Dü schmecksch na Bier, Bier, Bier, Pierrot-Glace so siess
derbii hettisch dü doch vill lieber Gmiess.
Dü brännusch Pommes, Pommes, Pomme-Frites nie a,
e so en Fröi wellti jede Maa.
Dü bisch scho voll, voll, volljährig gsii
warum willt dü trotzdem no ledig gsii?
REFR:
Oh Fernanda
ich bi üsser Rand und Banda
jetz triich ich nom biz Fendant
und leggu miis bescht Gwand a
im Spiegul lüeg ich mich lang a
de chumi zu dier uf d’Veranda
und tricku dich an die Wand dra
villiicht chunnt de no d’Yolanda
mit ihrer Scheschter Miranda
die chämunt beidi va Randa
de lüege wer zämu ds ganz Land a
und triiche es Fläschji Fendant
und ich halt um diini Hand a,
Oh Fernanda.

Ich gseh di gäru
X

Ich gseh di gäru

1990 - Ich bi Walliser

Ich gseh di gäru, genau so wie d’bisch.
Ich gseh di gäru, bitte bliib wie d’bisch
so gfallsch dü mier.
Los nit uf d’Andru, tüe dich nie ändru,
denn ich hä di gäru, dü passusch saugüet z’mier.
Ja, ich hä di gäru, bitte bliib bi mier!
So wie d’am Morgu früeh üfsteisch
mit diine verwuschlute Haar.
Und wie dernah pressieru müesch,
trotzdem chunnsch dü fascht immer z’spaat.
Wenn dü es Rendez-vous abmachsch.
Pünktlich? Nei, das bisch dü nie.
Doch wenn dernaa so herrlich lachsch,
müess mu der eifach alls verzieh.
REFR:
Ich gseh di gäru....
Dü willt und willt nit gäru glettu,
nit emal diis eigunt Gwand.
Meischtens vergissusch dü no z’bettu.
Im Zimmer ligt alls umenand.
In diiner uberfilltu Wohnig,
sind d’Schublade alli voll.
Dü hesch zwar immer en Sauornig,
doch da dri fühl ich mich wohl.
REFR:
Ich gseh di gäru....

Im Wallis
X

Im Wallis

1990 - Ich bi Walliser

Wa läbt wälsch und ditsch im gliichu Land? - Im Wallis!
Wa schaffunt no alt und jung mitenand? - Im Wallis!
Wa gits Aprikose im Uberfluss,
die vorigu kit mu in du Fluss? - Bi iisch im Wallis!
Wa het jedes Derfji schiini eigunt Sprach? - Im Wallis!
Wa isch der Rottu no en süübere Bach? - Im Wallis!
Wa schnüüfut mu frischi und gsundi Luft,
oder chemisch greinigte Lonza-Duft? - Bi iisch im Wallis!
REFR:
So wild und durschtig wie der Rottu, si wier Walliser!
Mu het iisch scho so vill verbotu, iisch Walliser!
Doch wier läh iisch nit lah belehru,
wier wisse, wier tie zämukeeru!
Va Gletsch, bis uf St. Maurice! - Bi iisch im Wallis!
Wa kennt mu weder Zank no Strit? - Im Wallis!
Üsser wenns emal Schlägerije git!- Im Wallis!
Wa stemplut mu nit, wa schaffut mu,
wa triichut mu nit, wa laffut mu! - Bi iisch im Wallis!
Wa tüet mu nur sältu es Verbal gäh? - Im Wallis!
Wa fahrt mu statt achzig hundertzäh? - Im Wallis!
Wa gits ganz en liebi Polizii,
bisch glaffne, de länsch dich öi la sii! - Bi iisch im Wallis!
REFR:
So wild und durschtig...
^
... chamu losu
Occasion
X

Occasion

1990 - Ich bi Walliser

Als chleine Botsch vor hüüfu Jahr
isch miis Chätschgummi mal
us dum Müül, uf du Bodu kit.
Ganz lüt hän ich de afa flännu,
alli Lit heint afa rännu,
doch es nöis Chätschgummi finduntsch nit.
Doch de seit en Fröi zu mier;
schii gäbe ires Chätschgummi mier!
Ich sägu:
REFR:
No no no, ich will kei Occasion
no no no, nur kei Occasion! (2x)
Ich bi elter und in d’Schüel
und genau näbs miinum Stüehl
da hockut äbu immer nummu schii!
Und will schii doch so hibsch isch gsii,
verlieb’ ich mich sofort in schii,
doch zwei Wuche später is verbii!
Denn schii het mer vill z’vill verzellt,
va irer Verganguheit!
Drum säg’ ich:
REFR:
No no no, ich will kei Occasion.....
Ich bi öi in’s Militeer
bi jetz Panzergrenadier
mit Panzer fahru, ja das ischt en Hit!
Doch jedes Fahrzig want chasch gseh,
Panzer, Camion und no meh
isch nimme nöi - und das passt mier nit!
Der Kadi frägt: “Was isch öi los?
Jetz fahr doch endlich emal los!”
Ich sägu:
REFR:
No no no, ich fahr’ kei Occasion.....
Ja ich will nie en Occasion
ob Auto, Fernseh, Video,
ob Wäschmaschina, Velo und no meh.
Und öi wägs dischum Liedji scho
hän ich emal fescht Angscht vercho,
eine seit, das heige är scho keert!
Un der seit: “Das Lied isch nit va dier!”
Ich sägu: “Bitte glöib doch mier:”
REFR:
No no no, ich sing kei Occasion.....

Tschagge
X

Tschagge

1990 - Ich bi Walliser

Längi blondi Haar und güet frisiert,
mit dum beschtu Parfüm parfümiert.
D’Öigu sind so blau wie ds Firmamänt
und wenn schii lacht, verchunnt mu ganz zittrigi Händ.
En Figüür wie d’Göttin Venus öi.
Mit einum Wort: En uverschämti Fröi!
Doch ds’allerbeschta hän ich no nit gseit,
we mu das gseeht verchämunt alli Männer Freid:
REFR:
Schii het so superschlanki uverschämti Tschaagge
schii het so superschlanki uverschämti Bei.
Schii zeigt die superschlanku uverschämtu Tschaagge
gäru jedum Mannji, jeder Fröi.
Wenn schii so geit, die Tschaagge zeigt,
de stigt der Härzschlag und der Blüetdruck öi.
Fasch jede Maa lüegt schii lieb ab,
drum glöib ich, nei die Fröi, die isch nit tröi!
Pletzli chunnt schii z’mier und seit:”Hey Boy!
Wie wäris de emal so mit iisch zwei?
Wier zwei wier passti sau güet zunenand,
wier wäri ds’schönschti Paar im ganzu Schwizerland!”
Doch ich sägu zu ira: “S’tüet mer leid!
Dü und ich, das mächi mier kei Freid,
dü bisch zwar lieb und sympathisch öi,
doch fer mich, da bisch dü vill z’en hibschi Fröi.
REFR:
Denn dü hesch so superschlanki uverschämti Tschaagge
dü hesch so superschlanki uverschämti Bei.
Dü zeigsch die superschlanku uverschämtu Tschaagge
gäru jedum Mannji, jeder Fröi.
Wenn dü so geisch, die Tschaagge zeigsch,
de stigt der Härzschlag und der Blüetdruck öi.
Fasch jede Maa lüegsch dü lieb a,
drum glöib ich, nei, dü wärisch mier nit tröi!
Verruckti geit schii und laht mich allei.
Da pletzli gsehn ich ganz en andri Fröi.
Schii treit nur Jeans und isch nit parfümiert,
isch gar nit gschminkt und gar nit so speziell frisiert.
Wier zwei si iisch de schliessli neecher cho
und hei enander gottlos lieb vercho.
Doch wa schii z’eerschtuschmal es Rockji treit,
bin ich ganz paff und hä de sofort züera gseit:
REFR:
Säg, dü hesch ja superschlanki uverschämti Tschaagge
dü hesch ja superschlanki uverschämti Bei.
Dü zeigsch die superschlanku uverschämtu Tschaagge
nummu mier und sältu mal ar Fröi.
Wenn dü so geisch, mier die Tschaagge zeigsch,
de stigt der Härzschlag und der Blüetdruck öi.
Doch gar kei Maa, lüegsch dü susch a,
drum weiss ich: Ja, dü blibsch mer immer tröi.
Drum weiss ich ja dü bisch die richtig Fröi!
... chamu losu
Walliser Bier
X

Walliser Bier

1990 - Ich bi Walliser

Wenn ich z’mitscht im Summer mal Durscht hä,
vor Schweiss hän ich ganz nassi Haar.
Oder wenn ich uf Gsellschaft mal Gluscht hä,
de gahn ich in d’Beiz, an die Bar.
Ich bschtellu es Bier und bi zfriidu,
vergässu der Stress fer emal.
Mu tüet uber alls diskutieru
und mu keert im ganzu Lokal:
REFR:
Bier, Bier, es Walliser Bier!
Fröilein, bring mier no es Bier!
Bier, Bier es Walliser Bier,
wier triiche mindeschtens vier!
Ja, gliich ob ich z’heiss hä und gliich ob ich frier,
öi wenn ich Zit hä und wenn ich pressier,
de bschtell ich mier no es Walliser Bier
es richtigs Walliser Bier!
Ich weiss wien ich üsgseh, ganz ehrlich.
Ich weiss, dass ich vill z’dicke bi.
Doch abnäh isch fer mich unmeglich,
bi miim allerliebschtu Hobby.
Äs stimmt nit, dass ich z’vill triichu,
mier schlaat halt alls sofort a.
Vam Ranzu wärd’ ich niemeh frii cho
und trotzdem sing’ ich nochemal:
REFR:
Bier, Bier, es Walliser Bier!
Fröilein, bring mier no es Bier!
Bier, Bier es Walliser Bier,
ich triichu mindeschtens vier!
Und wachst miine Ranzu, nei das steert mi nie.
Ich weiss ganz genau: Der passt güet zu mier!
Drum bschtell ich mier no es Walliser Bier
es richtigs Walliser Bier!
Ich hä miis Wallis so gäru,
derzüe keert öi ds Walliser Bier.
Und gahn ich zum Biispill uf Bäru,
de hän ich scho Heimweh - und wie!
Drum will ich nie wäg hie vam Wallis,
drum bliib ich fer immer da.
Drum gahn ich in d’Beiz und de bschtell is:
Miis Bier, und singu nomal:
REFR:
Bier, Bier, es Walliser Bier!
Fröilein, bring mier no es Bier!
Bier, Bier es Walliser Bier,
ich triichu mindeschtens vier!
Und gahn ich in d’Ferie, de fählt das mier,
drum bliib ich deheimu, verreisu nie!
Und bschtell mier no es Walliser Bier,
es richtigs Walliser Bier!
PROST!

Allergattig uf Wallisertitsch

1992 - Allergattig uf Wallisertitsch

Natersch, miis Derfji
X

Natersch, miis Derfji

us um Album 1992 - Allergattig uf Wallisertitsch

Zwischum Simplon und der Belalp, da lits.
We mu will, öi zwischu Birgisch und Bitsch.
Da wa der Chelchbach ds Wasser in du Rottu treit,
wa der Aletschgletscher ds’Ändi geit.

Natersch, miis Derfji, am Rottustrand.
Mu griesst schich immer, mu kennt halt enand.
Hie läbunt wirklich no urchigi Lit.
Wies suschter nummu sältu no git!

REFR:
Natersch, miis Derfji, dü bisch voll Gägusätz.
Halb Stadt, halb es Derfji, hie bin ich sicher nit lätz!
Natersch, chleis Derfji,
und doch so gross wie en Stadt.
Doch hoffuntli blibsch es Derfji,
susch wäris wirkli sinduschad!

D’Alterssidlig, näbum Chindergartu züe.
Im altu Derfji, ja da findusch no Rüeh.
An der Furkastrass, da rollt der Vercheer,
Jahr fer Jahr es bizji meh.

Super-Discount-Lädu, en alte Konsum,
uberall träffunt schich Alt und Jung.
Bim Beihüüs merksch, das ds’Läbu vergeit.
In de Beize gschpirsch no Läbunsfreid!

REFR:
Natersch, miis Derfji......
... chamu losu
Dü geisch mer uf du Wecker
X

Dü geisch mer uf du Wecker

us um Album 1992 - Allergattig uf Wallisertitsch

Giboru het mi d’Mamma, da is scho passiert:
Uf ds Fitla schlaat d’Hebamma, ich hä ganz lüt gibrielt!
Hä mich nit chennu weru, das häni nit vertreit!
Hett’ ich schon chennu redu, uh dera hettis gseit:

REFR:
Dü geisch mer uf du Wecker
dü geisch mer uf du Geischt!
Dü geisch mer uf du (Brrrr...),
gat nummu das sus weischt!

Ich bi dernaa als Schieler, nie der Beschtu gsii,
ich weiss emal en Lehrer, isch gar nie zfridu gsii.
Är het mich gar nit megu, är het mier gar nix gscheicht.
Ich hä nix derfu sägu, ich hämers nur gideicht:

REFR: Dü geisch mer uf du Wecker.....

Im Militeer da heinsch mit mier, gar nix chennu machu
der Kadi der bifählut mier, ich hä nur miessu lachu!
Ich will mich amüsieru, der Kadi het kei Freid!
Ich selle jetz parieru! Da hän ich ihm nur gseit:

REFR: Dü geisch mer uf du Wecker.....

Ich will ds Auto parkieru, und hä keis Minz derbii.
Ich tüe gottlos pressieru, da chunnt scho d’Polizii.
Ich cha nimme istiigu, will da der Tschugger steit!
Är will z’eerscht ds Verbal schriibu, da hän ich ihm nur gseit:

REFR: Dü geisch mer uf du Wecker.....

Ich müess wägs miinum Zahntweh, emal zum Zahnarzt gah.
Der lüegt ins Müül, seit:”Z’Juchhee, ich fah mit Boru a!
Hoffuntli bisch brave, ds Boru macht mier Freid.
Ich gah bis ambri uf d’Närve!” - Da hän ich ihm nur gseit:

REFR: Dü geisch mer uf du Wecker.....

Ich hä wellu heiratu, en ganz en hibschi Fröi.
Doch willsch mer alls verbietu, dsMüüsig machu öi!
Schii chunnt schnäll iifersüchtig, wenn en andri verbiigeit.
Jetz bin ich wieder alleinzig, denn ich hä züera gseit:

REFR:
Dü geisch mer uf du Wecker.....

Ich bi wahn ich bi gschtorbu, ambrüf inu Himmul cho.
und vor der Himmulsporta, wartut der Petrus scho!
Är nimmt schiis gross Büech fircha, was da fer mich dri steit.
“Nei, dü chunnsch nit vericha!” -Da hän ich ihm nur gseit:

REFR:Dü geisch mer uf du Wecker.....

Es Munzi
X

Es Munzi

us um Album 1992 - Allergattig uf Wallisertitsch

Fer es Munzi va dier, da sing ich z’allerschönschti Lied fer dich.
Fer es Munzi va dier, da nimm ich drissig Kilo ab fer dich.
Fer es Munzi va dier, schwimm ich zu dier uber du Ozean.
Fer es Munzi va dier, lahn ich sogar es frischus Bier la stah!

REFR:
Es Munzi va dier, isch ds Schönschta was git,
nur es Munzi va dier, meh will ich nit.
Es Munzi va dier, chumm gimmer schnäll eis.
Fer es Munzi va dier, da mach’ ich alles was mer seisch!
Fer es Munzi va dier, zahl ich dier miine Lottosägscher üs.
Fer es Munzi va dier, rüüm ich sogar emal diis Zimmer üf!
Fer es Munzi va dier, äss ich kei Chnoblöich-Pizza niemals meh.
Fer es Munzi va dier, da triich ich nummu no Kamillutee!

REFR: Es Munzi va......

Fer es Munzi va dier, chöif ich fer dich der schönschti Ring was git
Fer es Munzi va dier, da löif ich hundert Kilometer wit.
Fer es Munzi va dier, ziehn ich va Natersch wäg und gah uf Brig.
Fer es Munzi va dier, nimm ich in d’Ferie diini Müeter mit!

REFR: Es Munzi va....
... chamu losu
Gong-Song
X

Gong-Song

1992 - Allergattig uf Wallisertitsch

Der Otti der isch ds China und jetzu bringt är mier
en Gong va China, scheicht mier das als Feriusouvenier.
Jetz lüeg ich uf du Gong, wan ich vam Otti hä vercho,
drum bin ich pletzli uf d’Idee va dischum Liedji cho:
REFR:
Diz isch der Gong-Song (GongSongGongSongGongSong)
und machuts “GONG!” - de tüet das weh!
Diz isch der Gong-Song (GongSongGongSongGongSong)
Oh jeemineh!
Wie us Chibla het das gschifft bim Frindschaftsfüessballmatsch.
Ich bi im Gool, äs isch so nass, ich stah im greeschtu Gätsch!
Äs git Penalty gägu mich, und trotzdem gits keis Gool.
Mu schiesst mier z’mitscht uf miine Grind und ich gah k.o.!
REFR:
Diz isch der Gong-Song......
Nächti hets es Fäscht gigäh, äs isch enz luschtig gsii.
Gsungu und gitrüüchu heiwer, Bier und Schnaps und Wii.
Am Füüfi bin i de ins Bett, am Sibni lituts scho
und wills der Grind mier fasch verjagt, gahn ich wieder k.o.!
REFR:
Diz isch der Gong-Song.....

Guggumüsig
X

Guggumüsig

1992 - Allergattig uf Wallisertitsch

Ich losu Schlager und Dixieland
oder en urchige Ländler.
James Last mit schiiner Superband,
wenn’s sii müess öi Opernsänger,
oder alls wa gat im Radio chunnt,
mier macht jedi Müsig Freid,
doch wenn de wieder d’Fasnacht chunnt,
steit no’n andri Müsig bireit:
REFR:
Ja wenn die Guggumüsig, schränzt schön grüüsig
bricht es Fieber üs.
Äs stigt bi dr Guggumüüsig, der Puls uf tüüsig
ich flippu komplett üs.
Ich tanzu derzüe und ich singu derzüe
und stampfu derzüe no mit miinum Schüeh.
Ich gumpu derzüe und ich höiru derzüe
bis am andru Morgu früeh!!
Äs git Lit die sägunt: “Das isch doch nur Krach,
das teent ja furchbar grüüsig!”
Mu keere ja die ganzi Nacht
nur no Guggumüsig.
Schii welle schlafu und iri Rüeh
das teene furchbar leid.
Doch dene briel ich allne züe:
“Guggumüsig, das macht doch Freid!!”
REFR:
Ja wenn die Guggumüsig,......

Ich lachu eifach gäru
X

Ich lachu eifach gäru

1992 - Allergattig uf Wallisertitsch

Wie trüürig wäri z’Läbu, ohni Gschpass und Freid!
Das wellti ich nie erläbu, ja das wäri wirklich leid!
Schich immer Sorge machu, das tüet doch gar nit güet.
Ich tüe vill lieber lachu, das ligt in miinum Blüet!
REFR:
Ich lachu eifach gäru: Hahahaha
Ich zeigu d’Freid halt gäru: Hahahaha
Ich lachu eifach gäru, will ich so Gschpass hä dra
Ich zeigu d’Freid halt gäru, das miesst ier doch verstah.
Ich lachu eifach gäru, will ich so Gschpass hä dra!
Ich darf kei Witz verzellu, susch kii ich immer dri.
Denn mitti im Verzellu, da chunnt mier d’Pointa z’Sii.
Ich fah sälber afa lachu und das zimmli lüt.
Dum Witz cha niemer nah cho, nei mu bigriift nu nit.
REFR:
Denn ich lachu eifach.....
Warum bisch dü so zfridu, het mu mich scho gfrägt.
Dü bisch wirkli z’biniidu, was isch diis Gheimrezäpt?
REFR:
Ich lachu.....

Konsärvubichsemenüfröije
X

Konsärvubichsemenüfröije

1992 - Allergattig uf Wallisertitsch

Am Morgu so am Niini,
geit diini und öi miini
Fröi ins Tea-Room i.
Schii bschtellunt schich es Teeli
verzellunt schich ganz freeli
die niwwschtu Gschichtjini.
Die Zit tientsch ganz vergässu
bald wäris Zit zum Ässu,
doch z’Mittag steit no nit bireit.
Doch schii lähnt schich nit la steeru,
schii heint deheimu “Hero”
schii wissunt dass das ganz schnäll geit!
REFR:
Bi de Konsärvubichsemenüfröije;
pünktlich steit dier z’Ässu uf dum Tisch.
Ja die Konsärvubichsemenüfröije
die zöibrunt ds’beschtusch Ässu uf du Tisch!
Am Namittag gänsch wieder
ins Tea-Room schnäll veruber,
schii heint schich telefoniert.
Äs git sovill z’verzellu
no schnäll es Kaffee bschtellu,
d’Wirti heiges offeriert!
En Linzertorta ässu,
d’Niidla nit vergässu
no schnäll churz vor dum z’Nacht.
Deheimu wartut z’Mannji,
macht Hörnli schich im Pfannji
derbii wäri z’Nacht schnäll gmacht!
REFR:
Bi de Konsärvubichsemenüfröije....
Doch d’meischtu Männer steert das nit.
D’Höiptsach isch doch dass ne eppis z’Ässu git.
Und git schich d’Fröi mal ehrlich Mieh,
es Komplimänt verchunnt schii darfer nie,
nei nie!
REFR:
Drum gits die Konsärvubichsemenüfröije.....

Nana na Ole
X

Nana na Ole

1992 - Allergattig uf Wallisertitsch

REFR:
Na na nanana, Ole!
Na na nanana, Ole!
Yeah, Yeah, Yeah, Yeah, Okay!
Tüesch dü es Liedji singu,
mit me güetu Tegscht.
Das tüet dier gar nix bringu,
willt de gat sofort merksch:
Lieder zum Naadeichu,
die chämunt gar nit a!
Dü müesch der s’was üsdeichu,
wa jede singu cha!
Mu müess sus chennu höiru,
scho nah dum eerschtu Mal!
REFR:
Na na nanana, Ole!.......
Amne Lied es Jahr studieru
bis dier alls üfgeit.
Dernaa tüesch dich blamieru,
will mus nit versteit.
Doch singusch dü de Lieder,
wa jede singu cha.
Das keerunt alli lieber,
mit dem chunnsch besser a.
Mu kennt sottigi Lieder,
scho nah dum eerschtu Mal!
REFR:
Na na nanana, Ole!.....

Strahlundi Öigu
X

Strahlundi Öigu

1992 - Allergattig uf Wallisertitsch

Dü chochusch mier z’Nacht,
mit Vorspiis und Dessert.
Dü weisch wie mus macht,
das cha niemer besser.
Dü brüüchusch vill Gschirr
und ich solls abwäschu!
Doch ich sägu zu dier:
“Das chasch de vergässu!”
Ich sägu zu dier:
“Das chasch sälber abwäschu!”
REFR:
Doch nachher lüegsch dü mich a
mit diine strahlunde Öigu.
Dü weisch ich gibu dier nah,
äs isch nit zum glöibu.
Dü wicklusch mich jedesmal
um diine chlei Finger.
Lüeg mich doch nimme so a,
so verwitschusch mich immer!
Dü geisch ines Gschäft
es Chleid ga probieru
mier chunnt pletzli schlächt,
der Priis tüet schockieru.
Fascht achthundert Stei
nei, das isch doch gschtohlu.
Doch ich sägu dier:”Nei!
Das tüenter nit zahlu!”
Ich sägu dier:”Nei!
Das chasch der sälber zahlu!”
REFR:
Doch nachher......

Fäschtet!

1994 - Fäschtet!

Fäschtet!
X

Fäschtet!

1994 - Fäschtet!

“Der Alkohol ischt - wa dr Tiful dri ischt!”
iner Sunntagspredigt seit der Pfarrer das.
“Geit d’Famili kaputt - isch der Alkohol d’schuld
und wievill Unfäll gits da uf der Strass!
Statt immer nummu z’fäschtu - tiet gschiider embiz bättu
und spändet fer d’Chirchurenovation.
Wier brüüche en niwwi Glogga, - drum sellti d’neegschti Wucha
alli ans Fäscht va iischer Chircha cho!”
Der Pfarrer het das sicher nit so gmeint,
doch am Fäscht da singt die ganzi Gmeind:
REFR:
Fäschtet! Triichet! Ässet! Laffet! liebi Gäscht
scheichet alli zämu nomal i.
Der Pfarrer will vam Bier und Wii de gar kei Räscht
will d’niwwi Glogga furchbar tiiri sii!
Ja ja ja, Fäschtet! Triichet! Ässet! Laffet! liebi Gäscht
scheichet alli zämu nomal i.
Vam Bier und Schnaps und Wii welle wier gar kei Räscht
d’niwwi Glogga müess gizahlti sii!
Ja ja ja ohni Gäld - gits gar nix uf discher Wält!
“Mu müess fer d’Jungu sorge - susch nämunsch nämmli Droge!”
Eso teents bim Füessballverei.
“Will Tschuttu eso gsund isch, - bsunner we mu jung isch,
statt umenander z’laffu, chämet, tschuttet öi!
Ja, chämet cho trainieru - wier tie das finanzieru.”
Doch das git der Kassa der Räscht.
Doch mu weiss ja was rendiert - mu organisiert
es Riesu-Summernachtsfäscht!
Die ganzi Gmeind isch da derbii
sogar d’Jungschtu stimmunt alli i:
REFR:
Fäschtet! Triichet! Ässet! Laffet! liebi Gäscht
scheichet alli zämu nomal i.
Der FC will vam Bier und Wii de gar kei Räscht
will Alkohol nit gsund fer d’Jugund sii!
Ja ja ja, Fäschtet! Triichet! Ässet! Laffet! liebi Gäscht
scheichet alli zämu nomal i.
Vam Bier und Schnaps und Wii welle wier gar kei Räscht
alles zämu müess üsglaffu sii!
Ja ja ja ohni Gäld - gits gar nix uf discher Wält!
Äs seit d’Polizii: “Kontrolla müess sii!”
und drum wird sovill kontrolliert.
Und we mu de müess - no zahlu en Büess,
gfrewwt schich d’Polizii:”Das rendiert!”
Denn mu verchunnt ja Provision, - so stigt öi der Lohn,
doch das weckt en schlimme Verdacht:
Dass unner de Gäscht - vam Summernachtsfäscht,
d’Polizii nur zum Schii da mitmacht!
Und we mu de zum Auto geit.
D’Polizii ganz frindli seit:
REFR:
Fäschtet! Triichet! Ässet! Laffet! liebi Gäscht
stiiget nummu so ins Auto i!
Vam Bier und Schnaps und Wii finde wier jede Räscht
de chasch de ds Autofahru gat la sii!

Kamillutee
X

Kamillutee

1994 - Fäschtet!

Jetz hän ich lang gnüeg gstudiert,
was sing ich jetz fer es Lied.
Ja jetz hän ich en güeti Idee:
Z’neegscht Lied heisst: Kamillutee!
Hesch dü mal en Riisu-Durscht
und hesch uf es Bierli Gluscht
doch was hilft gägs du Durscht no meh?
Ganz genau: Kamillutee!
Hesch dü Problem mit dum Durchfall
pletzli chunnts mit einum Chnall.
Uf Toilette längts dier längscht nimmeh,
dier fählt halt: Kamillutee.
REFR:
Kamillutee, Kamilutee
ich triichu nur Kamillutee.
Kamillutee, Kamillutee
und scho tüet mier nix meh weh!
Gfallsch dü dier nit wägu diine Haar
schi kiijunt üs und dier wird klar:
En Glatza verchunnsch dü meh und meh:
Striich schi i mit Kamillutee!
Oder fählt’s dier hie an Intelligänz,
fählt’s dier da an der Potänz.
Will dich diini Fröi nimme
probiers mal mit: Kamillutee!
REFR:
Kamillutee......
Zum Ässu keert en güete Wii!
Wer das seit, müess en Dubul sii.
Vill besser passt, ier wärdets gseh:
En Channa voll Kamillutee.
En Super-Fröi het mier mal gseit:
“Jetz bin ich zu allum bireit.
Alls chasch hä, wenn d’willt no meh....”
Doch ich will nur: Kamillutee.
REFR:
Kamillutee......

Meh als es Lied
X

Meh als es Lied

1994 - Fäschtet!

Ich hä Dier scho lang versprochu
es Liedji va Dier z’machu,
doch so eifach isch das fer mich nit.
Denn alls wan ich fer Dich hä gschribu,
hän ich in du Küder gitribu,
es hundsgwennlichs Liedji passt zu Dier doch nit.
Ich wellti doch soo vill sägu
va Diinum und miinum Läbu
und da längt es churzus Lied halt nit.
Drum wärdisus nie fertigbringu
es Liedji va Dier z’singu,
doch glöib mer min Schatz: So tragisch isch das nit!
REFR:
Denn Dü - bisch vill meh als d’schönschtu Lieder was git
Ja dü - bisch z’Beschta was uf der Wält fer mich git!
Fer Dich - hän ich no nie es Liedji kreiert,
denn dü - bisch vill meh als es Lied!
Jetz hock ich hie scho sit Stunde
der Afang hän ich no nit gfundu,
das Blatt vor mier isch immer no ganz läär.
Ich cha mier das nit erkläru,
z’schriibu “Ich hä di gäru!” -
Gopfridstutz, das isch doch nit so schwär.
Doch ich bringu kei Värs zämu,
drum pack ich miis Schribzig zämu.
Ich stiigu ins Auto und fahru jetz zu Dier.
Ich nimu Dich in du Aaru,
so chan ich mier ds’Liedji sparu.
Ich gschpiru genau: Dü keerscht eifach z’mier.
REFR:
Denn Dü - bisch vill meh als d’schönschtu Lieder was git
Ja dü - bisch z’Liebschta was uf der Wält fer mich git!
Fer Dich - hän ich no nie es Lied komponiert,
denn dü - bisch vill meh als es Lied!

Mitenand
X

Mitenand

1994 - Fäschtet!

Uf dum Pauseplatz gits en Schlägerii,
nur will eine will der Sterchschtu sii.
Es alts Fröiji wellti uber d’Strass,
doch gar keis Auto laht ira en Chance!
REFR:
Mitenand, statt gägunand!
(Chumm wier gäh doch:)
Hand in Hand, durch iischers Land.
Wenn epper mal nit diiner Meinig isch,
verzellsch allne, dass är nummu en Dubul isch.
Dü bhöiptusch stiif und fescht, dass är gschtohlu het,
nur will är en andri Hütfarb het!
REFR:
Mitenand....
Warum chenne wier nit zämustah?
Warum chenne wier nit zämuhaa?
Warum müess das immer gschtrittu sii?
Warum, warum, das fräg i mi!
Dü schämschti, dass är diine Brüeder isch,
nur will är bhindrut und im Rollstüehl ischt!
REFR:
Mitenand....
... chamu losu
Dr Boozu
X

Dr Boozu

1994 - Fäschtet!

Iner Porta der Boozu der gräischut mich a
ine Chräwjie die Ginschet, so bschouwt är mich a.
Ds gigrächut Aftertitschi, das tüet mu sus a.
Zum Gratzug will är nimme gah.
Mim Gütti enginnut der Boozu ds Lidji,
dernaa en Tschurrgetta vam Buttilli.
En Müülettu Jännu in du Bidl ambrii,
är höirut in schiiner Felli.
Der Ettro und Müema und der Gvattermaa
Die Gschwiija, der Neppot und d’Basi sind da.
Schii ferrggunt der Nachttschaaggu ins Schaloppi dri.
Und schickent’nu du Rottu ambrii!

Sport isch gsund
X

Sport isch gsund

1994 - Fäschtet!

Miine Brüeder der isch sportlich und im FC Natersch dri
mu het mer gseit: Der Erich; tieg jedi Balla i.
Zerzit het är gat Unfall, das chunnt äbu derfa.
Denn är verfählt der Füessball, jetz ligt är im Spital.
Der Erich jäissut:”Das isch Bschiss!”
Denn är het Bänderriss.
Aber äbu:
REFR:
Sport isch gsind, das sägunt alli Lit.
Sport isch gsund, drum mächunt alli mit.
Sport isch gsund, doch Füessball uf kei Fall,
denn wenn die Balla mal verfählsch, de landusch im Spital!
Vill triichu und güet ässu, sind miini Hobbini
doch Sport das chasch vergässu, da bin ich nit derbii.
Sport das isch vill z’gfährlich, alleinzig das isch d’schuld.
Ich bi nit gäru sportlich, nei ich bi vill lieber gsund!
Denn eppis isch doch sunnuklar:
Ohni Sport läb’ ich wunderbar!
Und trotzdem:
REFR:
Sport isch gsund, das sägunt alli Lit
Sport isch gsund, doch ich machu nit mit!
Sport isch gsund, Jede Dokter seit der das.
Und wenn im Sport en Unfall machsch, das zahlt ja d’Chrankukass!
Mu schlaat enandre uf die Zähnt, so isch Iischockey!
Der Lauda der isch fasch verbrennt, äs spinnt der Cassius Clay.
Der Brüeder der het Bänderriss, will är gitschuttut het!
Drum hän ich vor dum Sport so Schiss, drum bin ich öi so fett!
Sport richtut iisch no ds Grund.
Und trotzdem sige das e so gsund!
Aber äbu:
REFR:
Sport isch gsund.....

Tschooli
X

Tschooli

1994 - Fäschtet!

Ja ich bi immer unfrisiert,
derzüe no meischtens unrasiert.
Zum Coiffeur gahn ich sältu oder nie.
Miis Hemmli passt ze Hose nit,
ds Pulli isch mer zimmli z’wit,
am liebschtu träg ich ganz üsglaatschti Schüeh!
Und wenn ich sottigs üs will gah,
seisch dü mier fasch jedesmal:
REFR:
Ich sig es Tschooli, Tschooli, Tschooli hesch mer gseit.
Tschooli, Tschooli und trotzdem hesch dü Freid.
Tschooli, Tschooli, Tschooli seisch dü mier,
fer dich bin ich es Tschooli, genau so gfall ich dier,
drum bliib ich öi es Tschooli, de blibsch dü bi mier!
Bim Ässu is katastrofal,
ich sudlu eifach jedesmal
uf ds Tischtüech, d’Hose oder de uf d’Schüeh.
Miis Büüchji wagsut immer meh,
abnäh isch keis Thema meh,
ich nimu jetzu länger je meh züe!
Güet ässu und triichu macht doch Freid.
Öi wenn sovill dernäbu geit!
REFR:
Ich sig es Tschooli........
Ich cha eifach nit pünktlich sii,
ds Rendevous isch längscht verbii
oder ich bi de um Stunde z’früeh!
Deheimu isch eis Durenand,
alles liggut umenand.
Die Sauornig lahn ich eifach in Rüeh!
Üfrüümu macht mier gar kei Freid
und dü hesch mier scho tüüsigmal gseit:
REFR:
Ich sig es Tschooli.........
... chamu losu
Miini Lieder
X

Miini Lieder

1994 - Fäschtet!

Die allerschönschtu Sache
erläbsch wenn Müsig spillsch.
Es härzigs Chinderlachu
oder grossi Sääl want fillsch.
Äs isch schön, dass ich darf singu
hie vor de ganzu Lit
und tüet der Funku springu,
dasch d’Schönschta was doch git!
REFR:
Ich singu miini Lieder
fer dich und öi fer mich
und keersch dü anners lieber
isch mier das gliich.
Ich singu miini Lieder,
bi glicklich daderbii.
Ich weiss genau das Fieber
geit nie verbii!
Hän ich mal der Morelli,
öi das gits hientamal,
de laff ich mier kei Chnelli,
ich leg d’Handorgla a.
Und fahn ich afa spilu
mit miinum Instrumänt.
De bin ich wieder zfridu,
äs geit mer uverschämt!
REFR:
Will de sing ich miini Lieder....
Ich will nix kritisieru
mit miine Liedjini.
Will d’Wält nit reparieru,
nei das chämi mier nit z’Sii.
Doch bringunsch embiz Sunnuschii
inu Alltag sume Lit,
de bin ich uberglickli;
meh will ich gar nit!
REFR:
Nei ich singu nur miini Lieder....

Nennt mir das Land...Vol.1

1995 - Nennt mir das Land...Vol.1

Abschied vam Gantertal
X

Abschied vam Gantertal

1995 - Nennt mir das Land...Vol.1

Schöns Gantertal, miine Sunnustrahl
gseehn ich dich hit zum letschtu Mal.
Schöns Gantertal, miine Sunnustrahl,
gseh di zum letschtumal.
REFR:
Gantertal, dü miine Sunnustrahl
gseh di zum letschtumal, zum letschtu,
allerletschtu Mal.
Gantertal, dü miine Sunnustrahl
gseh di zum letschtumal, zum letschtu Mal.
Alli Luscht und Leid han i liecht ertreit
in diine Wäldru, uf diiner Weid.
Alli Luscht und Leid, han i liecht ertreit
uf diiner grienu Weid.
REFR:
Luscht und Leid han i so liecht ertreit
in diine Wäldru und uf diiner saftig grienu Weid.
Luscht und Leid han i so liecht ertreit
in diine Wäldru und uf diiner Weid.
Müess i jetz öi gah und dich ganz verlah
ds Härz wird uf ewig nur fer dich schlaa.
Müess i jetz öi gah und dich ganz verlah
ds Härz wird fer dich nur schlaa.
REFR:
Müess i jetz öi gah und dich so ganz verlah
miis Härz wird ewig, ewig ja fer dich nur schlaa.
Müess i jetz öi gah und dich so ganz verlah
miis Härz wird ewig fer dich schlaa.

Ds Belalp-Lied
X

Ds Belalp-Lied

1995 - Nennt mir das Land...Vol.1

Miine schönschtusch Ort im Alpuland
isch da ambrüf iischi Belalp
Mit ire dunkulbrüünu Hittjini,
so nah dum Gletscherrand.
Mit ire dunkulbrüünu Hittjini,
so nah dum Gletscherrand.
(Jodel)
Vill glicklicher als en Chinigi
isch da ambrüf iischi Senneri.
Ja wenn schii chääsut und äichut
ja de jützt schii derzüe.
Ja wenn schii chääsut und äichut
ja de jützt schii derzüe.
(Jodel)
Und wenn i de mal tot bi
da ambrüf wellti bigrabu sii.
Denn va der Belalp ins Himmulriich
is de gwiss nimme wit.
Denn va der Belalp ins Himmulriich
is de gwiss nimme wit.
(Jodel)

Briger Ballufierer
X

Briger Ballufierer

1995 - Nennt mir das Land...Vol.1

D’Briger Ballufierer fahrund cha verbii,
chomund üüsgiderrt us der heissu Lombardii.
D’Briger Ballufierer fahrund cha verbii,
chomund üsgiderrt us der Lombardii.
(Jodel)
Hittu sii wier hie und moru sii wier da
immer fii und gleitig de gschiidu Eschja naa.
Hittu sii wier hie und moru sii wier da
immer fii und gleitig de Eschja naa.
(Jodel)
Isch der Winter chelter, süürer öi der Wii,
wellwer gliich nit Wälschi, nei triwwi Briger sii.
Ischt der Winter chelter, süürer öi der Wii
wellwer gliich nit Wälschi, nei Briger sii.
(Jodel)

Das Lied vom Hirtenknab
X

Das Lied vom Hirtenknab

1995 - Nennt mir das Land...Vol.1

Im stillen Hirtentale, von Felsen rings umbaut,
hab’ ich zum ersten Male das Licht der Welt geschaut.
Dort sang ich meine Lieder, als froher Hirtenknab.
Dort sang ich meine Lieder, als froher Hirtenknab:
REFR:
La-lo-la-la-la-lo-i-da! Im Wallis ist es wunderschön
La-lo-la-la-la-lo-i-da! Im Wallis ist es schön!
Des Weges kam ein Fremder, zerbrach den Hirtenstab,
nahm hin in fremde Länder den frohen Hirtenknab.
Doch klang es immer wieder, das Lied vom Hirtenknab.
Doch klang es immer wieder, das Lied vom Hirtenknab:
REFR:
La-lo.......
Ich hört’ die Harfen rauschen, in zarter Künstlerhand,
Ich konnt’ den Liedern lauschen, die zauberhaft man fand.
Nur eines fehlte immer, das Lied vom Hirtenknab.
Nur eines fehlte immer, das Lied vom Hirtenknab:
REFR:
La-lo.......
Nun bin ich alt geworden, im Süd’ am Meeresstrand,
mein Herz doch weilt im Norden, im lieben Hirtenland.
Nur einmal möcht’ ich singen, das Lied vom Hirtenknab.
Nur einmal möcht’ ich singen, das Lied vom Hirtenknab:
REFR:
La-lo.......

Dr Giiger
X

Dr Giiger

1995 - Nennt mir das Land...Vol.1

REFR:
Oh Giiger, oh Giiger meck meck,
meck Giiger meck meck,
meck Giiger meck meck.
Oh Giiger, oh Giiger meck meck,
meck Giiger, oh Giiger meck meck.
Die Geiss die het zwei chrummi Hörner,
oh Giiger, oh Giiger meck meck
Der Giiger der seit, das chummi vam bögle,
oh Giiger, oh Giiger meck meck.
REFR:
Oh Giiger, oh Giiger.....
Die Geiss die het en chrummi Nase, oh Giiger.....
Der Giiger der seit, das chummi vam grase, oh Giiger....
REFR:
Oh Giiger, oh Giiger....
Die Geiss die het en chrumme Riggu, oh Giiger....
Der Giiger der seit, das chummi vam bicku, oh Giiger....
REFR:
Oh Giiger, oh Giiger....
Die Geiss die het zwei chrummi Scheiche, oh Giiger....
Der Giiger der seit, das chummi vam seiche, oh Giiger....
REFR:
Oh Giiger, oh Giiger....
Die Geiss die het es stiichunds Loch, oh Giiger....
Der Giiger der seit, wier bhalte scha doch, oh Giiger.....
REFR:
Oh Giiger, oh Giiger....

Ds Eischter-Liedji
X

Ds Eischter-Liedji

1995 - Nennt mir das Land...Vol.1

In de Eischtu is am leidschtu
uf der witu, grossu Wält.
Da gits nummu, ja das weiss mu,
grossi Tschugge und Faxe dra.
REFR:
Huu de ria, das isch schüüderhaft,
huu de ria, ja ja schüüderhaft.
Huu de ria, das isch schüüderhaft,
huu de ria, schüüderhaft.
In de Eischtu chascht ni feistu
will die Tschugge ds enggi sind.
Und öi we mu wellti tanzu
da mu gar keis Platzji find.
REFR:
Huu de ria, das isch schüüderhaft,....
In de Eischtu heint d’Meitjie am meischtu
Landtüüchschurz und Bachschüeh a.
Und wennsch chümmerli a fähnt cheischtu
löifunsch scho de Büebu nah.
REFR:
Huu de ria, das isch schüüderhaft,....
D’Büebu löifunt nah de Geissu
gännt dum Schatzji, siesse Riis.
Späck und Niidla, ja das weiss mu,
Tiiful, das isch güeti Spiis!
REFR:
Huu de ria, das isch schüüderhaft,.....
A de Tschugge, a na wärli
heichunsch da die Hiischer üf.
Gsehscht am Himmul nur eis Stärnli
wenn dü lotzusch grad embrüf.
REFR:
Huu de ria, das isch schüüderhaft,...

Glisertanz
X

Glisertanz

1995 - Nennt mir das Land...Vol.1

Im grossu Tannuwald hets a schuppu Bäjini
im altu Glisertanz, gits a schuppu Dräjini.
Wenn d’Gliiser holzu tient, gits a schuppu Titschini.
Wenn d’Gliser tanzu tient, a hüfu Meitjini.
Im witu Glisergrund, hets a schuppu Fachjini
im Gliser Gmeinderat gits a hüfu Chrachjini.
Wenn d’Gliser pflanzu tient, gits a schuppu Rieblini.
Wenn d’Gliser schtrittu tient, trunnggi Nitschini!

Mein Almagell
X

Mein Almagell

1995 - Nennt mir das Land...Vol.1

Hoch dort oben, bei den Firnen,
liegt ein Tal so friedlich still.
Sanfte Wellen tragen Schiffchen,
auf dem blauen See dahin.
REFR:
Ja mein Herz, das schlägt so schnell,
wenn ich Abschied nehm von Allmagell. (2x)
Bei den Felsen, steilen Wänden,
kann man munt’re Gemsen seh’n.
Nur der Jäger kennt die Fährte,
die sie früh am Morgen geh’n.
REFR:
Ja mein Herz, das schlägt so schnell,
wenn ich Heimweh hab’ nach Allmagell. (2x)
Traute Häuser, liebe Menschen,
sind genau nach meinem Sinn.
Und es freut mich ganz von Herzen,
dass ich Allmageller bin.
REFR:
Ja mein Herz, das schlägt so schnell,
wenn ich wiederkehr nach Allmagell. (2x)

Miis Heimatderfji
X

Miis Heimatderfji

1995 - Nennt mir das Land...Vol.1

Heimatderfji hert am Wald,
va dr Sunna ubermalt.
Ja äs tröümt mer nur va dier
und dü bischt so wiit va mier.
REFR:
Diini dunkulbrüünu Hüüsini
mit de rotu Näglistrüüsjini
oh dii wellti nomal gseh,
oh dii wellti nomal gseh. (2x)
Heimatderfji da am Bärg,
gseescht grad üs as wie än Zwärg.
Doch a Freidu bischt a Riis
bischt äs Alpuparadiis.
REFR:
Diini dunkulbrüünu Hüüsini....
Heimatderfji bischt so alts,
wie der dunkol Tannuwald,
doch in d’Wält gseehscht frisch und gsund,
jedesmal wenn d’Sunna chunnt.
REFR:
Diini dunkulbrüünu Hüüsini.....
Heimatderfji bischt so arm
aber ds Härz ischt immer warm,
will da güeti Lit no sind
wie mu schi no sältu find!
REFR:
Diini dunkulbrüünu Hüüsini....

Natischer Heimfahri
X

Natischer Heimfahri

1995 - Nennt mir das Land...Vol.1

Ier luschtigu Büebu, die Nacht ist bald aus
die Vögel die pfeifen, wir müssen’s nach Haus!
(Jodel)
Geh’n wir nach Haus so lachen sie uns aus.
Und bleib ich bei dir, so schimpfen sie mir!
(Jodel)
Drii Tage vor Oschtru da geit der Schnee ab.
De heratut miis Schatzji und de bini tschäpp ab.
(Jodel)

...im Ethno-Fieber

1996 - ...im Ethno-Fieber

Vater, Kolleg und Frind
X

Vater, Kolleg und Frind

1996...im Ethno-Fieber

REFR:
Vater, Kolleg und öi Frind
Eine wie mu keine suschter find
Uf Dich da cha mu zellu, gliich was öi passiert
und mit Dier hän ich so gäru müsiziert!
Dü bisch miis grossi Vorbild gsii.
Wa Dü bisch, hän ich öi wellu sii.
Sigs bim Schaffu, sigs bim Laffu
oder sigs bim greeeschtu Fäscht
ja wenn Dü losleisch chunnt mu nit so schnäll ins Näscht!
Jessus, was hei wier scho alls erläbt
Dü hesch mi gleert, wie mu z’Läbu läbt.
Wie mu lachut, wie mu flännut
wie mu cha glickli sii,
und das mu immer mit eim sälbsch soll zfridu sii!
REFR:
Vater, Kolleg und....
Hientamal da hesch mi richtig gleit
de hesch mi üsglacht voller Schadufreid,
doch dass Dü Freid hesch wenn mi gleit hesch,
das cha jede güet verstah
Diine Humor, steckt alli sofort a.
Üsgseh tüesch zwar nimme ganz so frisch.
Will Dü jetzu öi bald siebzig bisch.
Dü chunnsch elter, doch nit chelter
in Dier brennt no das Fiir.
Diini Jugend geit glöib niemals verbii!
REFR:
Vater, Kolleg und...
No hittu lüegunt Dier vill Fröije nah.
No hittu bischt en stattliche Maa.
Dü bisch herrlich, jetz ganz ehrlich
Nei das isch gar kei Hohn:
Wie der Vater........
Dü bisch miine
Vater, Kolleg und öi Frind!

Aletschgletscher
X

Aletschgletscher

1996...im Ethno-Fieber

Zwischu de stotzige Tschugge bim Aletschwald
Ändlos tiefe Spalte , fiischtrig und iischuchalt
Gheimnisvoll mächtig, liggusch Dü da
Alli bliibunt andächtig vor Dier stah!
REFR:
Aletschgletscher - in ewigum Schnee
sit Jahrmillione - cha mu dich gseh
Tüüsig Gschichte - die schlafunt in dier,
Aletschgletscher - chumm, verzell schi mier!
Aletschgletscher - verzell schi mier.
D’Sage uber Dich - säg sind die wirklich alli wahr?
A schuppu armi Seele beite scho hüüfu Jahr.
Schoch schoch, d’alt Schmidja, die spinne hittu no
Dum Gratzug dem chenne niemer entcho!
REFR:
Aletschgletscher in ewigum Schnee.....
... chamu losu
Schwiimeije
X

Schwiimeije

1996...im Ethno-Fieber

Hientamal da glöibt mu fescht, - dass mu nix vergisst
Doch ich hä mal ds’Giburtstagsfäscht - va Dier nimme gwisst.
Eerscht wan ich zu Dier bi cho - chunnts mer pletzi z’Sii
Äs längt nimme, das weiss ich scho - d’Gschäft sind gschlossu gsii!
Jetz stahni da weiss nimme i und üs,
wa find ich jetzu no en Blüemustrüss?
REFR:
Schwiimeije - wa bliejunt vor dum Hüüs
Schwiimeije - kei tiire Blüemustrüss
Schwiimeije - hän ich nur in de Händ
Schwiimeije - ich hä mi richtig gschämt!
Wan ich zer Porta i bi cho - die Meije in der Hand.
Machscht en Sprung, ich weissus no - bischt üsser Rand und Band.
Ich hettis ehrlich nit gideicht - wägs soner Chleinigkeit.
“Dü hesch mier d’wäägschtu Blüeme gscheicht!”- hesch gseit mer voller Freid!
Ob Diinum Bett da hangut jetz es Bild
wa nur verdorrti Meije drinna sind!
REFR:
Schwiimeije....
We mu hittu Gscheichi macht - chas hienta nit gnüeg choschtu.
Doch öi die allertiirschti Sach - tüet mu schnäll vergässu.
Und isch es Gscheich öi no so chlii - wenn’s nur va Härzu chunnt
Vergisst mu schiiner Läbtag nie - und we mu 100 chunnt!
Ja wenn Dier d’Phantasie nit fählt
brüüchsch zum Scheichu gar keis Gäld!
REFR:
Schwiimeije....

Caroline
X

Caroline

1996...im Ethno-Fieber

Ich hä kei Fleige meh im Zimmer
darum schlaf’ ich jetzu immer,
die ganzi Nacht erwach ich nimme -
wägu der Caroline!
Friener hettis mich gigrüüsut,
friener hän ich schlächt gipfüüsut,
doch alli Fleige hetsch verschüüchut -
miis Caroline!
Statt Insektuspray ga chöifu
lahn ich d’Spinna frii la löifu
ich hä schi Caroline gitöifut
miis lieb Caroline!
Schii isch zwar nit die schönschti Spinna
d’Fleige chämunt nimme inna
darum bhalt ich miini Spinna
miis Caroline. (2x)
REFR:
Spinn, spinn, spinn Caroline
Spinn, spinn, spinn Caroline
Spinn ja spinn fer mich - miis lieb Caroline! (2x)
Miini Fröi seit mier ich spinne
die het drum nit so gäru Spinne
doch darfer chämunt d’Fleige nimme
wägu der Caroline.
Lüeg jetz lipfutsch gat en Tschaaggu
faht im Netz dri afa paaggu
faht ganz langsam afa schnaaggu -
miis Caroline.
Doch wit awäg isch no nie gangu
schii tüet an miiner Welbi hangu
het da scho villi Fleige gfangu -
miis Caroline

Dicki Luft
X

Dicki Luft

1996...im Ethno-Fieber

Äs isch Fritag am Aabu, dü chasch endlich gah
Fiiraabuzit und dü hesch Durscht.
So blibsch dü üsnahmswiis vor diiner Stammbeiz stah.
Dü hesch no uf es Bierli Gluscht.
Bim eerschtusch Schritt durch d’Porta da erchlipfusch fasch
Voll Gschtäich und Röich und Krach z’Lokal.
Mit Träne in de Öigu, da erstickusch fasch.
Und pletzli da wirds dier klar:
REFR:
Ou hie isch:
Dicki Luft, - das nimmt dier fasch der Schnüüf
Dicki Luft, - das regt di gottlos üf
Dicki Luft, - das haltusch fasach nit üs,
Dicki Luft, - jetz müesch dü sofort üs!
Dü bschtellusch schnäll es Bier und willt gat sofort gah,
so dicki Luft das halt’sch nit üs.
Doch ds Bier isch güet und Gsellschaft öi drum blibsch dü da
Am Morgu m’Eis kit mu dich üs.
Mit drissig Bier im Magu schnaagusch heim zer Fröi
die steit scho mim Teigroller da
Schii jäissut, flännut, brielut und schlaa tüetsch dich öi
und pletzli da wirds dier klar:
REFR:
Jetz isch aber:
Dicki Luft, - das nimmt...
Am Morgu wachusch üf im Grind es Wäschginäscht
gottschgrüüsigschlächt im Magu dri.
Das Teeli wa der d’Fröi no bringt git dier der Räscht
Dü secklusch schnäll in d’Toilette i.
Der Schgüüser hesch drum steisch dü jetzu nimme üf.
En ganzi Stund hockusch scho da.
Dü biischtusch fescht und schreckusch d’Luft zer Nasa ambrüf
Und pletzli da wirds dier klar:
REFR:
Öi hie isch:
Dicki Luft, - das nimmt...

Fitlamzüü
X

Fitlamzüü

1996...im Ethno-Fieber

Der Wecker isch tilt - jetz hesch di verschlafu
Pressierusch wie wilt - chunnsch z’spat zum schaffu
Der Chef regt schiich üf - und är brielut dich a
“Das hert mer jetz üf - dü chasch gat sofort gah!
REFR:
De bisch Fitlamzüü
Fitlamzüü
Fitlamzüü.
Der Chef het dich kit - das isch doch nit schlimm
jetz hesch halt meh Zit - fer diini Fröindin
Dü geisch schi ga bsüechu - doch da müesch öi gah!
dü fasch afa flüechu - en Andre isch da!
REFR:
De bisch Fitlamzüü
Fitlamzüü
Fitlamzüü.
Fröije gits gnüeg - dü lachsch eini a
Schii gfallt dier so güet - schii will mit dier gah!
Ohni Chleider und Rock - steit schii pletzli da
Fer dich is en Schock - Schii ischt en Maa!
REFR:
De bisch Fitlamzüü
Fitlamzüü
Fitlamzüü.
Am Schock müesch dü stärbu - und zwar sofort
En Ängul willt wärdu - süechsch d’ Himmulsport.
Ey Petrus tüe üf - An d’Porta tüesch schlaa
Da geitsch pletzli üf - und der Tiful steit da!
REFR:
De bisch Fitlamzüü
Fitlamzüü
Fitlamzüü.

Ich stah zum Wallis
X

Ich stah zum Wallis

1996...im Ethno-Fieber

REFR:
Ich stah zum Wallis
zum Goms, zum Saas und öi ze Leetschini
Ich stah zum Wallis
Zu Zermatt, Leiggerbad, ze Gnoogini
Ich stah zum Wallis
und ds Wallis wärd’ ich sicher nie verlah.
Will ohni z’Wallis
wäri iischi Schwiz vill ermer dra!
Iner Üsserschwiz versteit mu mich fasch nie.
Wenn ich va miinum Wallis schwärmu tüe.
Va de Bärga, va dr Sunna, va de uverschämtu Lit.
Iner Üsserschwiz bigriift mu sottigs nit.
So stuuri Grinda wie’s im Wallis git
kenne mu susch in der Schwiz gar nit.
Mu fahre wie die Räuber und verstääge nit mal d’Sprach
so verchumm ich va de Grüezini uf ds Dach.
REFR:
Doch ich stah zum Wallis....
Die Walliser, die läbe hinnrum Mond
im Wallis z’schaffu heig’ schich no nie glohnt
Mu verdiene z’wenig, schaffe z’wenig, süffe darfer meh
Mier als Walliser tüet sottigs gottlos weh!
Doch bin ich sicher, dass Dü mich bigriifsch
wenn dü emal sälbscht im Wallis bisch.
Wier hei alles, was mu brüüchut und wier bliibe wie wier sii
D’Grüezini sind wägu dem so Niidischi!
REFR:
Doch ich stah zum Wallis.....
... chamu losu
...im Ethno-Fieber
X

...im Ethno-Fieber

1996...im Ethno-Fieber

Edelwiis und Alpurose
die chasch gseh - uf miine Schüeh.
Und uf miine Unnerhose
gseehscht en zfridni Jordi-Chüeh.
Ich hä drum Edelwiis vill lieber
eswa üfgstickt - als ir Natür
Ich liidu unnrum Ethno Fieber,
bi stolz uf miini Jordi-Ühr.
Fer ds Schniidu brüüchi z’Jordi-Messer
triichu nur no Jordi-Wii.
Mit Ethno-Strimpf löift mu vill besser.
Hä ‘n Ethno-Rosuchranz derbii.
Ich wandru mit dum Jordi-Rucksack
mit feschtum Schritt de Bärga züe.
Miis Gäld hän ich im Jordi-Gäldsack
bi stolz uf miini Jordi Schüeh.
Uf dum Chopf en Ethno-Chappa
und es Ethno-Brillugschtell.
Derzüe en Jordi-Chüeh-Cravatta
Es Schilli ganz us Rinder-Fäll.
Ich hä drum Edelwiis vill lieber
eswa üfgstickt - als ir Natür
Ich liidu unnrum Ethno Fieber,
bi stolz uf miini Jordi-Ühr.

Las Vegas
X

Las Vegas

1996...im Ethno-Fieber

Schii ischt en Power-Fröi
und steit mit beide Bei
zmitscht in irum Läbu dri.
Ja schii gfallt mier so güet
aber mier fählt der Müet
am liebschtu laduti ‘ch schii eifach i.
Zumene Glasji Wii
eso bi Cherzuschii
doch weiss ich eifach nit wie fahnis a.
Villiicht blamier ich mich
Doch dizmal is mier gliich
ich gah zu ira, redu schii fräch a:
REFR:
Chunnsch mit? - Wier fleige uf Las Vegas
Wier läh hie eifach alls lah stah
Chunnsch mit? - Da ännina ds Las Vegas
säg ich dier fer immer ja!
Schii lüegt mier mitsch ins Gsicht
und seit: “Das glöibi init!
eso het de no nie eine plagiert!”
Und wier hei beidi glacht
en schööne Aabu gmacht
und hei iisch beidi inenand verliebt.
Das isch der Afang gsii
und hittu da keert schii
zu mier genau wie ich zu ira öi!
Weisch wien ich paff bi gsii
denn pletzli da seit schii:
“Am Liebschtu würd’ ioch jetzu diini Fröi:
Chunnsch mit? - Wier fleige uf Las Vegas
Wier läh hie eifach alls lah stah
Chunnsch mit? - Da ännina ds Las Vegas
säg ich dier fer immer ja!

Mämmi
X

Mämmi

1996...im Ethno-Fieber

REFR:
Mämmi, Mämmi, so’s Mämmi gits susch niene meh!
Geschter heigg är schiini Fröi in du Spital gitreit.
Hittu sigg är Papa cho, verchiundut är voll Freid.
Jetz triichut är ufs Wohl vam Botschi, ladut alli i.
Und pletzli stimmunt alli zämu in schiis Liedji i:
REFR:
Mämmi, Mämmi, so’s Mämmi gits susch niene meh!
Dum Unkul und der Tanta und dum Nachbüür sant der Fröi.
Dum Vetter und dum ganzu Füessballklub natiirli öi
hett är en Charta gschickt, schii selle alli zämu cho.
Jetz stähnt schii vor dum Bettji und alli singunt flott im Chor:
REFR:
Mämmi, Mämmi, so’s Mämmi gits susch niene meh!
D’Öige hets vam Papa und far Mama heig äs d’Haar.
Z’Müül, das hets vam Grosspapa, das isch doch sunnuklar.
D’Füessini vam Unkul und der Büüchnabul gat öi.
Dum Tanti dem gfallt ds Schnäbi güet, schii isch ja no Jungfröi!
REFR:
Mämmi, Mämmi, so’s Mämmi gits susch niene meh!
Es Nuggi zum Süügu - chas sicher güet brüüchu
drum hetsus ds Omi gscheicht.
Es Schüeli zum löifu - müess öi nimme chöifu
an das hetr der Nachbüür gideicht.
Es chleis Gutterli - es Löifgitterli,
öi das steit scho bireit.
Es Puderli - fer ds Fuudeli
das acht dum Mämmi Freid!
REFR:
Mämmi, Mämmi, so’s Mämmi gits susch niene meh!
Und wenn Dü seisch: Nei säg doch sälbsch, das isch es saublöds Lied.
De bin ich pumpusicher, dü hesch no keis Mämmi kriegt
Denn wenn dü z’eerschtuschmal diis Mämmi in de Arma treisch.
Rat emal was Dü de in vollum Ärescht seisch:
REFR:
Mämmi, Mämmi, so’s Mämmi gits susch niene meh!

Stimmt gar nit
X

Stimmt gar nit

1996...im Ethno-Fieber

REFR:
Stimmt gar nit, stimmt gar nit, alles nummu Lugi.
Stimmt gar nit, stimmt gar nit, alles nummu Bschiss!
D’Fröi Schmidt het Giburtstag, ich hä gratuliert
ich hä schii düe gfräägut, wie musus halt tüet:
Wie alt dass schii jetz chunnt
schii seit mit rotum Grind:
“Ich bi gat vierzig cho!”
Da höirut ires Mannji scho:
REFR:
Stimmt gar nit....
Der Politiker het vor de Wahle lüt gseit:
Ich versprächu, dass alles vill besser geit:
Jede verdient meh Gäld,
ja ich verbessru d’Wält,
doch scho nach churzer Zit,
da merkunt wirklich alli Lit:
REFR:
Stimmt gar nit....
Du Thomi und ds Vreny stopput d’Polizii
der Tschugger lüegt gwundrig, ins Auto dri:
“Gitrüüchu heit ier nix?”
der Thomi seit ganz fix:
“Nei, nei ich ha nix ka!”
Da höirut ds Vreny näbudra:
REFR:
Stimmt gar nit....
Wan ich die Fröi gseh hä, is um mich passiert
Hals uber Chopf, hän ich mich verliebt.
Ich lüegu schii lieb a,
ich sig en tröije Maa
und ledig sii ich öi!
Da pletzli höirut miini Fröi:
REFR:
Stimmt gar nit....

...und tschüss
X

...und tschüss

1996...im Ethno-Fieber

Der Georges und ds Mägi
scho lang es Päärli
jede Aabu wird nur Fernseh glüegt!
Doch plötzlich schiisst’s nu a
der Georges seit schiinera
Vam Fernseh hän ich jetzu gnüeg!
REFR:
Und Tschüss -
schalt endlich üs
das isch in Grüüs
nur hie im Hüüs
das haltsch nit üs
drum gahn ich üs
und triichu es Bierli üs.
Der Georges lüegt ganz allei
Im Fernseh Iischhockey
Doch dum Mägi macht das gar kei Freid
Schii wellti schmüüsu
mit ihm ga pfüüsu
Doch är will nit, drum het schii gseit:
Dum Georges dem gits fascht eis
Miini Fröi die geit ind Beiz????
Am Iischhockey het är gat nimme Freid.
Das isch mier no nie passiert
sit wenn isch die emanzipiert
Ich glöibus nit! Was het die zu mier gseit?
Der Georges lüegt nie meh
Am Maabu Fernseh
Staat dem geit är mit schiinum Mägi üs.
Ga spazieru
ga karisieru
Schii sind nür sältu meh im Hüüs.
(...und singunt niemals meh....)

13 Stärna

1998 - 13 Stärna

Niemer (Im Altersheim)
X

Niemer (Im Altersheim)

1998 - 13 Stärna

Sunna und Rägu, Freid und öi Leid
hescht in dim, Läbu, scho mängsmal ertreit.
Dü wärisch no rüschtig, trotz de wiissu Haar.
Doch jetz bischt alleinzig sit anderthalb Jahr!
Niemer zellt mit dier und niemer steit zu dier,
dü hockusch im Sässul und darfsch nimme heim.
Mu het dich vergässu, im Altersheim.
In dim chleinu Zimmer hockusch dü da
und deichusch fascht immer an d’vergangunu Jahr.
D’Chind hesch erzogu mit vill Giduld.
Dü fühlsch dich bitrogu, doch dü gisch keinum d’Schuld!
Dü deichsch nie an moru, das tüet dier nit güet.
Müesch dich um nix sorgu, ja mu lüegt dier hie güet.
Und wenns dier mal Bsüech git, willsch nu nimme la gah!
Doch d’Meischtu heint kei Zit - miessunt gat wider gah.
Und niemer zellt mit dier und niemer steit zu dier,
dü hockusch im Sässul und darfsch nie meh heim.
Mu het dich vergässu, im Altersheim
Ja mu will dich vergässu, im Altersheim.

Absturz
X

Absturz

1998 - 13 Stärna

Der Wecker der littut, am Mäntagamorgu früeh!
Hittu bliib ich liggu - oh blaset mier alli in d’Schüeh!
Nächti das isch wieder ganz en leide gsii,
Ich weiss nimme wani uberall bi gsii.
Ich weiss numma dass dü nit bi mier bisch gsii.
Dü alleinzig fählusch mier, ich laffu wägu dier!
Absturz - ich kiiju! Absturz - tief ambri!
Ich schmeizu miine Job, ich brüüchu gar keis Gäld
Ich brüüchu kei Kollegu, brüüchu nix uf der Wält.
Nur dü bisch die wa mier in miinum Läbu fählt!
Ich bi wieder uf der Pischta, äs isch gat Zwelfi gsii.
Ich hä z’mittag schon hüeru Chischta, das isch doch schiissuglii!
In der zähntusch Bar da bini leid uf d’Schnura kit,
der Gäldsack heintsch mer gstohlu, niemer git Kredit.
Jetz bättli uf der Strass obs no en Fränggler git!
Und das alles wägu dier, dü alleinzig fählusch mier!
Absturz - ich kiiju! Absturz - tief ambri!
Ich triichu wägum Härz, de machts mer nimme weh!
Ich quellu miini Läbra, jetz süffi no meh!
Ich bi no zwenig glaffne, mägi no vill meh!
Bier und Schnaps und Wii - literwiis ambri
Absturz - Ich kiiju! Absturz - tief ambri!
Ich bi nimme sicher isch das d’Wirklickkeit,
will der Wecker jetz gat nochemal abgeit
und dü liggusch näbu mier ich hä en Riesufreid!
...zum Glick häni nur gitröimt....

Bitte nit scho wieder
X

Bitte nit scho wieder

1998 - 13 Stärna

Ich höiru voll Zoru - äs is passiert
jetz wird ab Moru - ganz fescht trainiert.
So chani nit bliibu - der Ranzu müess fort
und müess ich öi liidu - jetzu triib ich Sport.
Dum Zeiger var Waaga lüeg ich naa
und sägu dem Zeiger: Bitte los mich aa:
Bitte nit scho wieder - immer üf und nieder -
ich hä ganz schwachi Glieder - Bitte nit scho wieder!
Ich gah ga trainieru - ich wäägu vill z’vill!
Zäh Kilo verlieru - das isch miis Ziel.
Zäh Kilo - da lachi - das isch nur embiz
Z’allerscht da machi - so fufzg Ligustitz!
Naa zwenzg Ligustitz bin ich niederkit.
Und merku voll Zoru: “Vill meh magi nit!”
Bitte nit scho wieder - immer üf und nieder -
ich hä ganz schwachi Glieder - Bitte nit scho wieder!
Weisch wienich tüe schwitzu - im Fitnesstudio dri
tüet das ächt eppis nitzu, fräg i mi.
Da verchunnsch ja der Verleider, nei das machi nit.
Miini Trainigschleider häni uf du Küder kit.
Und chüüm bin ich deheimu lüegt mich d’Fröi lieb a.
Ich weiss was schii will - das gseht mu ira a!
Bitte nit scho wieder - immer üf und nieder -
ich hä ganz schwachi Glieder - Bitte nit scho wieder!

Chas nit verstah
X

Chas nit verstah

1998 - 13 Stärna

Ich stah vor dier, lüegu dich a, redu mit dier, chas nit verstah!
Wier zwei si scho en lengi güeti Frinda gsii.
Hä immer gmeint ich kenn di. Derbii is nit so gsii.
Si zämu in d’Schüel gangu, sogar in d’gliichi Klass.
Hei iisch immer güet verstandu und jetz passiert dier das!
Chas nit verstah!
Bim Fäschtu bisch nie still gsii. Voll Läbunsfreid hesch glacht.
Fer d’Kollegu isch nix z’vill gsii. Fer die hescht alles gmacht.
Doch jetzu bisch dü gangu. Was niemer hie versteit.
D’Kollegu hesch la hangu. Hesch niemerum nix gseit!
Ich stah vor dier, lüegu dich a, redu mit dier. Ds Allerletschtuschmal.
Dü bisch doch immer da gsii, wenns einum mal schlächt geit.
Je fer dich is sunnuklar gsii, dass mu ze Frinda steit.
Warum hesch mich vergässu? Vergässu dass mi git!
Hescht alls in dich drigfrässu! Nei das bigriff ich nit!
chas nit verstah - hesch wellu gah
chas nit verstah - bisch nimme da
chas nit verstah - jetz liggusch da
wärdus nie verstah - dü hesch wellu gah
wärdus nie verstah

Die alti Beiz
X

Die alti Beiz

1998 - 13 Stärna

Im Summer hesch z’heiss und im Winter hesch z’chalt
will d’Heizig nie rächt funktioniert.
Mu hockut nooch zämu, ob jung oder alt
und de wird ganz lüt diskutiert.
Die Lehrtochter seit dum Diräkter hie d’Meinig
und isch mit ihm pletzli per Dü.
Iner Beiz vis a vis hockusch nie ganz alleinzig.
En Platz isch fer dich immer frii!
Die alti Beiz, het ire Reiz, öi wenns en furchbari Spunta isch,
es fiischtrigs Loch, ganz chlii und doch hockunt hie Lit an jedum Tisch.
Und jede Gascht, meinut hie fascht dass wie en grossi Famili isch!
Ob arm ob riich, hie isch das gliich mu nimmt jede so wie-n-är isch
Hie cha jede sii, so wie-n-är will sii, wills wie deheimu isch.
Vam geschtrigu Wii tüet der Bodu no chläbu
und chnarrut bi jedum Schritt.
Süüberi Gleser die süechusch vergäbu,
en Gschirrspielmaschina gits nit.
Die Müsigbox die teent je länger je schlimmer
und röichu tüetsch hientamal öi.
WC-Papier das gits wieder mal nimme
Ei Toilette - ob Maa oder Fröi.
Die alti Beiz, het ire Reiz,......
Ds Gsundheitsamt het die alt Beiz kontrolliert,
Ds Hygienegsetz will das eso.
Natiirli heint bi dr Gmeind reklamiert,
äs sige nit süüber und so.
Die Beiz het mu gschlossu, es Pub üfgitah
Blitzsüüber, steril, wie’s soll sii.
Doch jedesmal wenn ich dsPub gseh, bliib ich stah
und mier chunnt, d’alt Beiz wieder dsi.
Die alti Beiz, het ire Reiz,.....

Ds Greegschta
X

Ds Greegschta

1998 - 13 Stärna

Dü weischt alles besser, dü chascht alles besser,
dü weischt immer haargenau wies geit!
Was dü seisch das zellut, was d’Andru derzüe meinunt,
das isch dier doch so läng und öi so breit!
Und het epper dier entgägu, das magsch dü nit verträägu,
denn schliesslich bisch fer dich der Allergreegscht.
Ja tüesch dü so plagieru, tüen ich dier applaudieru
und sägu dier was dü so gäru keerscht:
Fer mich da bisch dü ds Greegschta, ds Aller- aller-Greegschta,
ds Greegschta bisch dü!
Ja da chasch dü doch froh sii, denn äs git villi Grossi,
doch ds Greegschta bisch dü!
Sumi Lit die magi und sumi Lit die plagi,
will sch’mier grüüsig leid uf d’Närve gähnt.
Schii tient mier d’Bira fillu, ich weiss bim beschtu Willu,
nit was machu dasch mich z’fridu lähnt.
Ich wellti witerlöiffu, doch die tient witerblöffu,
dü glöibsch fasch nit was die alls üssalähnt!
Und säg ich miini Meinig, sind die mit mier einig,
aber nur will’sch miini Spruch ganz falsch verstäähnt!
Fer mich da bisch dü ds Greegschta, ds Aller- aller-Greegschta,
ds Greegschta bisch dü!
Ja da chasch dü doch froh sii, denn äs git villi Grossi,
doch ds Greegschta bisch dü!
Dü weischt alles besser, dü bischt immer besser,
ja dü willt immer nur der Greegschtu sii.
Jetz müesch nimme plagieru, ich tüe dier gratulieru:
ds’Greegschta wani kennu das bisch dü!!
Fer mich da bisch dü ds Greegscht-A., ds Aller- aller-Greegscht-A,
ds Greegscht-A bisch dü!
Ja da chasch dü doch froh sii, denn äs git villi Grossi,
doch ds Greegschta bisch dü!

Ganz alleinzig dü
X

Ganz alleinzig dü

1998 - 13 Stärna

Immer wenn ich an Dich deichu, will ich Dier miis Härz verscheichu
und derzüe no suschter alles wan ich hä!
Denn ohni Dich da isch miis Läbu furchbar trüürig und vergäbu,
ohni Dich da blibti z’Bett fascht immer läär.
Ich cha Dich nimme vergässu, cha nix triichu, nix meh ässu
wenn ich nur emal nit bi Dier darf sii.
Dü bisch fer mich es richtigs Wunder, näbu Dier geit jedi under
öi die allerschönschti Schönheitskönigii!
Ganz alleinzig Dü!
Wenn ich Dich gseh schint fer mich d’Sunna, s’löift mer chalt der Rigg ambrinna
Mond und Stärna die hol ich fer Dich ambri.
Jedes Opfer will ich bringu, stundulang nur fer Dich singu
fer Dich schriib ich d’allerschönschti Sinfonie.
Jede Tag telefonieru, Hand in Hand mit Dier spüazieru
Die greeschti Liebi in miinum Läbu, die darf ich mit Dier erläbu
bi Dier bliib ich bis ich alt und graue bi.
Ganz alleinzig Dü! Monika, Barbara, Ursula!
Ganz alleinzig Dü! Heidi, Helga, Rosmarie, Fränzi, Susi, Rosalie, Jasmine, Nadine, Stefanie,
Ganz alleinzig Dü!
Anja, Agnes, Annelies, Anita, Babsi, Beatrice,
Benita, Dorli, Esther, Christine, Bernadette.
Gaby, Helen, Ida Jeaninne, Josianne, Kathrin, Katja, Karin,
Laura, Lilli, Lea, Lotti, Antoinette.
Maria, Myriam und Milena, Nadja, Nathalie und Nena,
Zita, Rita, Paula, Susann, Melanie.
Sabine, Silvia, Sybille, Sandra, Theres, Tina , Uschi, Tanja,
Valentina, Yvonne, Elsbeth, Vreneli.
Benita, Carmen, Claudia, Hanni, Fabienne, Gerda, Trudi, Anni,
Marlies, Friedi, Michelle, Doris und Marie!
Ganz alleinzig Dü!

Hello Art Furrer
X

Hello Art Furrer

1998 - 13 Stärna

Der wildu Weschtu va dr Schwiz der liggt am Rottustrand,
bhöiptunt villi Lit vam ganzu Schwizerland.
Sogar en Cowboy gits bi iisch, der isch uberall bikannt.
Der Cowboy der läbt uf der Riederalp.
Hello, Hello Art Furrer, Hello! Diis ganzi Läbu ischt en Riesu-Show.
Hello Hello Art Furrer, Hello! And the Show must go one!
Als Schgiilehrer macht är Karriera in Amerika.
Doch zrugg im Wallis heintsch nu nit so gäru ka.
Är seit: “D’Schgiilehrer va dr Schwiz; Was zeigunt de scho die?
Nur d’Hosuschiisserstellig uf de Schgii!”
Jetz faht är no a Biecher schriibu - nei är isch nit füül.
Was är deicht das seit är (öi - är) nimmt keis Blatt vor ds Müül.
de Gägner macht är ds Läbu schwär - da macht är gar nit ds’Chalb.
Är sigi ja the King from Riederalp!

Iischi Wienächtszit
X

Iischi Wienächtszit

1998 - 13 Stärna

Uf ds Chrischchindli hei wier giplangut, am Böim heint villi Pärle ghangut
Ds Jesuschind im Chrippustroh und Chinderöigu glänzunt froh
so isch gsii ir Chinderzit, iischi Wienächtszit.
(und wie gseht das hittu üs?)
Secklu, flüechu, Gscheichi chöifu, schnäll in jedes Gschäft ilöifu.
Alli wellunt d’Eerschtu sii, so löift mu anenand verbii.
Ehrlich gseit, so gfallsch mier nit, iischi Wienächtszit.
Triichu, ässu, embiz fiiru, Wienächtslieder ambriliiru,
mal wieder bir Famili sii und hoffu s’gäge schnäll verbii.
Ehrlich gseit, so gfallsch mier nit, iischi Wienächtszit.
Gscheich üspacku, alls vergliichu! Gittig sind immer die Gliichu!
Z’neegscht Jahr chöift mui dem de nix meh, de Andre darfer umso meh,
ehrlich gseit, so gfallsch mier mit, iischi Wienächtszit.
Fer sumi isch das ganz in Ornig, voll Päcklini die ganzi Wohnig
in d’Küdersäck mag nix meh dri und d’letschti Pärla kit ambri
ehrlich gseit, so gfallsch mier nit, iischi Wienächtszit.
ich deich an miini Chindheit zrugg
aber so wie hittu, so gfallsch mier nit, iischi Wienächtszit!

Iischuchalt
X

Iischuchalt

1998 - 13 Stärna

Iischuchalt
teilunt iisch d’Banke mit, schii entläge tüüsig Lit, will’s so no meh Gwinna git.
Iischuchalt
wärdunt d’Lit uf d’Strasse gsetzt, iri Arbeit die wird jetz, durch Computer voll ersetzt.
Iischuchalt
chelter als im Gletscher dri, löifts mier der Rigg ambri!
Iischuchalt
und numma gwinnorientiert, wird abgschafft was nit rendiert, öi wemu d’Mänschlichkeit verliert.
Alls isch - Iischuchalt!
Iischuchalt
will är alles an schich rissu, schiini beschtu Frinda bschissu und dum Chef ins Fitla schliifu.
Iischuchalt
gsehts in sume Härze üs, d’Riichu nitzunt d’Armu üs, d’Schwachu kit mu us dum Hüüs.
Iischuchalt
chelter als im Gletscher dri, löifts mier der Rigg ambri.
Iischuchalt
miesse mu im Läbu sii, chalt öi tief im Härzu dri, wemu will erfolgriich sii.
D’Wält isch - Iischuchalt!
Iischuchalt
bringt är Droge unner d’Lit und äs kimmrut inu nit, dass va dem öi Toti git!
Iischuchalt
Tüet mu Waffe produzieru. Atombombe ga üsprobieru. Mu müess ja d’Sterchi demonschtrieru
Iischuchalt
düücht mi hienta dischi Wält, macht mu alles wägs dum Gäld.
iischuchalt
chelter als im Gletscher dri, löifts mier der Rigg ambrii, deich ich an miini Jingini!!
d’Wält isch - iischuchalt!

13 Stärna
X

13 Stärna

1998 - 13 Stärna

13 Stärna, iischers Wappu -13 Stärna, rot und wiis.
13 Stärna het öi ds Wallis - wills öi miini Heimat isch.
13 Stärna, die heint Kante - Kante wie d’Walliserlit
13 Stärna iischers Wappu - schönri Stärna findusch nit.
Der eerschtusch Stäru, da der Rotu - der biditut Sunnuschii
Der zweitusch Stäru keert dum Rottu, der drittu der keert iischum Wii.
Öi dum Schnee, dem keert en Stäru, wills im Wallis fliissig schnit
der Füüftusch keert dum Matterhoru - dum allerschönschtu Bärg was git!
Schi keerunt de Spezialitäte, die Stärna sägsch, siebu und acht
de Aprikose und Tomate, und was mu us dum Safran macht.
D’Eringer-Kampfchüeh het en Stäru - ds Schwarznasuschaaf in dem Fall öi
denn d’Schäfer heint das Schaf so gäru - fasch lieber als die eigunt Fröi!
13 Stärna, iischers Wappu -13 Stärna, rot und wiis....
Der elftusch Stäru isch französisch, der zwelftu isch Wallisertitsch
der letschtusch Stäru, was ganz klar isch, keert de Walliserlit.
Denn iischers Volch, das darf läbu, uf dum allerschönschtu Fläck,
was cha gäh, uf Gottesärdu, vam Wallis chäme wier nie wäg!
13 Stärna, iischers Wappu -13 Stärna, rot und wiis...
2x
....13 Stärna iischers Wappu - schönri Stärna findusch nit.
nei, schönri Stärna findusch nit!
... chamu losu
Irma
X

Irma

1998 - 13 Stärna

Ganz nooch bi de Gletscher, bim ewigu Schnee
ir strahlunda Sunna, da liggut Saas-Fee
D’Murmultier frässunt dier no us der Hand.
En richtigi Pärla im Schwizerland.
Sunna chasch gseh - und Gletscher chasch gseh
Sottigi Bärga gits numma d’Saas-Fee
doch äs git nomeh, da inna d’Saas-Fee
das chasch bi dr Irma gseh!
...denn vill schöner als Sunna und Gletscher das isch
Es Menü far Irma vor mier uf dum Tisch
Ich ässu so gäru, das chamu doch gseh
Drum gahni so gäru zer Irma d’Saas-.Fee
Irma - s’isch schön bi dr Irma
chumm bring no es Fläschji Wii
wier mache es Fäscht!
Ich gah zu dr Irma - so gäru zer Irma
da chamu no gmietli sii und mu chunnt nie ins Näscht!
Tourischtu die findunt d’Saas-Fee iri Rüeh
Als Junge chasch fäschtu bis am Morgu früeh.
D’Schgiifahrer heint hie ganz sicher gnüeg Schnee
und Snowbordu cha mu wie niene d’Saas-Fee
Snöber chasch gseh - und Carver chasch gseh
Sottigi Pischte gits nummu d’Saas-Fee.
doch äs git nomeh, da inna d’Saas-Fee
das chasch bi dr Irma gseh!
...ja vill schöner als Snöbu und Carvu das isch
es Menü far Irma zmitsch uf dumTisch.
Ich ässu so gäru, das chamu doch gseh
Drum gahni so gäru zer Irma d’Saas-.Fee
Irma - s’isch schön bi dr Irma
chumm bring no es Fläschji Wii
wier mache es Fäscht!
Ich gah zu dr Irma - so gäru zer Irma
da chamu no gmietli sii und mu chunnt nie ins Näscht!

Kei Zit
X

Kei Zit

1998 - 13 Stärna

Dü hesch nie der Zit doch darfer hesch dü Gäld.
Diini Firma das isch z’wichtigschta fer dich uf der Wält.
Dü chrampfusch Tag und Nacht öi in der Feriuzit.
D’Chind frägunt Dich: “Säg Papa chunnsch in d’Ferie mit?”
Dum entüüschtu Chind seisch: “Das geit doch nit!
Das müesch verstah: Ich hä kei Zit!”
Kei Zit - nei dü hesch nie Zit!
Öi dü chunnsch langsam elter, so wie jede Millionär.
D’Chind sind üsgizogu und diis Hüüs isch pletzli läär.
Denn diini Fröi isch chrank und liggut scho lang im Spital.
Schii littut Dier ins Gschäft: “Gäll hittu bsüechsch mi mal!”
Diiner trüürig Fröi seisch: “Das geit doch nit!
Das müesch verstah: Ich hä kei Zit!”
Kei Zit - nei dü hesch nie Zit!
D’Firma müesch verchöifu, diine Sohn der will schi nit.
Die Tochter cha chüüm wartu bis de endlich z’erpu git.
D’Fröi die isch scho gschtorbu und jetz frägusch dich:
Warum laht mich jetz ächt die ganzi Wält im Stich?
Niemer wa dü kennsch, het fer dich Zit!
Das chasch nit verstah: Niemer het der Zit.
Kei Zit - fer dich het niemer Zit!
Jetz hettisch Zit - aber alli andru nit.
Die heint kei Zit!

Lötschbärgtunnel
X

Lötschbärgtunnel

1998 - 13 Stärna

Bisch dü z’Bäru - chunnsch dü gäru, heim ins Wallis zrugg!
Der schnällschtusch Wäg - isch ds Kanderstäg und uf du Autozug.
Hesch Lengizit - doch lang geits nit und dü bischt scho deheim
Dü müesch nur noch - durch ds’Lötschbärgloch, scho bisch dü ds’Goppustei!
Lötschbärgtunnel - Äs tschätturut und chlätturut - im Lötschbärgtunnel dri
Lötschbärgtunnel - Äs schittlut di und rittlut di - in Diinum Auto dri
Lötschbärgtunnel - Mu gseht gar nix - doch daana gits - ganz sicher Sunnuschii.
Var Üsserschwiz ins Wallis zrugg, isch mu hittu schnäll
Müesch nur uf du Autozug und durch dsLötschbärgtunnel!
En Super-Chatz, isch Diine Schatz, schi wohnt ir Üsserschwiz
Jetz holschi ab. Der Zug fahrt ab. Äs schopplut di embiz.
S’isch fiischtrig gsii im Tunnel dri, im Auto heit ier Freid.
Eww schittluts fescht, dü hescht schi fescht, schad das nit lenger geit!
Lötschbärgtunnel - Äs tschätturut und chlätturut - im Lötschbärgtunnel dri
Lötschbärgtunnel - Äs schittlut di und rittlut di - in Diinum Auto dri
Lötschbärgtunnel - Mu gseht gar nix - doch daana gits - ganz sicher Sunnuschii.
Var Üsserschwiz ins Wallis zrugg, isch mu hittu schnäll
Müesch nur uf du Autozug und durch dsLötschbärgtunnel!
... chamu losu
Portmone
X

Portmone

1998 - 13 Stärna

Der Monatseerschti isch fer mich der Allerschweerschti, denn die ganz Wält will immer nur miis Gäld.
Ich zahlu d’Mieti fer d’Wohnig, das isch zwar in Ornig, doch da chunnt anners öi.
Zum Biischpill d’Chrankukass und die versteit kei Gschpass und züedem häni en tiiri Fröi.
Mier chunnt der Verleider, züe nöiji Chleider will jedi Fröi - und miini öi.
Schii chäme leider chrank mit dem läär Chleiderschrank und züedem sigra alles z’chlii.
Drum geitsch in d’Boutique und chöift da Ruschtig i, wievill das choschtut ischt ira gliich!
Doch nix tüet so weh - wie der Griff ins Portmone - ojemineh
äs isch zum Flännu- dum Gäld müesch züe nahrännu
und passusch da nit üf - gischus vill z’schnäll üs.
Ja nix tüet so weh - wie der Griff ins Portmone - ojemineh
ich müess Kredit näh, doch d’Bank die will mier nix gäh -
ich hä kei Kohle meh!!
Äs ischt en Plag, denn der Vater Staat und öi z’Bundeshüüs röibut mich nur üs.
Alles isch tiirer cho, wa mier sind d’Stiire cho, bin ich fascht uf du Bodu kit.
Ich bi kei Gittige doch de Versichrige, nei sovill zahl ich dene nit!
Doch nix tüet so weh - wie der Griff ins Portmone - ojemineh
äs isch zum Flännu- dum Gäld müesch züe nahrännu
und passusch da nit üf - gischus vill z’schnäll üs.
Ja nix tüet so weh - wie der Griff ins Portmone - ojemineh
ich müess Kredit näh, doch d’Bank die will mier nix gäh -
ich hä kei Kohle meh!!

Proscht mitenand
X

Proscht mitenand

1998 - 13 Stärna

Proscht mitenand, Proscht mitenand,
wennt glaffne bisch, ds’Läbu schöner isch
Proscht mitenand, Proscht mitenand,
ds Läbu isch schön.
Friener hei wier gfäschtut Tag und Nacht
Ds Josi het bi iisch öi mitgmacht
ds Josi isch nimme da
het miessu gah!
Der Chef het mu gseit: wenn dü so tüesch Laffu
brüüchsch dü zu mier nimme cho z’schaffu
ds Josi het kei Arbeit meh - Laffut no meh!
D’Fröi het mu gseit: Gang wieder ga schaffu
Z’Josi will vill lieber laffu
Ds Fröiji gseht är niemals meh - Laffut no meh!
Der Dokter het mu gseit: Her üf mit dum Laffu,
d’Läbra cha das nimme verschaffu
Ds Josi liggut im Spital: Zum Trotz nochemal!
Der Pfarrer het mu gseit: Biröi jetzu ds Laffu
inu Himmul ambrüf - villiicht wirschus schaffu
bleiche ligt ds Josi da - het miessu gah.
Halleluja!
Proscht mitenand, Proscht mitenand
wennt glaffne bisch, ds’Läbu schöner isch
Proscht mitenand, Proscht mitenand,
ds Läbu isch schön.
Ds Läbu wäri schön ds Läbu wäri schön ds Läbu wäri schön ds Läbu wäri schön ds Läbu wäri schön ds Läbu wäri schön ds Läbu wäri schön ds Läbu wäri schön ds Läbu wäri schön ds Läbu wäri schön ds Läbu wäri schön ds Läbu wäri schön ds Läbu wäri schön ds Läbu wäri schön ds Läbu wäri schön ds Läbu wäri schön ds Läbu wäri schön ds Läbu wäri schön ds Läbu wäri schön ds Läbu wäri schön ds Läbu wäri schön ds Läbu wäri schön ds Läbu wäri schön ds Läbu wäri schön ds Läbu wäri schön ds Läbu wäri schön ds Läbu wäri schön ds Läbu wäri schön ds Läbu wäri schön ds Läbu wäri schön

Nur mit dier
X

Nur mit dier

1998 - 13 Stärna

Nur mit dier - will ich miis Läbu immer gniessu, will ich alles derfu und nix miessu.
will ich durchs Läbu gah und dich niemeh - niemals meh verlaa!
Nur mit dier - tröimunt durch miis Läbu schwäbu, alles wa-n-i will erläbu.
Nit nur fer churzi Zit, denn meh als Dich brüüch ich im Läbu nit!
Dier ganz alleinzig will ich miini Liebi gäh! (Ich hä di gäru!)
Und ich will Dier miis ganz Vertruwwu gäh!
Wier hei iisch gfunnu, iisch zwei bringt nix meh usenand! (Wier keere zämu)
Der Räscht vam Läbu verbringe wier zwei mitenand!
Nur mit dier - chennti Reschini ga stählu, immer eppis niwws erläbu,
fer immer zämusii! So en grossi Liebi geit niemals meh verbii!
Nur mit dier - ga fäschtu, richtig z’Chalb ga machu, sogar no uber d’Sorge lachu,
in Freid und öi in Leid und öi wenns iisch zwei mal nimme so güet geit!
Nur mit dier - ds Gäld us jedum Feischter schmeizu, um die ganzi Wält ga reisu,
will ich in d’Ferie gah! Alles andra lahn-i eifach lings la stah!
Nur mit dier - ganz verruckti Sache machu, statt ga schlafu durchgamachu,
gahn ich an jedes Fäscht! Da wa wier derbii sii, chunnt mu nie ins Näscht!
Nur mit dier - tröimunt durch miis Läbu schwäbu, alles wa-n-i will erläbu,
will ich durchs Läbu gah und dich niemeh - niemals meh verlaa!
Nur mit dier!

Rottu

2000 - Rottu

Alles immer numma no mit dier
X

Alles immer numma no mit dier

2000 - Rottu

Sumi tröimunt vamne Lottosägscher mit vill Gwinn
und ich tröimu numma no va dier
Sumi schwärmunt va dr Monalisa, die sig schön
und ich schwärmu numma no va dier!
Sumi goolunt immer mit dum Chatzji umenand
und ich goolu numma no mit dier!
Sumi löifunt in de tiirschtu Chleider umenand
und ich bi löifig numma no mit dier!
Mit dier - numma no mit dier
Alles immer numma no mit dier!
Mit dier - numma no mit dier
Alles immer numma no mit dier!
Sumi Lit die gähnt mit irum Hundschi gäru üs
Und ich gah numma no mit Dier!
Sumi schlafunt jede Mäntagmorgu gäru üs
Und ich schlafu numma no mit Dier!
Mit dier - numma no mit dier
Alles immer numma no mit dier!
Mit dier - numma no mit dier
Alles immer numma no mit dier!
Chor:
Mit dier - mit dier - mit dier - mit dier -
Alles immer numma no
alles immer numma no
alles immer numma no mit dier
Sumi spilunt Dudlsack und heint ab dem no Freid!
und ich spilu numma no mit dier
Sumi triibunt sovill Sport bisch Muschkulkater heint
Und ich triibus numma no mit dier!
Mit dier - numma no mit dier
Alles immer numma no mit dier!
Mit dier - numma no mit dier
Alles immer numma no mit dier!
(Instrumental)
Chor:
Alles imm...alles imm...alles imm...alles imm
alles immer numma no mit dier....
Mit dier - numma no mit dier
Alles immer numma no mit dier!
Mit dier - numma no mit dier
Alles immer numma no mit dier!
... chamu losu
En Fröind ischt immer fer dich da
X

En Fröind ischt immer fer dich da

2000 - Rottu

Wenn dü zentnerschwäri Sorge treisch
immer wenn dü nimme witerweisch
Wenn dü die ganzi Wält nimme versteisch
de is heegschti Zit das geisch
Zum Fröind - wa dich güet cha verstah
En Fröind ischt immer fer dich da!
REFR:
En güete Fröind brüücht mu im Läbu
En güete Fröind wa nie tüet frägu
obs dier schlächter oder besser geit.
En Fröind wa immer zu dier steit
Öi wenns dier mal schlächt tüet gah
En Fröind ischt immer fer dich da!
Was tüet dier z’Läbu no alls bringu?
Ds Glick das cha mu nit erzwingu
Drum lüeg das de wenns dier no besser geit
dass d’epper hesch wa zu dier steit
wenn dich ds Glick mal tüet verlah!!
En Fröind ischt immer fer dich da!
REFR:
En güete Fröind brüücht mu im Läbu
En güete Fröind wa nie tüet frägu
obs dier schlächter oder besser geit.
En Fröind wa immer zu dier steit
Öi wenns dier mal schlächt tüet gah
En Fröind ischt immer fer dich da!
Fröindschaft heisst enand vertruwwu.
uf d’Fröinda müess mu chennu buwwu.
Fröindschaft heisst öi volli Ehrlichkeit
und wenns dum Andru schlächter geit
chan är schich uf dich verlah!
En Fröind ischt immer fer dich da!
En schlächte Fröind der chascht la gah
Zum güetu Fröind müescht immer stah.
De ischt immer epper fer dich da!

Längizit
X

Längizit

2000 - Rottu

Als Botschi ganz friener da häni im Summer ins Lager miessu gah
Der Vater und d’Müeter die häni deheimu alleinzig miessu lah.
Alls numma främdi Lit
da hänisus z’eerschtmal gschpirrt:
Längizit - furchbar längizit
Längizit - furchbar längizit
Längizit - furchbar längizit
Längizit - furchbar längizit
Na der Lehr hie im Wallis da hett ich en Stell in der Üsserschwiz vercho
doch dene hänich miessu schriibu: “Äs tüet mer leid, ich cha nit cho!
Die Stell die wäri en Hit
Doch ohni z’Wallis geits nit!”
Längizit - furchbar längizit
Längizit - furchbar längizit
Längizit - furchbar längizit
Längizit - furchbar längizit
Längizit - furchbar längizit
Längizit - furchbar längizit
Längizit - furchbar längizit
Längizit - furchbar längizit
... chamu losu
Blaue Himmul
X

Blaue Himmul

2000 - Rottu

Gat näbu mier da hockt en Fröi aner Bar
und lüegut mich ganz trüürig a
ich frägu ob ich hälfu cha.
Schii bschtellt es Bier und faht mit irum Gschichtji a
in d’Ferie heigesch wellu gah
mit irum Fröind uf Ibiza.
Doch geschter heige ire Fröind schii drum verlaa
heig schii eifach lings lastah.
Schii het mer wirklich leid gitah.
Alleinzig welle schii drum nit in d’Ferie gah.
Ich sägu ira lüeg mich a.
ich chumm mit dier - uf Ibiza!
REFR:
Blaue Himmel, Blaui Öigu, Blaui Fröi
ich hä gmeint sovill wie die verträg ich öi
Blaue Himmel, Blaui Öigu, Blaui Fröi.
Und ich öi, und ich öiöiöiöiöi.
Zum Früestuck laht schii ds Kaffee uf dum Tisch la stah
Z’Ässu riert schii öi nit a.
schii faht der Tag mit Whisky a
Chumm triich mit, seit schii, da gwennsch di sofort dra.
Chumm wier zwei wier stosse a
uf iischi Ferie - uf Ibiza.
REFR:
Schii triichut:
Bier Martini, Gin Whisky und Wii
Bacardi, Baylis, Wodka chas öi sii.
Wie Wasser schittut schii das alls ambrii
und ich - ich bi derbii!!......

ds Gschnurr
X

ds Gschnurr

2000 - Rottu

Äs ischt nur es Grücht - was d’Lit da verzellunt
mit der Wahrheit var Gschicht - het das nimme vill z’tüe!
Drum los nit uf das - was d’Lit da verzellunt
mit die het das - villiichter nix z’tüe.
Voll Schadufreid - keersch d’Lit verzellu
wies Dier schiins schächt geit - derbii stimmt das nit
Chumm laa doch die Lit - laa schi la zellu
will hinner dim Rigg - da rätschunt halt d’Lit - und d’Hälfti stimmt nit!!
Schii rätschunt va dier
Schii rätschunt va mier
sumi die wissunt no meh uber dich
als dü sälber chumm das isch doch gliich
Äs tüet dier zwar weh
doch müesch das igseh:
uf das was d’Lit zellunt - uf das chasch nit gah!
Uf das was d’Lit zellunt - uf das chunnts nit a!
D’Fröinda hesch gleert - kennuleehru
der Rigg heintsch nit keert - in diiner schlimmschtu Zit!
Öi der Räscht va de Lit - hesch gleert kennulehru
ja hinner dim Rigg - da rätschunt die Lit - und z’meischta stimmt nit!
Schii rätschunt va dier
Schii rätschunt va mier
sumi die wissunt no meh uber dich
als dü sälber chumm das isch doch gliich
Äs tüet dier zwar weh
doch müesch das igseh:
uf das was d’Lit zellunt - uf das chasch nit gah!
Uf das was d’Lit zellunt - uf das chunnts gar nie a!

Dsliedvadrgschichtwapletzlidertodzumierischcho
X

Dsliedvadrgschichtwapletzlidertodzumierischcho

2000 - Rottu

Ganz pletzli chunnt der Tod - und der seit zu mier:
“Chumm wier zwei gäh fort!” - Ich höiru: “Das isch z’früeh!
Nei ich bliibu nombiz hie!
jetz stärbu wellti nie!
Ich hä kei Zit, säg das dum Petrus und gibmu en liebe Grüess,
är weiss doch ganz genau was ich no alles machu müess:
Ich müess zeerscht ds Gäld verputzu - miini Zähnt ga putzu
der Computer programmieru - no es Liedji komponieru - (Oh ja!)
Müess miis Teschtamänt ga schriibu - dü gseehsch ich müess no bliibu,
fer mich da gits hie no so’n Polli z’tüe - Lah mi in Rüeh!
Miis Härz schlaat bis zum Hals - der Tod gräischut mich a.
“Chumm dü bischt gnüeg Alts - wier miesse jetzu gah!”
Ich sägu:”Jetz bliib aber stah! - susch tüenter ds Chnochugschtell verschlaa!!
Wenn mich jetzu nit in Rüeh lasch, vergeit der de diis Lachu
ich sägu dier zum letschtumal was ich no alls müess machu:
Müess der Autoschlussl süechu - miini Ferie ga büechu
En Rundi ga spendieru - dum Läbu nahstudieru (Oh ja!)
Ich müess ga z’Mittagässu - was häni no vergässu?
Fer mich gits jedufalls en Polli z’tüe - Lah mi in Rüeh!
Pletzli bin i wach - mit me Riesugschrei!
“Was soll der hüeru Krach?” - frägut miini Fröi.
“und das am Morgu am Zwei!” - Ich säg: “Der Tod der isch doch hie!”
Schii seit: “Dü willt verreisu? - nei das isch ds Allerletscht!
Dü müesch no gfälligscht wartu bis dü alls erledigt hescht!
Dü müesch no d’Wäsch üfheichu - Küdersäck ga reichu
Ds Gschirr no schnäll abwäschu - und miis Auto chasch ga wäschu
Müesch der Fernseh reparieru - statt immer nur z’plagieru.
(D’Chleider ga versorgu - d’Battierie ga entsorgu)
D’Garageporta striichu - und nit sovill ga triichu!
Der Gartu müesch ga jättu - und der Rosuchranz ga bättu
nur so chunnsch de no in du Himmul drii!
Aber zeersch der Gartu jättu - und de chasch de ga bättu
de chämunt dier de gschiidri Lieder ds Sii!
Wele hüeru Säich!!!.......

Furkabähnlidampflokomotivji
X

Furkabähnlidampflokomotivji

2000 - Rottu

Wells ischt mit Abschtand d’schönschti Lok im ganzu Schwizerland?
Ds Furkabähnlidampflokomotivji
Wells ischt in ganz Europa und uf der ganzu Wält bikannt?
Ds Furkabähnlidampflokomotivji.
Wells gumput uber Zahnradstange bis uf d’Furka ambrüf?
Wells het trotz schiinum Elter immer no gnüeg Schnüüf?
Ds Furkabähnlidampflokomotivji.
REFR:
Ds Furkabähnlidampflokomotivji,
das stampfut, chrampfut, dampfut und äs schnüüfut bis das zischt.
Ds Furkabähnlidampflokomotivji,
das schrecku d’schwäärschtu Wäge, öi wenns nimme z’Jungschta ischt.
Ds Furkabähnlidampflokomotivji.
Wells fahrt nit schnäll und soppt wenn’s sii müess wägsme Murmultier?
Ds Furkabähnlidampflokomotivji.
Wells isch biliebt bi alt und jung, bi mier und öi bi Dier?
Ds Furkabähnlidampflokomotivji.
Wells brüücht kei Elektronik, wells fahrt no mit Nostalgie?
Wells brüüchut darfer Chole, so wie’s friener mal isch gsii?
Ds Furkabähnlidampflokomotivji.
REFR:
Ds Furkabähnlidampflokomotivji,
das stampfut, chrampfut, dampfut und äs schnüüfut bis das zischt.
Ds Furkabähnlidampflokomotivji,
das schrecku d’schwäärschtu Wäge, öi wenns nimme z’Jungschta ischt.
Ds Furkabähnlidampflokomotivji.
... chamu losu
Rottu
X

Rottu

2000 - Rottu

Mu hett vam Rottu friener brichtut - är sige wilde gsi.
Mu het du Rottu friener gfirchtut - das isch verbii.
Zwischu hoche Müüre igipferchtut - rinnt är verbii
Wier hei der Rottu igsperrt - zwischu Müüre igsperrt
wier welle vor ihm sicher sii!!
Derbii bringt der Rottu - ds Wasser vam ewigu Iisch
Wier brüüche du Rottu - brüücht ächt der Rottu öi iisch?
Was müess der Rottu no alls uber schich la ergah
Bis wier endlich tie merku är chennti uf dsmal de zruggschlaa....
So wie friener numma süübers Wasser - das isch verbii.
Hittu brüücht mu ds ganzi Rottuwasser - fer d’Induschtrie
Nam verdräcku süübre wier de z’Wasser - mit vill Chemie
Funktioniert das immer? - oder chunnts no schlimmer?
de wäris mit dum Rottu verbii...
Derbii bringt der Rottu - ds Wasser vam ewigu Iisch
Wier brüüche du Rottu - brüücht ächt der Rottu öi iisch?
Was müess der Rottu no alls uber schich la ergah
Bis wier endlich tie merku är chennti uf dsmal de zruggschlaa....
Hienta bringt der Rottu nit nur Sägu - zu iisch ambri
Hienta längt es Gwitter mit vill Rägu - de isch d’Rüeh verbii
Mu keert nu rumplu und d’Lit sägu - das cha gfährlich sii
De schlaat der Rottu zrugg - und zeigut hie de Lit -
näbu mier sit ier alli so chlii!
Derbii bringt der Rottu - ds Wasser vam ewigu Iisch
Wier brüüche du Rottu - brüücht ächt der Rottu öi iisch?
Was müess der Rottu no alls uber schich la ergah
Bis wier endlich tie merku är chennti uf dsmal de zruggschlaa....
(Instrumentalteil)
Was müess der Rottu no alls uber schich la ergah
Bis wier endlich tie merku är chennti uf dsmal de zruggschlaa....
... chamu losu
Seechrank
X

Seechrank

2000 - Rottu

Ich hocku im Fäschtzält und triichu es Bier.
En glaffne Verein hockt schich eifach zu mier.
Schii fähnt afa singu schee lüt und nix rächts.
Mu johlut und schunklut nach links und nach rächts.
Ds Orcheschter das faht jetzu öi no gat a.
Es Buurebüebli mit dem fähnt schii a.
Muz heichut mier inna und das regt mich üf.
Nach vorna, nach hinna und de no ambrüf.
REFR:
Seechrank
da chunnt mu ja seechrank
im Zält uf der Holzbank -
müess das jetz sii?
Ich hassu das Schunklu denn ich wärdu immer so seechrank
bim Schunklu so seechrank
doch isch das Gottseidank
scho bald verbii.
Im Diriiviertultakt da wird jetz Stimmig gmacht
aber nit drii Minüte, mu singt die hganzi Nacht!!
Nach vorna, nach hinna, nach links und nach rächts
ambrüf und ambri und nach links und nach rächts!
Nach vorna, nach hinna, nach links und nach rächts
ambrüf und ambri und nach links und nach rächts!
Nach vorna, nach hinna, wie lang geit das ächt?
ambrüf und ambri, mir chunnt gottlos schlächt!
REFR:
Seechrank
da chunnt mu ja seechrank
im Zält uf der Holzbank -
müess das jetz sii?
Ich hassu das Schunklu denn ich wärdu immer so seechrank
bim Schunklu so seechrank
wenn isch ächt der Chrampf
ändlich verbii.

Ds Natersch am Rottu
X

Ds Natersch am Rottu

2000 - Rottu

Ich hä friener aner alt Rottuweri
Vill Schgaaije vam Sand üfgibirrt.
Hä schi gnu und in du Rottu gigufrut
so flach uber ds’Wasser schi kit.
Är het so luschtig giggumput der Gufer
füüf sägschmal ja ich weiss das no güet.
und hets emal endlich glängt bis ans Ufer.
de häni ghöirut und gjützut voll Freid!
Ja ich bi z’Natersch am Rottu giboru
Friener hesch mich am Rottu vill gseh.
Doch fer mim Stäcku im Sand dri ga z’goru
bin ich hittu schins vill z’Alte meh...
Mit miinum Schatzji bin vill ga spazieru
D’Rottuweri - frisch verliebt - Hand in Hand
Niene cha mu so schön karisieru
wie bi iisch z’Natersch am Rottustrand.
(Instrumentalteil)
Ja ich bi z’Natersch am Rottu giboru
Friener hesch mich am Rottu vill gseh.
Doch fer mim Stäcku im Sand dri ga z’goru
bin ich hittu schins vill z’Alte meh...
Ja ich bi z’Natersch am Rottu giboru
Friener hesch mich am Rottu vill gseh.
Doch fer mim Stäcku im Sand dri ga z’goru
bin ich hittu schins vill z’Alte meh...
bin ich hittu schins vill z’Alte meh...

bim Tango vam Walter
X

bim Tango vam Walter

2000 - Rottu

Am Frontag spillt im Altersheim der Walter üf zum Tanz
dum Chrisilsi und dum Franz
ja dene beide gfallts
Är geit zwar am Stäcku und ds Chrisilsi das geit lahms
doch uf dsMal seit der Franz
los jetz spillt är iische Lieblingstanz.
Wenn der Walter Tango spillt de nimmt der Franz galant
d’Chrisilsi bi der Hand
de tanzunsch mitenand
Der Stäcku liggt am Bodu und der Rollstüehl steit ar Wand
Ds Chrisilsi und der Franz
vergässunt d’Wält bim Tangotanz
Ja äs stüünut der Müsikant
schi tanzunt so elegant
als wäri schii wieder jung.
Ja bim Tango vam Walter
vergässunt schii z’Alter
schii tanzunt voller Schwung - wie friener
Wenn der Walter Tango spillt ...
Der Stäcku liggt am Bodu und schii schwäbunt umenand
Ds Chrisilsi und der Franz
vergässunt d’Wält bim Tangotanz.

Gaschini
X

Gaschini

2000 - Rottu

Der Glinnggi sudlut immer so bim Ässu
und züedem tüet är d’Unnerwäsch nie wächslu
Seifa und Wasser will är niemeh brüüchu.
Der Glinnggi der tüet immer gottlos stiichu.
Öi ds Pöili schmeckut irgendwie so komisch
Als ob är mit dum Schgüüser uf dum Klo ischt
Um du Grind da surrunt d’Fleige, d’Haar sind fettig!
Der Gschtäich va Schweiss und Chnofloch machti fertig!
Der Glinnggi seit zum Pöili: “Aber währli
dü schmeckusch fascht genau eso wie ds Kläärli
fer ds Wäschu und ds Duschu ischt die nämmli z’Füüli
het nur no schwarzi Zähnt in irum Müüli.
Der Aschi hets verzellt, der müess das wissu!
Denn schliessli tüet är ds Klärli immer küssu.
Die zwei die sind es ganz uluschtigs Päärli
Denn ds Aschi isch no dräckiger als ds Kläärli.
Und hockunt alli vier ar gliichu Bar
de is fer alli andru sunnuklar:
Ds Aschi ischt es Gaschi
Ds Glinnggi ischt es Schwinnggi
Ds Pöili ischt es Säuli
Ds Klärli ischt es Färli
Ds Aschi ischt es Gaschi
Ds Glinnggi ischt es Schwinnggi
Ds Pöili ischt es Säuli
Ds Klärli ischt es Färli

Rottu! Dunzensuriertizeedee

2000 - Rottu! Dunzensuriertizeedee

Linda
X

Linda

2000 - Rottu! Dunzensuriertizeedee

Der Chrigi ischt es Büürli - doch jetz ischt är ganz trüürig
Är müess drum vor d’Linda stah - Mit grosse Öigu lüegtsch nu a:
Linda, dü müesch mich verlaa - Linda dü müesch mich verstah - Linda
Dü bisch jetzu gnüeg alti - und wenn ich dich jetz bhalti
rendiertisch dü sicher nimmeeh - Milch gäbisch dü zwenig meh! - Linda
Ja Friener bisch die Wäägschti gsii - und züedem no die Schwäärschti gsii
doch die Zit isch scho lang verbii - jetzu müesch dü gmetzgut si ...gmetzgut sii....
Wenn d’Linda de mal fort isch - nur no es Entrecote isch
lüegt der Chrigi jedesmal - ganz trüürig in du lääru Stall
Linda - bald bisch dü nimme da - Linda - bald wirsch dü mich verlaa - Linda
Tüet der Metzger dsMässer wetzu - lüegt der Chrigi mit Entsetzu
D’Linda an irum Platzji stah - är weiss das isch jetz z’letschtuschmal - Linda
Ja friener bisch die wäägschti gsii - und züedem no die schwärschti gsii
bischt immer ganz en Liebi gsii - jetzu selltisch gmetzgut sii....
Der Chrigi triffts ins Härz dri - die Linda lüegt ganz härzig
als welltisch sägu:”Machsus nit! ich bi so gäru bi de Lit.
Linda, lüeg mi nimme a - Linda, der Metzger faht scho a. - Linda.
Zum Metzger tüet är sägu: - Miini Linda blibt am Läbu
Willsch läbig no vill schöner isch - als imne Täller uf dum Tisch. - Linda
Schii ischt immer d’wäägschti gsii - schii ischt immer d’Schwärschti gsii
Schii ischt immer d’Liebschti gsii - nei schii darf nit gmetzgut sii......
Aber äbu: Nit jedes Büürli ischt so es liebs Büürli wie der Chrigi. Da gäbis de ganz andri Büüru. Zum Biischpill der Büür wa dr ganz Tag schiine Chieh numma en Wolfgang Petry-CD zum Losu git. Das schlitzohrig Büürli het diz Liedji gsungu:
Von dir keine Spur, der Stall der ist leer, endlich habe ich dich nicht mehr,
du bist kaputt, denn du rendiertest nicht mehr.
Du warst die älteste Kuh im Stall, zwei Liter Milch nur jedesmal,
ich sagte du, allen sagte ich du.......
Du hast Wahnsinn, drum schicke ich dich in die Hölle (Hölle,Hölle,Hölle)
Eiskalt hängst du beim Metzger im Frigor drin,
denn du hast Wahnsinn, ich kann für dich nichts mehr fühlen (fühlen,fühlen,fühlen)
Voller Stolz, werf ich dich auf den Müll (Müll, Müll, Sondermüll)
denn ich weiss genau was ich will:
Ich will vam Bund siebutüüsig Franggu Schaduersatz fer miini schönschti und beschti Chüeh wanich jemals hä kä!!

Revolverjoe
X

Revolverjoe

2000 - Rottu! Dunzensuriertizeedee

Diz isch ds Lied vam Revolverjoe. Är isch der greegscht Revolverheld gsii im ganzu wildu Weschtu! Aber nit will är so güet het chennu schiessu, sondern will äe gmeint het, är chenne sau güet jodlu.....
Im ganzu wildu Weschtu
schiessut der Joe am beschtu
mit schiinum Silbercolt
het är scho mänge us de Stifla gholt.
Wenn der Joe in du Saloon geit.
und en ganzi Fläscha Whisky bschtellt
de weiss jede was passiert
de singt der Joe schiis Lied
Ich bi der Revolerjoe uuujipijee
und jodlu so...uuujipiijee
va mier het mu Schiiss
and my Mother kam from Swiss
ich jodlu so güet drum loset alli züe
und das geit Holleleji hollelejii, holleleji hoouuuuu....
Wenn d’Indianer chriegunt
ires Chriegschrei brielunt
wartunt d’wiisu Männer
uf du Revolverjoe
und tient d’Indianer d’Wissu umzinglu
de faht der Joe afa singu
jede weiss was de passiert
d’Indianer flüchtunt vor dem Lied:
Ich bi der Revolerjoe uuujipijee
und jodlu so...uuujipiijee
va mier het mu Schiiss
and my Mother kam from Swiss
ich jodlu so güet drum loset alli züe
und das geit Holleleji hollelejii, holleleji hoouuuuu....
Ich bi der Revolerjoe uuujipijee
und jodlu so...uuujipiijee
va mier het mu Schiiss
and my Mother kam from Swiss
ich jodlu so güet drum loset alli züe
und das geit Holleleji hollelejii, holleleji hoouuuuu....
Hollellelledi Hollelledi.....

Wier Männer sii doch alles armi Gschöpfi
X

Wier Männer sii doch alles armi Gschöpfi

2000 - Rottu! Dunzensuriertizeedee

Wier Männer sii doch alles armi Gschöpfi
wier chrampfe, seckle, renne iisch der Chopf i.
Am Morgu früeh d’Famili tüet no schlafu
D’Frouww het ds Früestuck gmacht, de stäh wier üf.
Dernaa der ganz Tag miesse wier ga schaffu,
so opfre wier iisch fer d’Famili üf!
Wier Mannjini wier sii gar nit z’biniidu
statt in d’Ferie miesse wier ins Militeer
Da miesse wier de gat no vill meh liidu.
Und d’Fröi geit mit de Chinder ab ans Meer.
Wier Männer sii doch alles armi Gschöpfi
D’Fröije heintsus schöner als en Maa!
wier chrampfe, seckle, ränne iisch der Chopf i.
und chenne wirklich nie in d’Ferie gah!
Bifohlu het doch friener nummu ds Mannji
Pantoffulhelda hets no nit gigäh.
Doch jetz isch ds Mannji braver als es Lammji
Sogar d’Sackgäld müess mu va de Fröije näh
Derbii seit mu dass d’Fröi nur z’schwachi Gschlächt isch.
drum brüüche d’Frouwwe d’Gliichbirächtigung.
Jede weiss dass das doch gar nit grächt isch.
Wier Männer brüüche d’Gliichbirächtigung!
Wier Männer sii doch alles armi Gschöpfi
d’Frouwwe heint iisch Männer in der Hand
Wier chrampfe, seckle, ränne iisch der Chopf i
und d’Frouw regierut schliessli iischers Land.
Wier Männer sii doch alles armi Gschöpfi
d’Fröije die sind nummu d’schuld dadraa
Die keerunt an du Härd hinner dsChochtopfji,
ga schaffu soll doch wirklich nur der Maa!

Miini Lieder

2001 - Miini Lieder

Walahuwalaha
X

Walahuwalaha

2001 - Miini Lieder

Du schaust in mein Herz
Du siehst darin Schmerz
Du willst mich verlassen
ich kann's gar nicht fassen!
Geh bitte nicht
weil sonst uns're Liebe zerbricht.
Bleibe bei mir
denn ich verzeihe dir! Oh - oh - oh - oh
Geh bitte nicht
weil sonst unsre Liebe zerbricht
bleibe bei mir
und bring mir lieber ein Bier!
Ein anderer Mann
in dein Leben kam
Du liebscht mich nicht mehr
drum gump ich ins Meer!
Geh bitte nicht
du weisst doch ich schwimme nicht
Bleibe bei mir
und bring mir jetzt endlich mein Bier!!
Du schaust mich nur an.
Sagst: "Tu dir nichts an!
das war doch nur Gschpass
und im Meer kommst du nass!!"
Und sie sagt:
Nein ich gehe nicht
Ich weiss doch du schwimmst gar nicht.
Ich bleibe bei dir
denn du verzeihst ja mir!
Z'Judihui
Nein sie geht nicht
und ich gumpe nicht
Sie bleibt bei mir
Wir trinken zusammen ein Bier!!

Ich bi Walliser
X

Ich bi Walliser

2001 - Miini Lieder

Ich bi en Schwizerbürger, ja en rächte Eidgenoss
und miini Heimatliebi, ja die isch ganz riesugross.
Doch ich bi jetz ganz ehrlich und erkläru darum hie:
In eerschter Linia bin ich nit en Schwizer sondern hie
Nei ich bi Walliser, ich bi en Walliser
Ich bi kei Schwizer, sondern bi en Walliser!
Wier hei die schönschtu Bärga und die wäägschtu Gletscher öi.
Im ganzu Wallis findusch dü nit ei leidi Fröi.
Nur flotti starchi Männer heint im Wallis eppis z’tüe.
Ier chennt mer riewig glöibu, ich keeru schliessli sälbsch derzüe.
Ja ich bi Walliser, ich bi en Walliser.
Ich bi en flotte, starche, hibsche Walliser!
REFR:
Ja wier Walliser si stolz
Wier sii us güetum Holz
Jede Schwizer isch so froh,
dass 1815 d’Schwiz zum Wallis isch cho!
Ich triichu gäru Fendant und natiirli öi Goron,
bi Fän vam HC Sieders und nit va Gotteron.
Deheimu holt der FC Sittu en Punkt uf jede Fall,
drum briell ich “Allez Sion!” bi jedum Cup-Final,
denn ich bi Walliser, ich bi en Walliser
ich tschuttu hie im Wallis und bi Walliser!
Im Wallis chrampfunsch gäru, wier sii schaffigi Lit
das isch der Grund warum’s hie fasch kei Arbeitslosi git.
In d’Üsserschwiz ga schaffu, das fallt iisch nit i
statt en Walliser stelluntsch da grad zwei Üsserschwizer i
doch ich bi Walliser, ich bi en Walliser,
ich chrampfu hie im Wallis und bi Walliser!
REFR:
Ja wier Walliser sii stolz
wier sii us güetum Holz
öi der Bundesrat isch so froh
dass 1815 d’Schwiz zum Wallis isch cho!
Ja luschtig sii und fröhlich sii das ligt iisch im Blüet
wier zeige jedum Grüezi wie mu richtig fäschtu tüet.
Ob Schnaps, ob Bier ob Wii, äs git nix was iisch fählt
Wier Walliser chäme scho mit Promill uf d’Wält
Ja ich bi Walliser, ich bi en Walliser,
ich süffu hie im Wallis und bi Walliser!
Doch will ich uf Papier en rächte Bärner bi.
Seit mu hientamal, das ich es Grüezi sii.
Doch die wa immer flüechunt uber d’Grüezini
das sind doch sicher nummu flääti Mämmini!
Doch das sind Walliser, öi das sind Walliser
ich wohnu hie im Wallis und bi Walliser!
- immal fascht!-
... chamu losu
Müeterli
X

Müeterli

2001 - Miini Lieder

Jetz hesch scho graui Haar,
doch das steert Dich nit.
Fer d’Chinder bisch Dü da
und Ferie kennsch Dü nit.
Dü hesch Diis ganzi Läbu
um alli Dich bimieht.
Drum wellti ich “Merci” sägu
mit dischum chleinu Lied.
Müeterli, Müeterli
Jede Morgu scho ganz früeh
steit ds Früestuck uf dum Tisch.
Dich chlagu keert mu nie,
öi wennt vill alleinzig bischt.
Ums Härz wirds Dier so schwär,
an settige länge Täg.
D’Wohnig isch jetz so läär,
denn wier Chind’ sii alli wäg!
Müeterli, Müeterli
Dü hesch us miinum Läbu
wirklich eppis gmacht.
Ich chennti no so vill sägu,
was Dü fer iisch hesch gmacht.
Ich sägu Dier jetz ehrlich,
miini Gschwischter sicher öi:
Dü bisch iisch unentbehrlich
und die allerliebschti Fröi!
Müeterli, Müeterli
... chamu losu
Rottu
X

Rottu

2001 - Miini Lieder

Mu hett vam Rottu friener brichtut - är sige wilde gsi.
Mu het du Rottu friener gfirchtut - das isch verbii.
Zwischu hoche Müüre igipferchtut - rinnt är verbii
Wier hei der Rottu igsperrt - zwischu Müüre igsperrt
wier welle vor ihm sicher sii!!
Derbii bringt der Rottu - ds Wasser vam ewigu Iisch
Wier brüüche du Rottu - brüücht ächt der Rottu öi iisch?
Was müess der Rottu no alls uber schich la ergah
Bis wier endlich tie merku är chennti uf dsmal de zruggschlaa....
So wie friener numma süübers Wasser - das isch verbii.
Hittu brüücht mu ds ganzi Rottuwasser - fer d’Induschtrie
Nam verdräcku süübre wier de z’Wasser - mit vill Chemie
Funktioniert das immer? - oder chunnts no schlimmer?
de wäris mit dum Rottu verbii...
Derbii bringt der Rottu - ds Wasser vam ewigu Iisch
Wier brüüche du Rottu - brüücht ächt der Rottu öi iisch?
Was müess der Rottu no alls uber schich la ergah
Bis wier endlich tie merku är chennti uf dsmal de zruggschlaa....
Hienta bringt der Rottu nit nur Sägu - zu iisch ambri
Hienta längt es Gwitter mit vill Rägu - de isch d’Rüeh verbii
Mu keert nu rumplu und d’Lit sägu - das cha gfährlich sii
De schlaat der Rottu zrugg - und zeigut hie de Lit -
näbu mier sit ier alli so chlii!
Derbii bringt der Rottu - ds Wasser vam ewigu Iisch
Wier brüüche du Rottu - brüücht ächt der Rottu öi iisch?
Was müess der Rottu no alls uber schich la ergah
Bis wier endlich tie merku är chennti uf dsmal de zruggschlaa....
(Instrumentalteil)
Was müess der Rottu no alls uber schich la ergah
Bis wier endlich tie merku är chennti uf dsmal de zruggschlaa....
... chamu losu
13 Stärna
X

13 Stärna

2001 - Miini Lieder

13 Stärna, iischers Wappu -13 Stärna, rot und wiis.
13 Stärna het öi ds Wallis - wills öi miini Heimat isch.
13 Stärna, die heint Kante - Kante wie d’Walliserlit
13 Stärna iischers Wappu - schönri Stärna findusch nit.
Der eerschtusch Stäru, da der Rotu - der biditut Sunnuschii
Der zweitusch Stäru keert dum Rottu, der drittu der keert iischum Wii.
Öi dum Schnee, dem keert en Stäru, wills im Wallis fliissig schnit
der Füüftusch keert dum Matterhoru - dum allerschönschtu Bärg was git!
Schi keerunt de Spezialitäte, die Stärna sägsch, siebu und acht
de Aprikose und Tomate, und was mu us dum Safran macht.
D’Eringer-Kampfchüeh het en Stäru - ds Schwarznasuschaaf in dem Fall öi
denn d’Schäfer heint das Schaf so gäru - fasch lieber als die eigunt Fröi!
13 Stärna, iischers Wappu -13 Stärna, rot und wiis....
Der elftusch Stäru isch französisch, der zwelftu isch Wallisertitsch
der letschtusch Stäru, was ganz klar isch, keert de Walliserlit.
Denn iischers Volch, das darf läbu, uf dum allerschönschtu Fläck,
was cha gäh, uf Gottesärdu, vam Wallis chäme wier nie wäg!
13 Stärna, iischers Wappu -13 Stärna, rot und wiis...
2x
....13 Stärna iischers Wappu - schönri Stärna findusch nit.
nei, schönri Stärna findusch nit!
... chamu losu
Miini Lieder
X

Miini Lieder

2001 - Miini Lieder

Die allerschönschtu Sache
erläbsch wenn Müsig spillsch.
Es härzigs Chinderlachu
oder grossi Sääl want fillsch.
Äs isch schön, dass ich darf singu
hie vor de ganzu Lit
und tüet der Funku springu,
dasch d’Schönschta was doch git!
REFR:
Ich singu miini Lieder
fer dich und öi fer mich
und keersch dü anners lieber
isch mier das gliich.
Ich singu miini Lieder,
bi glicklich daderbii.
Ich weiss genau das Fieber
geit nie verbii!
Hän ich mal der Morelli,
öi das gits hientamal,
de laff ich mier kei Chnelli,
ich leg d’Handorgla a.
Und fahn ich afa spilu
mit miinum Instrumänt.
De bin ich wieder zfridu,
äs geit mer uverschämt!
REFR:
Will de sing ich miini Lieder....
Ich will nix kritisieru
mit miine Liedjini.
Will d’Wält nit reparieru,
nei das chämi mier nit z’Sii.
Doch bringunsch embiz Sunnuschii
inu Alltag sume Lit,
de bin ich uberglickli;
meh will ich gar nit!
REFR:
Nei ich singu nur miini Lieder....

Nur mit dier
X

Nur mit dier

2001 - Miini Lieder

Nur mit dier - will ich miis Läbu immer gniessu, will ich alles derfu und nix miessu.
will ich durchs Läbu gah und dich niemeh - niemals meh verlaa!
Nur mit dier - tröimunt durch miis Läbu schwäbu, alles wa-n-i will erläbu.
Nit nur fer churzi Zit, denn meh als Dich brüüch ich im Läbu nit!
Dier ganz alleinzig will ich miini Liebi gäh! (Ich hä di gäru!)
Und ich will Dier miis ganz Vertruwwu gäh!
Wier hei iisch gfunnu, iisch zwei bringt nix meh usenand! (Wier keere zämu)
Der Räscht vam Läbu verbringe wier zwei mitenand!
Nur mit dier - chennti Reschini ga stählu, immer eppis niwws erläbu,
fer immer zämusii! So en grossi Liebi geit niemals meh verbii!
Nur mit dier - ga fäschtu, richtig z’Chalb ga machu, sogar no uber d’Sorge lachu,
in Freid und öi in Leid und öi wenns iisch zwei mal nimme so güet geit!
Nur mit dier - ds Gäld us jedum Feischter schmeizu, um die ganzi Wält ga reisu,
will ich in d’Ferie gah! Alles andra lahn-i eifach lings la stah!
Nur mit dier - ganz verruckti Sache machu, statt ga schlafu durchgamachu,
gahn ich an jedes Fäscht! Da wa wier derbii sii, chunnt mu nie ins Näscht!
Nur mit dier - tröimunt durch miis Läbu schwäbu, alles wa-n-i will erläbu,
will ich durchs Läbu gah und dich niemeh - niemals meh verlaa!
Nur mit dier!

Aletschgletscher
X

Aletschgletscher

2001 - Miini Lieder

Zwischu de stotzige Tschugge bim Aletschwald
Ändlos tiefe Spalte , fiischtrig und iischuchalt
Gheimnisvoll mächtig, liggusch Dü da
Alli bliibunt andächtig vor Dier stah!
REFR:
Aletschgletscher - in ewigum Schnee
sit Jahrmillione - cha mu dich gseh
Tüüsig Gschichte - die schlafunt in dier,
Aletschgletscher - chumm, verzell schi mier!
Aletschgletscher - verzell schi mier.
D’Sage uber Dich - säg sind die wirklich alli wahr?
A schuppu armi Seele beite scho hüüfu Jahr.
Schoch schoch, d’alt Schmidja, die spinne hittu no
Dum Gratzug dem chenne niemer entcho!
REFR:
Aletschgletscher in ewigum Schnee.....
... chamu losu
Alles immer numma no mit dier
X

Alles immer numma no mit dier

2001 - Miini Lieder

Sumi tröimunt vamne Lottosägscher mit vill Gwinn
und ich tröimu numma no va dier
Sumi schwärmunt va dr Monalisa, die sig schön
und ich schwärmu numma no va dier!
Sumi goolunt immer mit dum Chatzji umenand
und ich goolu numma no mit dier!
Sumi löifunt in de tiirschtu Chleider umenand
und ich bi löifig numma no mit dier!
Mit dier - numma no mit dier
Alles immer numma no mit dier!
Mit dier - numma no mit dier
Alles immer numma no mit dier!
Sumi Lit die gähnt mit irum Hundschi gäru üs
Und ich gah numma no mit Dier!
Sumi schlafunt jede Mäntagmorgu gäru üs
Und ich schlafu numma no mit Dier!
Mit dier - numma no mit dier
Alles immer numma no mit dier!
Mit dier - numma no mit dier
Alles immer numma no mit dier!
Chor:
Mit dier - mit dier - mit dier - mit dier -
Alles immer numma no
alles immer numma no
alles immer numma no mit dier
Sumi spilunt Dudlsack und heint ab dem no Freid!
und ich spilu numma no mit dier
Sumi triibunt sovill Sport bisch Muschkulkater heint
Und ich triibus numma no mit dier!
Mit dier - numma no mit dier
Alles immer numma no mit dier!
Mit dier - numma no mit dier
Alles immer numma no mit dier!
(Instrumental)
Chor:
Alles imm...alles imm...alles imm...alles imm
alles immer numma no mit dier....
Mit dier - numma no mit dier
Alles immer numma no mit dier!
Mit dier - numma no mit dier
Alles immer numma no mit dier!
... chamu losu
En Fröind ischt immer fer dich da
X

En Fröind ischt immer fer dich da

2001 - Miini Lieder

Wenn dü zentnerschwäri Sorge treisch
immer wenn dü nimme witerweisch
Wenn dü die ganzi Wält nimme versteisch
de is heegschti Zit das geisch
Zum Fröind - wa dich güet cha verstah
En Fröind ischt immer fer dich da!
REFR:
En güete Fröind brüücht mu im Läbu
En güete Fröind wa nie tüet frägu
obs dier schlächter oder besser geit.
En Fröind wa immer zu dier steit
Öi wenns dier mal schlächt tüet gah
En Fröind ischt immer fer dich da!
Was tüet dier z’Läbu no alls bringu?
Ds Glick das cha mu nit erzwingu
Drum lüeg das de wenns dier no besser geit
dass d’epper hesch wa zu dier steit
wenn dich ds Glick mal tüet verlah!!
En Fröind ischt immer fer dich da!
Fröindschaft heisst enand vertruwwu.
uf d’Fröinda müess mu chennu buwwu.
Fröindschaft heisst öi volli Ehrlichkeit
und wenns dum Andru schlächter geit
chan är schich uf dich verlah!
En Fröind ischt immer fer dich da!
En schlächte Fröind der chascht la gah
Zum güetu Fröind müescht immer stah.
De ischt immer epper fer dich da!

Vater, Kolleg und Frind
X

Vater, Kolleg und Frind

2001 - Miini Lieder

REFR:
Vater, Kolleg und öi Frind
Eine wie mu keine suschter find
Uf Dich da cha mu zellu, gliich was öi passiert
und mit Dier hän ich so gäru müsiziert!
Dü bisch miis grossi Vorbild gsii.
Wa Dü bisch, hän ich öi wellu sii.
Sigs bim Schaffu, sigs bim Laffu
oder sigs bim greeeschtu Fäscht
ja wenn Dü losleisch chunnt mu nit so schnäll ins Näscht!
Jessus, was hei wier scho alls erläbt
Dü hesch mi gleert, wie mu z’Läbu läbt.
Wie mu lachut, wie mu flännut
wie mu cha glickli sii,
und das mu immer mit eim sälbsch soll zfridu sii!
REFR:
Vater, Kolleg und....
Hientamal da hesch mi richtig gleit
de hesch mi üsglacht voller Schadufreid,
doch dass Dü Freid hesch wenn mi gleit hesch,
das cha jede güet verstah
Diine Humor, steckt alli sofort a.
Üsgseh tüesch zwar nimme ganz so frisch.
Will Dü jetzu öi bald siebzig bisch.
Dü chunnsch elter, doch nit chelter
in Dier brennt no das Fiir.
Diini Jugend geit glöib niemals verbii!
REFR:
Vater, Kolleg und...
No hittu lüegunt Dier vill Fröije nah.
No hittu bischt en stattliche Maa.
Dü bisch herrlich, jetz ganz ehrlich
Nei das isch gar kei Hohn:
Wie der Vater........
Dü bisch miine
Vater, Kolleg und öi Frind!

Lötschbärgtunnel
X

Lötschbärgtunnel

2001 - Miini Lieder

Bisch dü z’Bäru - chunnsch dü gäru, heim ins Wallis zrugg!
Der schnällschtusch Wäg - isch ds Kanderstäg und uf du Autozug.
Hesch Lengizit - doch lang geits nit und dü bischt scho deheim
Dü müesch nur noch - durch ds’Lötschbärgloch, scho bisch dü ds’Goppustei!
Lötschbärgtunnel - Äs tschätturut und chlätturut - im Lötschbärgtunnel dri
Lötschbärgtunnel - Äs schittlut di und rittlut di - in Diinum Auto dri
Lötschbärgtunnel - Mu gseht gar nix - doch daana gits - ganz sicher Sunnuschii.
Var Üsserschwiz ins Wallis zrugg, isch mu hittu schnäll
Müesch nur uf du Autozug und durch dsLötschbärgtunnel!
En Super-Chatz, isch Diine Schatz, schi wohnt ir Üsserschwiz
Jetz holschi ab. Der Zug fahrt ab. Äs schopplut di embiz.
S’isch fiischtrig gsii im Tunnel dri, im Auto heit ier Freid.
Eww schittluts fescht, dü hescht schi fescht, schad das nit lenger geit!
Lötschbärgtunnel - Äs tschätturut und chlätturut - im Lötschbärgtunnel dri
Lötschbärgtunnel - Äs schittlut di und rittlut di - in Diinum Auto dri
Lötschbärgtunnel - Mu gseht gar nix - doch daana gits - ganz sicher Sunnuschii.
Var Üsserschwiz ins Wallis zrugg, isch mu hittu schnäll
Müesch nur uf du Autozug und durch dsLötschbärgtunnel!
... chamu losu
Ohni Dich
X

Ohni Dich

2001 - Miini Lieder

Wie en Blitz ohni Donner, wie es Cheminée ohni Fiir,
wie es Saasi ohni Gwunder, wie s Butilli ohni Wii
wie en Tag ohni Sunna, wie en Bank ohni Gäld,
wie en Hahnu ohni Henna, wie en Zahnarzt ohni Zähnt:
Fühl ich mich, ohni Dich, fühl ich mich, ohni Dich!
Wie es Schaf ohni Wulla, wie en Sänger ohni Stimm,
wie der Heino ohni Brilla, wie es Bier ohni Schüüm,
wie die Eva ohni Adam, wie en Fröi ohni Maa,
wie en Müsiö ohni Madam, wie en Coiffeur ohni Haar:
Fühl ich mich, ohni Dich- fühl ich mich, ohni Dich.
REFR:
Ohni Dich; isch ds Läbu so schwär,
ohni Dich; fühl ich mich so läär,
ohni Dich; gits kei Sunnuschii,
ohni Dich; will ich nimme sii!
Ohni Dich, bin ich:
Wie en Schwiz ohni Wallis, wie en Stecker ohni Strom,
wie der Herrgott ohni Alles, wie der Papscht ohni Rom,
wie en Boxer ohni Händsche, wie en Zoo ohni Tier,
wie en Wält ohni Mänsche, wie en Chüeh ohni Stier:
Fühl ich mich, ohni Dich - fühl ich mich, ohni Dich.
REFR:
Ohni Dich; isch ds Läbu...
Wie en Blüema ohni Wasser, wie en Zug ohni Gleis,
wie es Auto ohni Strasse, wie en Bock ohni Geiss,
Wie z‘vill Lohn ohni z‘schaffu, wie es Stiichtier ohni Gschtäich,
wie en Chnelli ohni z‘Laffu, wie Z’Hansrüedi ohni Säich:
Fühl ich mich, ohni Dich - fühl ich mich, ohni Dich!

Spinnsch de dü?
X

Spinnsch de dü?

2001 - Miini Lieder

Wenn ich mal vor du Spiegul stah
und mich bitrachtu tüe.
De lüeg ich mich de genau a
und nicku mier sälbsch züe.
Ich bi en uverschämte Maa,
athletisch gsehn ich üs.
Doch pletzli steit die Margrit da
und lachut mich nur üs:
Was? Athletisch seisch dü dem?
REFR:
Spinnsch de dü? Geits der no?
Bisch eiguntli no normal?
Genau das seit miis Margritli mier fasch jedesmal.
Spinnsch de dü? Geits der no?
Bisch eiguntli no normal?
Genau das seit miis Margritli mier fasch jedesmal
genau das seit miis Margritli mier fasch jedesmal.
Ich verchumm der greeschtusch Strit
wägs dum Hüüshaltigsgäld
denn immer jäissut mier d’Margrit,
dass ira vill z’vill fählt.
Doch ich sägu zu ira:”Nei!
Meh verchunnsch dü nit!
Denn jede Monat zwenzig Stei,
meh brüüchsch dü sicher nit!”
Was nummu zwenzig Stei?
REFR:
Spinnsch de dü? Geits der no?
Bisch eiguntli no normal?
Ich brüüchu doch fer d’Chleider fasch 2000 jedesmal!
Spinnsch de dü?...
Will ich ds Margrit so gäru hä,
gits bald es Hochzitsfäscht.
Es Riisufäscht het das gigäh,
totmied sii wier ins Näscht.
Doch mitti in der Hochzitsnacht
säg ich: “Gäll blibsch mer tröi?!?”
Scho gits der eerschtusch Ehekrach
denn jetz seit miini Fröi:
Was? Tröi soll der sii?
REFR:
Spinnsch de dü? Geits der no?
Bisch eiguntli no normal?
Genau das seit miis Margritli mier fasch jedesmal.
Spinnsch de dü?......

Natersch, miis Derfji
X

Natersch, miis Derfji

2001 - Miini Lieder

Zwischum Simplon und der Belalp, da lits.
We mu will, öi zwischu Birgisch und Bitsch.
Da wa der Chelchbach ds Wasser in du Rottu treit,
wa der Aletschgletscher ds’Ändi geit.
Natersch, miis Derfji, am Rottustrand.
Mu griesst schich immer, mu kennt halt enand.
Hie läbunt wirklich no urchigi Lit.
Wies suschter nummu sältu no git!
REFR:
Natersch, miis Derfji, dü bisch voll Gägusätz.
Halb Stadt, halb es Derfji, hie bin ich sicher nit lätz!
Natersch, chleis Derfji,
und doch so gross wie en Stadt.
Doch hoffuntli blibsch es Derfji,
susch wäris wirkli sinduschad!
D’Alterssidlig, näbum Chindergartu züe.
Im altu Derfji, ja da findusch no Rüeh.
An der Furkastrass, da rollt der Vercheer,
Jahr fer Jahr es bizji meh.
Super-Discount-Lädu, en alte Konsum,
uberall träffunt schich Alt und Jung.
Bim Beihüüs merksch, das ds’Läbu vergeit.
In de Beize gschpirsch no Läbunsfreid!
REFR:
Natersch, miis Derfji......

Chnoblöich-Pizza
X

Chnoblöich-Pizza

2001 - Miini Lieder

ch wellti so gäru en Fröindin hä,
doch das het kei Zwäck
denn will ich gäru Pizza hä,
löift mier jedi wäg!
In d’Pizzeria gahn ich gäru i,
iner Wucha vier füüf Mal.
und wenn ich am Pizza ässu bi,
fräg ich mich jedesmal:
REFR:
Cha ächt da die Pizza d’schuld sii?
Ich berchumu nie es Munzi
jedi Fröi seit immer: “Nix da!
Dü ässusch Chnoblöich-Pizza!”
Ob die Pizza ächt der Grund sii?
Ich berchumu nie es Munzi!
Alli Fröije höirunt: “Nix da!
Dü stiichsch nach Chnoblöich-Pizza!”
Gahn ich alleinzig durch die Strasse,
mächunsch en Bogu um mich!
Bi Fröije hän ich gar kei Chance,
schii zeigunt mit dum Finger uf mich!
Ich cha doch nix derfir,
dass der Chnoblöich stiicht,
und das mus so fescht schmeckt!
Trotzdem äss ich Chnoblöich-Pizza gliich,
doch ich hä jetzu gmerkt:
REFR:
Da cha nur die Pizza d’schuld sii!
Ich berchumu nie es Munzi
jedi Fröi seit immer: “Nix da,
Dü ässusch Chnoblöich-Pizza!”
Nur die Pizza cha der Grund sii,
ich berchumu nie es Munzi.
Alli Fröije höirunt: “Nix da!
Dü stiichsch nach Chnoblöich-Pizza!”
Alleinzig amne Tisch hock ich,
und deichu ich bi en Göich!
Da hockt schich es Meitji näbu mich,
bschtellt Pizza mit Chnoblöich!
Ich merku dass die das öi gäru het,
das git mier Müet und Chraft!
Und will schii das doch so gäru het,
bschtell ich ira en Chnoblöich-Saft!
REFR:
Da cha nur die Pizza d’schuld sii!
Jetz berchumm öi ich es Munzi!
Schii will zahlu. ich säg: “Nix da!
Ich zahlu dier die Chnoblöich-Pizza!”
Nur die Pizza cha der Grund sii!
Jetz berchumm öi ich es Munzi!
Ich will gah - doch schii seit:”Nix da!
Zeersch gits no en Chnoblöich-Pizza!”

Schwiimeije
X

Schwiimeije

2001 - Miini Lieder

Hientamal da glöibt mu fescht, - dass mu nix vergisst
Doch ich hä mal ds’Giburtstagsfäscht - va Dier nimme gwisst.
Eerscht wan ich zu Dier bi cho - chunnts mer pletzi z’Sii
Äs längt nimme, das weiss ich scho - d’Gschäft sind gschlossu gsii!
Jetz stahni da weiss nimme i und üs,
wa find ich jetzu no en Blüemustrüss?
REFR:
Schwiimeije - wa bliejunt vor dum Hüüs
Schwiimeije - kei tiire Blüemustrüss
Schwiimeije - hän ich nur in de Händ
Schwiimeije - ich hä mi richtig gschämt!
Wan ich zer Porta i bi cho - die Meije in der Hand.
Machscht en Sprung, ich weissus no - bischt üsser Rand und Band.
Ich hettis ehrlich nit gideicht - wägs soner Chleinigkeit.
“Dü hesch mier d’wäägschtu Blüeme gscheicht!”- hesch gseit mer voller Freid!
Ob Diinum Bett da hangut jetz es Bild
wa nur verdorrti Meije drinna sind!
REFR:
Schwiimeije....
We mu hittu Gscheichi macht - chas hienta nit gnüeg choschtu.
Doch öi die allertiirschti Sach - tüet mu schnäll vergässu.
Und isch es Gscheich öi no so chlii - wenn’s nur va Härzu chunnt
Vergisst mu schiiner Läbtag nie - und we mu 100 chunnt!
Ja wenn Dier d’Phantasie nit fählt
brüüchsch zum Scheichu gar keis Gäld!
REFR:
Schwiimeije....

Niemer (Im Altersheim)
X

Niemer (Im Altersheim)

2001 - Miini Lieder

Sunna und Rägu, Freid und öi Leid
hescht in dim, Läbu, scho mängsmal ertreit.
Dü wärisch no rüschtig, trotz de wiissu Haar.
Doch jetz bischt alleinzig sit anderthalb Jahr!
Niemer zellt mit dier und niemer steit zu dier,
dü hockusch im Sässul und darfsch nimme heim.
Mu het dich vergässu, im Altersheim.
In dim chleinu Zimmer hockusch dü da
und deichusch fascht immer an d’vergangunu Jahr.
D’Chind hesch erzogu mit vill Giduld.
Dü fühlsch dich bitrogu, doch dü gisch keinum d’Schuld!
Dü deichsch nie an moru, das tüet dier nit güet.
Müesch dich um nix sorgu, ja mu lüegt dier hie güet.
Und wenns dier mal Bsüech git, willsch nu nimme la gah!
Doch d’Meischtu heint kei Zit - miessunt gat wider gah.
Und niemer zellt mit dier und niemer steit zu dier,
dü hockusch im Sässul und darfsch nie meh heim.
Mu het dich vergässu, im Altersheim
Ja mu will dich vergässu, im Altersheim.

Natersch

2002 - Natersch

Ich bliibu in Natersch
X

Ich bliibu in Natersch

2002 - Natersch

Ich bliibu in Natersch - so lang wieni bi
so schön wie in Natersch - chas suscht niene sii.
Hie bini giboru - hie kenni mi üs
weder hittu no mooru - wandr’ ich jemals üs.
Nei niemals vergässi - wa n’ich no als Chind
im alt Judugässji - der ganz Tag hä gschpillt
hä d’Jugund verbrungu - en herrlichi Zit
und ds Tüürli het gsungu - was z’Natersch alls git.
Ich bliibu in Natersch - nur hie will ich sii
will ich numma z’Natersch - deheimu bii
das chascht nit bischriibu - das gschpirrsch in dier dri
Ich müess z’Natersch bliibu - nur hie chan ich sii!!
Instr.teil
Var Chircha die Glogga - wennsch littut de weisch
hie chascht niemal fortgah - willt das nit vertreisch.
Ja d’Wulche tient wandru - am Himmulszält
s’tüet schich alls verändru - hie uf discher Wält.
Doch Natersch wird bliibu - so lang dass iisch git
Va Natersch vertriibu - chascht d’Natischer nit.
Ich bliibu in Natersch - nur hie will ich sii
will ich numma z’Natersch - deheimu bii.
Es’wa annersch ga läbu - nei nie will ich gah
Das wirscht nie erläbu - dassi Natersch verlah!!

Liebi und Glick
X

Liebi und Glick

2002 - Natersch

Iner Schüel, iner Firma und ir Politik
s‘geit meischtens ums Gäld
uf discher Wält
Derbii wäri z‘wichtigschta Liebi und Glick
und das eim die Gsundheit nie fählt.
Machscht epper glicklich, chunnt z’Glick öi zu dier
Wennt lachusch, machsch annri öi froh.
D’Liebi want witergisch chunnt zrugg zu dier
das isch so und blibt öi e so.
Gsehsch dü nur Missgunscht und Nit
chunnscht in dim Läbu nit wit.
Läbscht nur fer ds Gäld de wirscht vam Läbu nie
Liebi und Glick vercho.
Machscht epper glicklich, chunnt z’Glick öi zu dier
Wennt lachusch, machsch annri öi froh.
D’Liebi want witergisch chunnt zrugg zu dier
das isch so und blibt öi e so.
Gsehsch dü nur Missgunscht und Nit
chunnscht in dim Läbu nit wit.
Läbscht nur fer ds Gäld de wirscht vam Läbu nie
Liebi und Glick vercho.
Liebi und Glick.

Belalp, miis Paradies
X

Belalp, miis Paradies

2002 - Natersch

Hienta weni Stress hä
numma no es Ghetz hä
brüüchi mal en Tag lang Rüeh,
de schliessi alli Porte züe
und fahru gägu Blattu züe.
Mit der Luftseilbahn geits witer
und mier geits nimme schitter,
ich nimu ganz en teife Schnüüf
hie uf der Belalp regt mich nix meh üf!
Ich bi im Paradies,
wenn ich uf der Belalp bi
alli Sorge gähnt verbii
da merkscht eerscht wie schön dass ds Läbu cha sii
im Paradies
Ich lotzu uf d’Wält ambrii
wenni uf der Belalp bi im Paradies!
Nei, das chani nie vergässu
uf der Müüra bini gsässu
und hä der Aletschgletscher gseh
ja z’allereerschtumal nu gseh
nei das vergäss ich niemals meh
Ich bi no es Chind gsii
hä glüegt und bi ganz still gsii
hä gwisst das het der Herrgott gmacht
No hittu stüüni ab der ganzu Pracht!
Ich bi im Paradies
wenn ich uf der Belalp bi
ich lotzu uf d’Wält ambri
da merkscht wie schön dass d’Wält cha sii
im Paradies
Alli Sorge gähnt verbii
wenn uf der Belalp bischt im Alpuparadies!
... chamu losu
Striichu und Triichu
X

Striichu und Triichu

2002 - Natersch

Chumm wier welle gmietlich sii
chumm wier triiche s’Glasji Wii
und derzüe no es Raclette
Z’Lothi holt schiis Klarinett
D‘Ländlermüüsig gfallt iisch güet
der Walker-Chääs der schmilzt de güet
Jetz faht de gat d’Müüsig a
wier fäh mim tanzu a!!
Chumm wier welle gmietlich sii
chumm wier triiche s’Glasji Wii
und derzüe no es Raclette
Z’Lothi spillt mim Klarinett
D‘Ländlermüüsig gfallt iisch güet
und wenn der Ätti jodlu tüet,
de weisch das git es luschtigs Fäscht
mu chunnt nimme ins Näscht!
Immer wenn z’vill stressu tüesch
ds Gmietlichsii vergässu tüesch
de deich dra wenns di niederleit
dass dier niemer merci seit!
Immer wenn z’vill hirnu tüesch
sält s’bizji hirmu tüesch
de vergiss d’Kollegu nit
und nimm der es bizji Zit.
Wenn Fendant triichu tüesch
und Raclette striichu tüesch
wenn dü so bisch wie d’bisch und nit dergliichu tüesch
Wennt nit üswiichu tüesch
wenn Fröinda brüüchu tüesch
de bisch hie richtig wenn mit iisch eis triichu tüesch.
Wenn Gäld erschliichu tüesch
dich nur biriichru tüesch
wenn dü va barum Gäld gat richtig stiichu tüesch
wennt numma hüüchlu tüesch
d‘Fröinda missbrüüchu tüesch
de bischt hie falsch wenn dü mit iisch eis triichu tüesch.
Wenn Raclette striichu tüesch
sumi verschiichu tüesch
willt dü mit diinum Chääs gotschgrüüsig stiichu tüesch
Wenn gääru triichu tüesch
also mier gliichu tüesch
de bisch hie richtig wenn mit iisch eis triichu tüesch!
Proscht!!

Mämmibüebischatzji
X

Mämmibüebischatzji

2002 - Natersch

Är fahrt en Harley und isch total tätowiert
Längi, wildi Haari, jede wird gat schikaniert
En rächte Schlägertyp, wies sältu eine git.
Schiini Rockerbandi die isch gfirchtut bi de Lit!
Alli flient uf d'Sita, wenn är in d'Beiz ichunnt
An schiiner IIsuchetti en gfährlich grosse Hund
Schiis Messer isch bireit, wer ihm uf d'Närve geit.
Är cha schich nur nit wehru wenn schiis Mammi chunnt und seit:
Miis Mämmibüebischatzji - leg d'längu Unnerhose a!
Miis Mämmibüebischatzji - der Winter faht scho langsam a!
Schiini Firma kennt mu uf der ganzu Wält
Schiine Namu kennt mu wägum ganzu Gäld
ja är als Milliardär machtsus de Armu schwär
Schiini Arbeiter sind billig und nur us der drittu Wält
D'Politiker die machunt - was är ine seit
D'Schpiona uberwachunt - was hinneruber geit
Wer ihm uf d'Närve geit
der wird gat abserviert
Är cha schich nur nit wehru wenn schiis Mammi chunnt und seit:
Miis Mämmibüebischatzji...
Im Militeer da ischt är en hooche Offizier
en Soldat das isch fer inu kei Mänsch, nei nur es Tier
da wird nur schikaniert, doch öi är het schich blamiert
wa schiis Mammi cho ischt und het gseit:
Miis Mämmibüebischatzji...

Beibiäilawju
X

Beibiäilawju

2002 - Natersch

Baby i love you, hä di gääru
ich tröimu nur no va dier
jede Tag und jedi Nacht
ich sägus dier in jeder Sprach
Mon Amour je t'aime, ti amo
ich bi so gäru bi dier
und wenn ich vor dier stah
de tüet miis Härzji ganz wild schlaa
S'cha fascht nit sii
so schön wie dü
cha niemer sii
ich will diinum Schöpfer dankbar sii
eso en Schönheit geit nie verbii!
mein lievje ik hau van jau- Te quiero
öi hittu chummi zu dier
ohni dich geits mier so schlächt
dü steisch öi hittu sicher im Gschäft
Hey Puppe, ich lieb dich - dasch hochditsch
Chumm red doch bitte mit mier
Ganz lieb lüegsch dü mich stumm a
ich frägu dich: Chasch mich nit verstah??
S'cha fascht nit sii
so schön wie dü
cha niemer sii
ich will diinum Schöpfer dankbar sii
eso en Schönheit geit nie verbii!
(Und geschter naa dum Schaffu hän ich mit dier wellu üsgah.
Ich bi zu dier ins Gschäft cho, bi ins Schaufeischter igschtigu und hä
dich wellu mitnäh.
Aber diine Chaf het saudumm gitah und het mier klipp und klar gseit:
Miini Schaufeischterpuppa blibt hie!!!)
Ja Puppe ich liebe dich - i love you
!oi wenn nur en Tocha bischt bischt!
Mit dier z‚läbu müess tröimhaft sii
will so still wie dü cha susch kei Fröi sii....

Richtig wichtig
X

Richtig wichtig

2002 - Natersch

Was wichtig isch und richtig isch
das weiss ich eerscht sit dem das dü bi mier bisch.
Dü hesch mi gfangu und doch bin ich immer no frii
Bi dier chan ich genau e so wie ni bi sii und darum
Passusch z'mier wie nich zu dier.
Niemer uf discher Wält passt so wie dü zu mier.
Dü verschteisch mich und ich will dich nie meh verlah
Wier wärde iisch der Läbtag lang nur güet verstah
ja glöib mer:
Richtig wichtig isch die richtig Richtig richtig z'gah
D'richtig Richtig will ich richtig mit dier zämu gah
ich weiss dass flüchtig süchtig null und nichtig isch ich sägunter eis:
Richtig wichtig bisch nur dü!
Ich cha si so wieni bi
Dü darfsch dich öi nit ändru, dü chasch nit wächer sii
Dü willsch mich so wie nich scho friener immer bi gsii
und darum wärde wier der Läbtag zämu sii ja glöib mer:
Richtig wichtig isch die richtig Richtig richtig z'gah
D'richtig Richtig will ich richtig mit dier zämu gah
ich weiss dass flüchtig süchtig null und nichtig isch ich sägunter eis:
Richtig wichtig bisch nur dü

Gälbi Schgiischüeh
X

Gälbi Schgiischüeh

2002 - Natersch

Uf de Schgii da isch dr Ledl zwar en Grig
Doch die Schgiischüeh sind scho alt und passunt nit
zu schiine nigelnagelniwwu Super-Schgii.
ja dr Ledl geit ins Sportgschäft schnäll verbii.
Und mit so gälbe Schgiischüeh chunnt dr Ledl us dum Gschäft
mit de gälbe Schgiischüeh geits dum Ledl nimme schlächt
Mit de gälbe Schgiischüeh fahrt dr Ledl Pischta ambri
Ja ohni gälbi Schgiischüeh will dr Ledl nimme sii!
Uf dr Belalp fahrt dr Ledl jetzu Schgii
und dernaa gits stundulang no Apres-Schgii
In jeder Beiz da zeigt är jedum schiini Schüeh
Und so geit das witer bis am Morgu früeh!
Mit de gälbe Schgiischüeh risst dr Ledl jetz es Fäscht
mit de gälbu Schgiischüeh geit dr Ledl heim ins Näscht
Mit de gälbe Schgiischüeh schlaaft der Ledl friedlich i
Ja ohni gälbi Schgiischüeh will dr Ledl nimme sii!
Bim FC Natersch mächi är öi gäru mit
Doch der Trainer will du Ledl sicher nit
Denn scho wenn der Ledl uf du Rasu chunnt
de lachut ds Publikum us güetum Grund:
Mit de gälbe Schgiischüeh löift dr Ledl uf du Platz
Mit de gälbe Schgiischüeh spillt dr Ledl der ganz Match
Mit de gälbe Schgiischüeh will dr Ledl Gooli sii
ohni gälbi Schgiischüeh will dr Ledl nimme sii
Die Daniela und dr Ledl sind es Paar
Und jede meint das git nit z‘spaat es Hochzitspaar
Doch heiratu will dr Ledl no lang nit
Äs git drum eppiswan är no vill lieber het:
Ja schiini gälbi Schgiischüeh nimmt dr Ledl us dum Schaft
Ohni gälbi Schgiischüeh geits dum Ledl grauuhaft
Nur mit de gälbu Schgiischüeh will dr Lerdl zämu sii
Ohni gälbi Schgiischüeh will dr Ledl nimme sii!
Ich chennti hie no stundulang so witersingu
Nu fufzig Strofe nur va gälbe Schgiischüeh bringu
Und wenn mich wägudem öi epper kritisiert
Ich verzellu nummu d‘Wahrheit- s‘isch passiert!
Mit de gälbu Schgiischüeh geit dr Ledl ins Militeer
Mit de gälbu Schgiischüeh schwimmt dr Ledl z‘mitsch im Meer
Mit de Gälbu Schgiischüpeh geit dr Ledl in d‘Sauna i
Ja ohni gälbi Schgiischüeh will dr Ledl nimme sii
Mit de gälbe Schgiischüeh isch dr Ledl am Morgesträich
Mit de gälbe Schgiischüeh macht dr Ledl nummu Säich
Mit de gälbe Schüeh marschiert dr Ledl ids Frankriich i
Ja ohni gälbi Schgiischüeh will dr Ledl nimme sii!

Ladilagah
X

Ladilagah

2002 - Natersch

Ladilaga! - zeig diini Freid
Ladilaga! - susch tüesch mer leid
wenn dü gar nimme willt lachu
und kei Blödsinn meh willt machu
de müesch di nit verwundru wenns der bald verleidu tüet
drum Ladilaga!
wenn dich chascht la gah tüet das doch jedum Läbu güet!
Ladilaga! - gang doch wieder üs
Ladilaga! - flipp mal wieder üs
wennt chasch tanzu und chascht singu
tüet dier alles besser glingu
Äs tüet so güet der Alltag mal fer churzi Zit z'verlaa!
Ladilaga! Ladilaga! Ladilaga! Ladilaga!
Ladilaga! - dascht alles was mu brüücht
Ladilaga! sii doch nit so schüüch
Wenn dü immer nur verchlemmt bisch
und nit machsch was dü alls chenntisch
das tüet dier friener oder später mal ganz furchbar leid
drum Ladilaga!
Diis Läbu het ja öi fer dich Uberraschige bireit!
Ladilaga! - chumm schinier di nit!
Ladilaga! - und losw niemeh uf d'Lit
Pfiif uf alles was dü gleert hesch
mach doch dasd was gääru tietisch
und wenns öi numma mal fer en paar churzi Stunde ischt!
Ladilaga! Ladilaga! Ladilaga! Ladilaga!
Ladilaga! numma so gniessusch dü z'Läbu
Ladilaga! - numma so chascht vill erläbu
wenn dü immer brav und hibsch
in diinum Couche deheimu blibscht
de spaziert diis ganzi Läbu nur an dier verbii
und draum Ladilaga!
denn numma so chaschjt dü öi mit dier sälber zfridu sii!
Ladilaga! und verputz diis Gäld
Ladilaga! dü blibscht nit uf der Wält!
Warum tüesch so vill Gäld uf d'Sita
z'letscht chasch gliich va dem nix mitnäh
im Himmul chöifuscht gar nix meh mit diinum ganzu Gäld!
Ladilaga! Ladilaga! Ladilaga! Ladilaga!
... chamu losu
Vollgas
X

Vollgas

2002 - Natersch

Wenn d’Sunna schiint de stiig ich uf du Töff und gibu Gas
Ob Summer oder Winter ich bi immer uf der Strass
En Chlapf unner dum Fitla und der Wind in miinum Haar
Das heissut fer mich Friiheit - wenn ich durch ds Läbu fahr.
Ich gibu Gas - Vollgas - uf der Strass
Ich gibu Gas - Vollgas - uf der Strass!
Doch nit numma uf miinum Töff und nit nur uf der Strass
Ich gibu suschter öi in miinum Läbu immer Gas.
Wenn ich de alt und grau bi will ich sägu ich hä gläbt
Ich hä miis Läbu gnossu und ich hä sovill erläbt.
Drum gibi Gas - Vollgas - öi uf der Strass
Ich gibu Gas - Vollgas - nit nur uf der Strass
Ich machu gääru Müsig ich bi gääru bi de Lit
doch nur so gmietlich Müsig machu, nei das chani nit
bi mier müess eppis löifu, suschter hesch kei Chance
drum gib ich öi bim Müsig machu immer gottlos Gas!
Ich gibu Gas - suschter hesch kei Chance....

Im Bitschji
X

Im Bitschji

2002 - Natersch

Summ, summ, summ...
im Bitschji, Bitschji...
Biiji, Biiji....
Im Bitschji da wohnt z‘Fritschi und öi z‘Piiji
und z‘Fritschi gseht da nitschi es fleigunds Biiji
Das Biiji isch keis Biiji deichut z‘Piiji
Und z‘Piiji geit vam Bitschji s‘bizji nitschi.
Doch das Biiji sticht du Piiji in du Aaru
und z‘Piijii brielt es Wiili zum Verbarmu.
Das Biiji deichut z‘Piiji das verwitschi
Und z‘Piijii erschlaat das Biijii mit me Titschi.
Im Bitschji da wohnt z‘Fritschi und dr Piiji deicht das Biiji ischt keis Biiji und dr Piijii geit vam Bitschji s‘bizji nitschi doch das Biijii sticht du Piiji das gseht z‘Fritschi der geit nitschi wäg vam Bitschji zu dem Biiji uf dem Titschi.
Vam Bitschji da chunnt z‘Fritschi jetz öi nitschi,
gseht ds Piiji und das Biiji uf dem Titschi.
Das Biijii seit mu z‘Piijii das isch läschtig gsii!
Uf dem Titschi seitmu z‘Fritschi ischt es Wäschgi gsii.

Gauner
X

Gauner

2002 - Natersch

Ich hock im ne Beizji, da gsehni es Meitji
das lachut mier züe, und seit de zu mier:
"Darf ich dier eis zahlu?" - Doch ich tüe schi warnu:
"Meitji los züe: Lah d‘Finger va mier!"
Denn ich bi en Gauner, en Lugner und Räuber
Bi wie en Zigüüner, mal da und mal hie.
Ich cha dier z'Härz röibu
doch eis müesch mer glöibu:
Cha niemerum tröi sii - müess witerzieh!
Ich tüe gääru fiiru und ich tüe gääru triichu
Verspilu miis Gäld - öi das wa mer fählt.
Mier cha alles glii si - ich müess numma frii sii
mier chascht alles näh - solangi d'Friiheit no hä!
Ja ich bi en Gauner....
Hittu meinis ehrlich - weni sägu:"Bisch herrlich!"
Dochmooru chas sii - isch die Liebi verbii!
Schi faht afa lachu:"Ich weiss wasi machu
ich bi alti gnüeg - und dü gfallsch mer güet!"
Am Morgu bim üfstah - wan ich d'Öigu üfschlaa
Äs het mi verwitscht - miini Friiheit isch futsch!
Ich gschpiru s'isch Liebi - die ganz grossi Liebi
Doch d'Freid die vergeit: Uf eme Zädul da steit:
Öi ich bi en Gauner, en Lugner und Räuber,
bi wie en Zigüüner, mal da und mal hie.
Ich tüe dier z'Härz röibu
doch müesch mer glöibu:
Ich will dier nit tröi sii - müess witerzieh!
Öi schii ischt en Gauner, en Lugner und Räuber
Schi‘ischt wie en Zigüüner, mal da und mal hie.
Schii tüet mier z'Härz röibu
doch müessira glöibu:
Schii will mier nit tröi sii - müess witerzieh!
... chamu losu
Härzschlag
X

Härzschlag

2002 - Natersch

...bi dier gschpirr ich der Blues...
Dü ich gschpiru diis Härz, das schlaat im Takt, zämu mit miinum Härz, die ganzi Nacht.
Ich gschpirr diini Hüt und schmecku diis Haar. Hienta glöibis nit, isch das wirkli wahr.
Und ich hä immer gmeint das gäge irgendwe verbii,
wenn wier zwei emal es bizji länger zämusii,
doch so schön wie jetzu is mit dier no gar nie gsii... bi dier gschpirr ich der Blues.
Hä Freid an dier und ich gschpiru diis Härz ganz nooch bi mier.
ich ligg in dim Arm die ganzi Nacht. Dü gisch mer so warm, säg was hesch mit mier gmacht?
Bi dier da gschpirr ich d‘Fiffoltre in miinum Bidl dri
es Lattüechi das löift mier miine blutti Rigg ambri
wie en Hopschul oder Strafful gumputs in mier innina dri... bi dier gschpirr ich der Blues.
Dü ich gschpirru diios Härz, dü elektrisiersch und mier chlopft miis Härz, wenn dü mich briersch.
ich chläbu an dier, lah dich nimme los. Hä Freid an dier. Dü was isch mit mier los?
Ich bi doch keis Jingi meh, das isch scho lang verbii
und trotzdem chlopft miis Härz wenn ich mit dier darf zämu sii.
Ich glöibu fasch sogar mit hundert wird das no so sii... bi dier gschpirr ich der Blues
Bi dier da gschpirr ich d‘Fiffoltre in miinum Ranzu dri
es Lattüechi das löift mier miine blutti Rigg ambri
wie en Hopschul oder Strafful gumputs in mier innina dri
Und ich hä immer gmeint das gäge irgendwe verbii,
wenn wier zwei emal es bizji länger zämusii,
doch so schön wie jetzu is mit dier no gar nie gsii
...bi dier gschpirr ich der Blues
...und ich keeru diis Härz...
...diine Härzschlag

Nennt mir das Land...Vol.2

2004 - Nennt mir das Land...Vol.2

D'Natischer Glogga
X

D'Natischer Glogga

2004 - Nennt mir das Land...Vol.2

Warum isch de öi gat Natersch der scheenschti Schwizer Ort?
Säg dü mier, säg du mier isch das öi wahr?
Warum cha de jedes Mannji öi va Natersch nimme fort?
Säg dü mier, ja säg du mier das isch doch klar.
Hesch dü z’Natersch bloss as einzigs Mal die grossi Glogga keert
De chaisch dü nimme fort, de isch diis Härz biteert
Und hesch dü z’Natersch as einzigs Mal die grossi Glogga keert
De chaisch dü nimme fort, dü bisch biteert
Wier hei Sunna, wier hei Beize, ja va beidum meh als gnüeg
Säg dü mier, säg du mier isch das öi wahr?
Darum gfallts de alle Litu in iischum Derfji halt so güet.
Säg dü mier, säg du mier das isch doch klar
Hesch dü z’Natersch bloss as einzigs Mal die grossi Glogga keert
De chaisch doch nimme fort, de isch diis Härz biteert
Und hesch dü z’Natersch as einzigs Mal die grossi Glogga keert
De chaisch dü nimme fort, dü bisch biteert.
Warum heint de iischi Techtre so ne wunderhibsche Gang?
Säg dü mier, säg du mier isch das öi wahr?
Das isch der Chipji-Schritt är macht halt iischi Frouwwe elegant!
Säg dü mier, säg du mier das isch doch klar!
Hesch dü z’Natersch bloss as einzigs mal die hibschu Techtre gseh,
de chaisch dü nimme fort – de is um dich scho gseh.
Hesch dü z’Natersch as einzigs mal die hibschu Techtre gseh,
de chaisch dü nimme fort – äs isch um dich scho gseh!
... chamu losu
Am Grängjerseeli
X

Am Grängjerseeli

2004 - Nennt mir das Land...Vol.2

Am Grängjerseeli so hell und klar
da spieglunt d'Bärga so wunderbar
und uf de Firne der ewig Schnee
s'ischt inschi Heimat am Grängjersee.
(Jodel) ischt inschi Heimat am Grängjersee...
Liechti Luft und Sunnuschii
Schatz das müescht dü gseh.
Chumm mit mier ins Paradies
silbrig glänzt der See.
Und uf de Firne der ewig Schnee
s'ischt inschi Heimat am Grängjersee.
(Jodel) ischt inschi Heimat am Grängjersee...
... chamu losu
...und dann fahren wir wieder nach Saas-Fee
X

...und dann fahren wir wieder nach Saas-Fee

2004 - Nennt mir das Land...Vol.2

... chamu losu
Miis Wallis häni gääru
X

Miis Wallis häni gääru

2004 - Nennt mir das Land...Vol.2

Miis Wallis hani gäru
Wie miine Öigustäru
S’ischt mit schiinum hibschu Gwandji
D’Pärla’m Schwizerlandji.
Grossartig schiini Bärga,
vor ihne sii wier Zwärga.
Der Wildbach mich umtosut
Und d’Sunna mich liebkosut.
REFR:
Huriolodijo
Huridiriolodijo (huri)
Im Wallis is so fii (ja fii)
Im Wallis will i sii!
Vill Obscht und Wii und Fälder,
vill Täler, bunti Wälder.
Der reinschtusch Blüemugartu,
tüet mier im Wallis wartu.
Öü dü lehr ds Wallis kennu!
Wirscht dich va ihm nie trennu.
Chumm gschwind und lüeg diis Land a
Und dü wirscht ds Wallis lieb ha!
REFR:
Ich darf is Wallis-chiind sii
Miim Wallis will ich triww sii,
will d’Heimat nie bitriebu,
nei, immer meh schii liebu.
Und chunnt die Zit zum Stärbu,
tüet ds Abendrot sich färbu,
dum Herrgott ich bigägnu:
Tüe ds Wallis immer sägnu!
REFR:

D'Heimweh-Walliser
X

D'Heimweh-Walliser

2004 - Nennt mir das Land...Vol.2

Dü chascht uf Bäru, Basel gah
Old z’mitsch im grossu Zürich stah,
de gsehsch dü schii
und gkeersch dü schii:
Das miessunt Lit vam Wallis sii.
Mu lost mit Freid und bchännt sus scho
Das Wallis Titsch am eerschtu Too.
(Jodel)
In Gänf, Losann, z’Fröijufäld
Verdienusch liechter iro Gäld.
Doch heint schi immer Längizit
Vam Wallis und va iro Lit.
Vergässu tient schii d’Heimat nit,
öi wenn da hittu vill zerkit.
Drum welle wier mit aller Chraft
Nisch d’Sprach erhaltu und die Tracht.
Und alls wa d’Eltru iisch heint gleert
Und wa zum Wallis passt und keert.
Hei wier in d’Främdi miessu gah
So well wer doch zum Wallis stah!

Miis Gletscheralphittji
X

Miis Gletscheralphittji

2004 - Nennt mir das Land...Vol.2

Miis Gletscheralphittli ischt chlei und eng
Di Wänd sind schwarz und brü.
Die Pfeischter sind schmal und oi d’Schiiba chlei.
Die Bänk sind roh und rüh.
Doch hani miis Hittli gar härzli gärn;
Ich tiischus keim Chinig, keim Herr!
Da rüüschunt die Tannä so still immerfort.
Da malt d’Abundsunna mis Hittli so rot.
Miis Gletscheralphittli het kei Wanduihr,
mu ghert kei Turmuir schla.
Dr Gugger am Dach ruäft äs zwenzgmal d’Stund
Ich cha mi druif nit verlaa
Miis Gletscheralphittli gseht nit vill Lit,
äs ischt halt schwarz und chlei.
D’m Herrgott macht’s nit, Är ischt immer drin
Und laht mich niä allei!

Lied der freiwilligen Feuerwehr
X

Lied der freiwilligen Feuerwehr

2004 - Nennt mir das Land...Vol.2

Wir sind die wack’re Feuerwehr
Nicht mit Kanonen und Schiessgewehr
Uns’re Waffen sind Helm und Beil,
Leiter, Sprungtuch und Rettungsseil.
Hydranten sind wohlbekannt,
Spritze und Wasser, das löscht den Brand.
REFR:
Gott zur Ehr’, dem Nächsten zur Wehr,
ist die Devise der Feuerwehr.
Brennt das Haus, Marsch heraus!
Wir retten das brennende Walliser Haus.
Wir schützen dir dein Hab und Gut,
wenn es auch sein muss mit unserm Blut,
fürchten uns nicht vor Feuerqual,
spritzen mutig den Wasserstrahl.
Wie das prasselt und zischend spritzt.
Glutig und feurig am Himmel blitzt!
REFR:
Unser Hauptmann ist ein Mann
Der immer flott kommandieren kann.
Vorwärts marsch und Achtung steht!
Spritzenmänner, rechts umkehrt!
Leitung zwo, stell Wasser ein!
Kellnerin, her mit dem süssen Wein!
REFR:

Sehnsucht nach der Fafleralp
X

Sehnsucht nach der Fafleralp

2004 - Nennt mir das Land...Vol.2

Oh wie schön ist’s auf der Fafleralp, wenn die Glocken einmal wieder tön’n
Wenn der Senn’rin frohe Lieder wiederhallen von den Alpenhöh’n!
Oh dann zieht’s mich heiss zur Alp hin;
möchte die Kühe seh’n, möchte die Lieder hörn
Holdijeh
Wenn die Glocken einmal wieder tön’n.
Oh wie schön ist’s auf der Fafleralp, wenn die Blümlein einmal wieder blühn
Wenn die Vöglein ihre Lieder neu zu singen wieder sich bemühn.
Oh dann zieht’s mich heiss zur Alp hin;
Möchte die Blümlein sehn, möchte die Vöglein hörn.
Holdije

System Message: WARNING/2 (<string>, line 18)

Line block ends without a blank line.

System Message: INFO/1 (<string>, line 18)

Possible incomplete section title. Treating the overline as ordinary text because it's so short.

. | Wenn die Blümlein einmal wieder blühn. | Oh wie schön ist’s auf der Fafleralp, wenn die Sonne einmal wieder lacht. | Wenn die Bächlein wieder rauschen, aus dem Gletscherbette aufgewacht | Oh dann zieht’s mich heiss zur Alp hin; | Möchte die Sonne sehn, möchte die Bächlein hörn | Holdije | Wenn die Sonne einmal wieder lacht. | Oh wie schön ist’s auf der Fafleralp, wenn die Alpenfirnen wieder glühn. | Wenn die Sennrin mit den Kühen von der Weid zur Alpenhütte ziehn | Oh dann zieht’s mich heiss zur Alp hin; | Möchte die Firnen sehn, möchte die Glocken hörn | Holdije

Wenn die Firnen einmal wieder glühn.

Ds Hennuliedji
X

Ds Hennuliedji

2004 - Nennt mir das Land...Vol.2

Is sunnigs Hennugädi!
Als Stägji’s stotzunds Lädi;
Is lengschochts Hennuglotzji;
Der Zädel uf mim Totzji.
Und ds Näscht isch linggs im Schrootji,
mengs Goossji hinnerm Portji, Im Chromu’sFäderwolchji
da gaxut ds Hennuvolchji
REFR:
Vil Chirlini bäcku, alls zämu verdräcku
Die Glugga am Brietu, di Pullini bhietu!
Ach, was fer is Gfläder, ach,was fer is Gschnäder
Und na dum Gikräbel gehen d’Henne früeh z’Zädel.
Macht ds Meeni pipipipi, der Hahnu kireriki
Und d’Henna Gaggeragga; ischt ds Hennuliedji da.
Macht ds Meeni pipipipi, der Hahnu kireriki
Und d’Henna Gaggeragga; ischt ds Hennuliedji da.
I Hahnu mit zäh Hennu
Tiänt da dr umcharennu.
Süecht eini s’Rägutropfji,
schliift d’andra us dum Schlopfji.
Der Hahnu, üfgiputzte,
treit schiine Chamm flott gschtutze.
Är frisst der Mäürweiz rowwa
Und will en hibschi Frouww ha!
REFR:
Chunnt ds Meeni mit dum Gschirrli,
sind alli unnerm Tirli.
Im Chorb mim rundu Bogji
Reichts d’Eier fillt ne ds Trogji.
Tüet eini mu erhahnu
Isch moru in der Pfannu!
Ja ds Los va so’nra Hennu,
das müess mu währli bchennu

Abschied va dr Alpa
X

Abschied va dr Alpa

2004 - Nennt mir das Land...Vol.2

Äs tüet scho chaltu
D’Chie tient ergaaltu
Uf alle Weidu nimmt ds Chrütji ab.
Mu gseehts dum Wald a
Äs ischt der Herbscht da
Bald müess ich triibu ins Tal imab.
REFR:
Oh liebe Summer, mach doch nit lang!
Äs ischt mer immer im Tal so bang.
Oh liebe Summer, mach doch nit lang!
Äs ischt mer immer im Tal so bang.
Äs gseeht so eed üs
Im schtillu Alphüüs
Äs lüegt der Nabel zum Pfeischter i.
Är het äs wiis Chleid
Dum Hittji agleit
Grad wie’s bim Schtärbu suscht öi wird sii.
REFR:
Äs tüet mer ds Härz weh
Wenn ich die Trüür gseh
Ich mag im Hittji fascht nimme sii.
Drum ziehni fort hitt
Va miiner Alphitt
Sobald als liechtut än Sunnuschii.

fAbisZät

2006 - fAbisZät

Zämu sii
X

Zämu sii

2006 - fAbisZät

Aaaaa....
Mit dier zämu sii - Mit dier zämu sii - mit dier zämu sii - mit dier zämu sii
(instr.)
Zämu träffu, zämu redu, zämu rutschu, zämu cho
zämu wohnu, zämu chochu, zämu schlafu sowieso
zämu lachu, zämu flännu, zämu strittu das gits öi
zämu bliibu, zämu gniessu ja das chasch mit discher Fröi
Zämu redu, zämu losu, zämu schwiigu, zämu stah
zämu chrampfu, zämu schaffu und de schich wieder la gah
zämu glettu, zämu wäschu, zämu putzu wenns müess sii
zämu läbu, zämu stärbu, zämu bliibu, zämu sii.
Zämu läbu, zämu zfridu sii - Zämu bliibu, zämu glickli sii
Zämu lachu, zämu trüürig sii - Zämu chnudlu, zämu zärtlich sii.
Zämu Rägu, zämu Sunna, zämu Ferie, zämu Strand
zämu läsu, Zit vergässu beidi zämu Sunnubrand
zämu luschtig, zämu Fieber, zämu gsundsi oder chrank
zämu wäägu, zämu abnäh, zämu rundsi oder schlank
MIt dier zämu sii - mit dier zämu sii
Zämu glicklich, zämu zfridu sii mit dem wa wier alls hei
zämu üsgah, zämu triichu, zämu ässu nur wier zwei
zämu heimgah, zämu schlafu, zämu striichlu zärtlich sii
zämu läbu, zämu liebu, zämu schwäbu, zämu sii
zämu wandru ga spazieru, zämu Hand in Hand ga löifu
zämu sparu, zämu gittu, zämu unnetigs ga chöifu
zämu Winter, zämu Üstag, zämu Summer, zämu Herbscht
zämu afa, zämu witermachu und zämu der Letscht.
Zämu schmüüsu, ganz nooch zämu sii - Zämu redu, zämu stilli sii.
Zämu läbu, zämu zfridu sii - Zämu bliibu, zämu glickli sii
zämu Wallis, zämu Bäru, zämu Zürich, zämu Schwiz
zämu alles, zämu wenig, zämu meh und zämu nix
zämu zfridu, zämu trüürig, zämu strittu wenns müess sii
zämu läbu, zämu stärbu, zamu bliibu, zämu sii
Zämu Freid hä, zämu’s luschtig hä, fer immer zämu gah
Zämu redu, zämu losu, zämu schwiigu, zämu stah
Zämu lachu, zämu glicklich, und öi zämu zfridu sii
Zämu liidu, zämu fühlu, zämu zellu, zämu sii
Zämu träffu, zämu redu, zämu rutschu, zämu cho
zämu wohnu, zämu chochu, zämu schlafu sowieso
zämu lachu, zämu flännu, zämu strittu das gits öi
zämu bliibu, zämu gniessu ja das chasch mit discher Fröi

Bernina
X

Bernina

2006 - fAbisZät

Äs git niene uf Gottes Ärdu
es sottigs Land wie iischi Schwiz
4000 meter hochi Bärgu
48 im ganzu gits
47 va dene Tschugge
die chascht bi iisch hie im Wallis gseeh
Numma eine macht mich verruckte
der tüet mier in miinum Härzu weh!
Säg Herrgott chumm säg mer
was hesch derbii gideicht
wa dü öi de Bündner
en Viertüüsiger hesch gscheicht....
Bernina - dü steischt am falschu Ort
Bernina - vam Bündnerland da welltisch fort
Bernina - ganz alleinzig steisch dü da
im Wallis wärisch dü vill besser dra!
4000 Meter isch d'Mindeschtheechi
und suschter is kei rächte grosse Bärg
Äs git vill hie in iischer Neechi
numma eine ischt vill dswit awäg.
Dr Herrgott het diz Land erschaffu
als Schöpfigs-Chrona steit ds Wallis da
Warum tüet är dr Bernina strafu
dass är alleinzig da müess stah...
Säg Herrgott chumm säg mer
was hesch derbii gideicht
wa dü öi de Bündner
en Viertüüsiger hesch gscheicht....
Bernina - dü steischt am falschu Ort
Bernina - vam Bündnerland da welltisch fort
Bernina - ganz alleinzig steisch dü da
im Wallis wärisch dü vill besser dra!
Ich will nit reklamieru
aber trotzdem is en Schand
dr Bernina ga plazieru
zmitsch im Bündnerland.....
Bernina - dü steischt am falschu Ort
Bernina - vam Bündnerland da welltisch fort
Bernina - ganz alleinzig steisch dü da
im Wallis wärisch dü vill besser dra!

Vater chunnt va Bäru
X

Vater chunnt va Bäru

2006 - fAbisZät

D'Hebamma het gseit, chumm jetz is sowit.
Doch ich hä kei Freid, Ich hä no derzit
Va mier üs chas no lang gah, hie ir Fruchtblasa dri
da chunnt en chalti Zanga und schreckut mich ambri.
Ich häs düe scho gwisst: Ich pressieru doch nit gääru
Miine Vater chunnt va Bääru!
Bir Müeter ar Bruscht, hän ich sägsch Jahr verbrungu
Da heintsch mi trotz dum Durscht, ans Nuggi gizwungu.
Das ischt mier ds rassig gangu. ich hä reklamiert
äs het mier nix verfangu, Da häni probiert
dr Müeter miis Problem haargenau ds erklääru:
Miine Vater chunnt va Bääru
REFR:
Bim hetzu und pressieru, da häni es Problem
Ier miesst das kapieru, das sind miini Bärner Gen.
Ich häs gääru gmietlich, so wie alli Bärner sind
Und züedem bini schliesslich, va miinum Vater ds Chind.
Ich häs düe als Chind, Mit Schnägge fah probiert
doch will die ds Schnälli sind, häni kapituliert.
Wan ich in d'Schüel bi gangu, und ir Klass bi gsii
Het d'Schüelstund nit agfangu, nei schii ischt fertig gsii
Fascht 50 Meter Schüelwäg ich pressieru doch nit gääru
Miine Vater chunnt va Bääru.
In der Stadt mim Autofahru, und wenn d’Ampla roti ischt
de stopp ich miine Charu, scho chunnt en Polizischt.
Der chunnt zimmli lüte, Hesch bim Autofahru Mieh?
Sit jetz bald zwei Minüte siege d’Ampla wieder grie!
Ich stiigu üs und will dum Tschugger miis Problem erklääru:
Dr Vater chunnt va Bääru
REFR:
Bim hetzu....
Äs chunnt in de Wäxiljahr, Der eerschti Milchzahnt scho
Und ich hä mit de Jahr, en hibschi Fröi vercho.
So vergeit die Zit, bir silbrigu Hochzit
seit schi S'wird langsam Zit, Es Mämmi machscht mer nit?
Was jetzu scho? Dü weisch ich pressieru doch nit gääru
Dr Vater chunnt va Bääru!

Das gschpirrt mu nur im Wallis
X

Das gschpirrt mu nur im Wallis

2006 - fAbisZät

Öi wennt no villi främdi Länder kennulehru willscht
ganz wit äwäg in der grossu Wält.
So chasch doch nie vergässu da wa dü deheimu bischt.
will uberall dier ds Wallis fählt.
Die Zit fascht a zellu
bis d’Heimat ändli wieder darfsch gseh
D'lengi Zit tüet dich quellu
Äs tüet dier richtig weh....
Das gschpirrt mu nur im Wallis
so ischt halt ds Volch vam Wallis
Sind iischi Grinda hert und öi stur
so ischt halt iischi Natur.
Das gschpirrt mu nur im Wallis
Ja so isch ds Volch vam Wallis
Öi wenn dü weischt hie gits vill Missgunscht und Nit
ganz ehrlich: Wa gits das nit?
Ir Üsserschwiz scho scho friener diine Grossvater ischt
in d'Ferie hie ins Wallis cho.
Und wills fer dich als Grüezi d'schönschti Feriuland ischt
bischt jetz mit diine Änkulchinder cho.
Öi die tient scho plangu
Und frägunt wenn isch ds Jahr ändli um?
Öi de Chleinu tüets gfallu
Dü weischt genau warum...
Das gschpirrt mu nur im Wallis
so ischt d'Natur vam Wallis
Die Tier im Wald und die Hopschla im See
hesch dü scho friener gääru gseh...
Das gschpirrt mu nur im Wallis
so ischt d'Natur vam Wallis
Öi im Winter da chascht Gämschini gseh
Im Winter gniessuscht drPulverschnee.
Doch no vill schöner als Ferie hie ischt
Wenn dü hie deheimu bischt....
Das gschpirrt mu nur im Wallis
so ischt halt ds Volch vam Wallis
Sind iischi Grinda hienta hert und öi stur
so ischt halt iischi Natur.
Das gschpirrt mu nur im Wallis
so ischt halt ds Volch vam Wallis
Öi wenn dü weischt hie gits vill Missgunscht und Nit
ganz ehrlich: Wa gits das nit?

Nur kei Stress
X

Nur kei Stress

2006 - fAbisZät

Immer schnäller, immer schnäller, suschter landusch dü im Chäller
Immer schnäller, immer schnäller, suscht geischt nit mit dr Zit!
Immer zahlu, immer zahlu, nei so chasch dü nix meh sparu
Im mer zahlu, immer zahlu, nei sparu chasch so nit!
Dum Staat chascht nix meh glöibu, ja är tüet schich drum erlöibu
Ändi Jahr dich dich so üsz’röibu, dass nah de Stiire nix meh blibt
Fer das Gäld hescht schaffu miessu, Und jetz müesch dü darfer biessu
Nei so chasch keis Läbu gniessu, so geits hittu villne Lit!
Immer witer, immer witer, suschter geits dier pletzli schitter
Immer witer, immer witer, nei das schüenusch nit!
Nur kei Stress – wer weiss wie lang dü no hesch z’läbu
Nur kei Stress – öi gmietlich chasch no vill erläbu.
Nur kei Stress – und reg di ja nit üf
Und wenn dü doch uf d’Schnura kisch – de stah halt wieder üf!
Immer schnäller, immer schnäller, suschter landusch dü im Chäller
Immer schnäller, immer schnäller, suscht geischt nit mit dr Zit!
Immer secklu, immer secklu, am secklu tüësch du fascht verrecku
Immer secklu, immer secklu, nei das ischt nit gsund!
Immer folgu, immer folgu, diinum Chef müescht alles glöibu
Immer folgu, immer folgu, wie en triwwe Hund.
Dr Chef tüet dich binützu ds Reklamieru wird nix nitzu
Nei dü müesch dich laa üsnitzu, suschter steisch de uf dr Strass
Nei da nitzt keis flüechu, chascht en annri Arbeitr süechu
Andri chennunsch da öi brüüchu, doch dü hescht immer en Chance!
Immer lachu, immer lachu, wenn der Chef en Witz tüet machu
Immer lachu, immer lachu, lachu isch soo gsund!
Nur kei Stress – wer weiss wie lang dü no hesch z’läbu
Nur kei Stress – öi gmietlich chasch no vill erläbu.
Nur kei Stress – und reg di ja nit üf
Und wenn dü doch uf d’Schnura kisch – de stah halt wieder üf!
Immer secklu, immer secklu, am secklu tüësch du fascht verrecku
Immer secklu, immer secklu, nei das ischt nit gsund!
Immer stressu, immer stressu Öi im Stress darfsch nix vergässu
Immer stressu, immer stressu Suscht bisch niene meh.
Immer lüegu, immer lüegu, vorwärts und nit rückwärts lüegu
Immer lüegu, immer lüegu, suscht hzesch kei Durchblick meh.
Immer witer, immer witer, suschter geits dier pletzli schitter
Immer witer, immer witer, lugglah darfsch nie meh!
Immer schnäller, immer schnäller, suschter landusch dü im Chäller
Immer schnäller, immer schnäller, suscht bischt niene meh

Wiis und Rot
X

Wiis und Rot

2006 - fAbisZät

Wiis und Rot – dascht miini Farb
Bi Wiis und rot gschpirr ich das ds Härz vill schnäller schlaat
Wiis und rot – dascht miine Fall
Wiis und rot gsehscht uberall
Am Liebschtu gsehni Wiis und rot bim Cupfinal!
Das ischt iischi Mannschaft, an dera hei wier Freid!
Öi wenn’s in der Meischterschaft
Nit immer so güet löift!
D’Heimschpill die verpasswer nit, wier sii immer derbii
Und die Zit var Challenge League
Die ischt jetz verbii.
Ds Tourbillon ischt üsverchöift
Und die Stimmig stigt
Wills uf dum Rasu super löift
Und dr FC Sion siegt!
Wiis und rot.....
Wiis und rot isch ds Wallis
Und drizäh Stärna gits
Wiis und rot sind d’Farbe
Va iischum Schwizerchriz!
Wiis und bleich sind ds Gsichter
Und wier wärde lüt
Wenn iisch der Schiedsrichter
En roti Charta git
Im Wallis stäh wier zämu
Will wier en Einheit sii!
Und wier triiche zämu
Wiise und Rote Wii!
Wiis und Rot – dascht miini Farb
Bi Wiis und rot gschpirr ich das ds Härz vill schnäller schlaat
Wiis und rot – dascht miine Fall
Wiis und rot gsehscht uberall
Am Liebschtu gsehni Wiis und rot bim Cupfinal!
Doch d’Schönschti wiis und rot das gsehsch bim Cupfinal!

So en Schiffahrt
X

So en Schiffahrt

2006 - fAbisZät

Sit Wuche gfreww ich mich ganz ehrlich
uf d'Schiffahrt und jetzu geits los!
Die Flussfahrt wird sicher ganz herrlich
der Käptn brielut: Leinen los!
Dr Ledl der Leitz und dr Erich
die findunt die Bar ganz famos
Ds Gipäck isch ne wurscht
uf es Bierli heintsch Gluscht
Schii heint Durscht!
So en Schiffahrt da bini sofort derbii
Uf dum Rottu, der Donau oder dum Rhii
So en Schiffahrt geit immer vill ds schnäll verbii.
So en Schiffahrt die gfallt allne güet
Ob jung ob alt ob gsund ob chrank
s'tüet allne güet Ja - ja
Ds Schiff fahrt nit schnäll nei ganz gmietlich
Seechrank chunnsch da nit derbii
Uf dum Sunnudeck gniessusch die Üssicht
Die Gägund fliesst an dier verbii.
Z’Früestuck, z’Mittag und öi ds’Höiptgricht
ds Ässu cha nit besser sii...
Mu spiisut in Rüeh
Mim Triichu schlaasch züe
So nimmsch züe!
So en Schiffahrt....
Statt gmietlich an Land ga spazieru
da bliibunt vill lieber die Gäscht
denn es Apero tüet mu servieru
scho gits wieder es chleiners Fäscht
Dr Rüedi faht a diskutieru
mim Käptn uber schiis Näscht.
Är schlafe fascht nit
obs bim Bett ächtig nit
en Wasseradra git?
So en Schiffahrt geit immer vill ds schnäll verbii.
Uf dum Rottu, der Donau oder dum Rhii
So en Schiffahrt die gfallt allne güet
Ob jung ob alt ob gsund ob chrank
s'tüet allne güet Soo güet!

Zit
X

Zit

2006 - fAbisZät

Ich will meh Zit - doch das geit nit
denn was verbii ischt - das ischt verbii
D’verlorni Zit - nei die holscht nimme zrugg
Es Jahr geit vill z’schnäll verbii
Gat diräkt nam Silväschter da faht d’Fasnachtszit a
im Üstag schmilzt der Schnee ganz schnäll fort
In der Hitz z’mitscht im Summer müescht in d’Ferie gah
und scho steit ds Chrisch-Chindli vor dr Port
Die Zit die stoppusch nit
d’meischtu Lit heint vill z’wenig Zit
Ich will meh Zit - doch das geit nit
denn was verbii ischt - das ischt verbii
D’verlorni Zit - nei die holscht nimme zrugg
Jede Monat geit so schnäll verbii
Bi Vollmond süeschusch d’ganzi Nacht dr Schlaf
Am eerschtu hesch dr Lohn scho abgibüecht
Zahlsch de d’Rächnige nit, vechunnscht sofort en Straf
Öi wennt nit willt chunnt die Tanta Rosa z’Bsüech.
Zit isch Gäld sägunt sumi Lit
aber chöifu chascht schi nit.
Ich will meh Zit - doch das geit nit
denn was verbii ischt - das ischt verbii
D’verlorni Zit - nei die holscht nimme zrugg
Jede Tag geit vill z’schnäll verbii
Pressierusch zum Schaffu gat diräkt nam üfstah
Im Stau uf dr Strass regscht di üf
Und chasch du am Maabu de ändlich heimgah
Sind d’Chinder scho lang nimme üf
Dü willscht meh Zit hä fer diini Chind
Und merkscht dass Zit dier durch d’Finger rinnt.
Ich will meh Zit - doch das geit nit
denn was verbii ischt - das ischt verbii
D’verlorni Zit - nei die holscht nimme zrugg
D’Minüte gähnt so schnäll verbii
Chunnscht en Minüta z’spaat uf du Zug
de steischt dü en ganzi Stund da
So en Stund verliersch öi wägu dr Summerzit
Im Bett en Minüte z’früeh bisch z’spaat
Ich will meh Zit - doch das geit nit
denn was verbii ischt - das ischt verbii
D’verlorni Zit - nei die holscht nimme zrugg
Die Zit geit vill z’schnäll verbii

Lachu
X

Lachu

2006 - fAbisZät

Ich wellti wieder mal lachu
So wie friener no als Jingi so hell und eifach so wies chunnt
Eifach wieder mal lachu
Wägu nix und wägu niemerum, lüt und ehrlich ohni Grund.
Ich wellti wieder mal lachu
So unbischwärt wie friener doch nei s’funktionierut nit
Tüeni trotzdem mal lachu
de teent’s e so schrill e so künschtlich und öi eppis z’lüt
Ich hä miis Lachu verloru
irgendwe, irgendwa uf miinum Läbunswäg
Ich hä miis Lachu verloru
irgendwie, irgendwe häni gmerkt äs isch wäg
Ich hä miis Lachu verloru
Und ich süechus bis ich’s findu - nei ich la nit lugg
Was solli machu
ich will miis Lachu zrugg
Ich wellti wieder mal Freid hä
So wie friener no als Chind an de allerchlinschtu Sache
Eifach wieder mal Freid hä
Amne Spillzig, amne Tierli, am Blüemji, amne Lache
Ich wellti wieder mal Freid hä
und stüünu uber alls wa hittu sälbverständlich schiint
Und wenn ich wieder cha stüünu
de chani öi Freid hä und lachu wie es grossus Chind
Ich hä miis Lachu verloru
irgendwe, irgendwa uf miinum Läbunswäg
Ich hä miis Lachu verloru
irgendwie, irgendwe häni gmerkt äs isch wäg
Ich hä miis Lachu verloru
Ich süechus bis ich’s findu - nei ich la nit lugg
Was soll ich machu
ich will miis Lachu zrugg

Laftinomeh
X

Laftinomeh

2006 - fAbisZät

Am Mäntag häni Üsgang kä- äs het mi zimmli gleit
ich fahru mit dum Auto heim, will löifu nimme geit.
da steit en Charru uf dem Platz wa suschter miine steit.
Ich wecku miini Fröi und frägu ob schii das versteit.
Miine Parkplatz der ischt volle da het schii zumer gseit:
laftinomeh, dü gsehsch ja nix meh, dü müesch fasch blinde sii
das isch doch nur die Pussett vam Mämmi vis-a-vis
Nei ich süechu gar kei Krach und strittu will ich nit
aber en Pussett mit mu Schiebedach, nei das bigriifi nit.
Am Ziischtag wani heim bi cho , hän ich en Chischta käh!
So en Mantul hangut amne Stüel wieni keine hä!
Är isch mier öi nit gangu ich hänu aprobiert
ich wecku miini Fröi und frägu ob schi das kapiert,
en främde Mantul uf dum Stüel da het schii reklamiert:
Laftinomeh, dü gsehsch ja nix meh, dü müesch fasch blinde sii
das sind doch nur die Windle, vam Mämmi vis-a-vis
Ich müess gottlos glaffne sii und strittu will ich nit
aber Windle mit vill Täsche dri, nei das bigriifi nit.
Vam Mittwucham Aabu weissi nix äs chunnt mer nix meh zii.
Ich weiss numma dassi mit der Fröi im Strit bi gsii
Ich hä nämmli ira gseit dass ich kei Röiker sii
und doch ligt en Riesustumpu uf miinum Nachttischji
das siige mier es Rätsul - als Antwort da seit schii:
Laftinomeh, dü gsehsch ja nix meh, jetz müesch erblindut sii
das isch doch nur es Nuggi, vam Mämmi vis-a-vis
Gliich was dandru deichunt doch strittu will ich nit
aber Nuggini wa Röichunt, nei das bigriifi nit.
Am Donschtag und am Fritag bini zimmli spat ins Näscht
Am Samstag häni sowieso es luschtigs Riesufäscht.
Wani heim zer Fröi bi cho git mier das der Räscht
Da ligt en främde Maa mit miiner Fröi im Näscht
und miin Fröi die seit mier no: weck nit iischi Gäscht!
Laftinomeh, dü gsehsch ja nix meh, jetz müesch dü blinde sii
das isch doch nur das Mämmi, var Wohnig vis-a-vis
Strittu ischt nit miini Art , aber dizmal glöibis nit
es Mämmi mit me Vollbart, nei das bigriifi nit.

Im Läbu geit äbu vill dernäbu
X

Im Läbu geit äbu vill dernäbu

2006 - fAbisZät

Dü bischt verliebt - hescht ira nix verratu
aber mooru seischras gschwind
Da seit schii dier: Dü wier tie heiratu
Ich und miine niwwe Frind.
In diinum Fruscht leerscht die Thea kennu
und willsch so lieb und sympathisch ischt
Nimmsch schii mit heim - da müescht erkennu
Dass die Thea en Theo ischt....
Äs geit im Läbu Läbu Läbu
vill dernäbu näbu näbu
mu merktsus meischtens zspaat.
Ds Glick chascht nit häbu häbu häbu
müescht erläbu läbu läbu
dass dich dsGlick wieder verlaat.
Äs chunnt im Läbu äbu
annersch als mu deicht
mu verchunnt im Läbu äbu
sältu eppis gscheicht...
Dü chasch dum Chef güet ins Fitla schliifu
Dü chascht güet schliimu bi sume Lit
Doch diine Chef het dich nit bigriffu
Het di trotzdem us der Firma kit.
Dü hescht lang gsüecht
endlich hescht en Wonig
dü willschschi chöifu - tiir ischt nit
Mu het ndier gseit die wohnig sig in Ornig
und jetz isch ds Hiischi zämukitt....
REFRAIN
Sisch wie im Märli - dü bisch zum Brunnu gangu
und gseescht en Frosch wa druf tüet plangu
dass mu nu küsst, will dr Prinz ischt gfangu
doch d’Schmüüseerii het nix verfangu....
REFRAIN

Eyholzer Wii
X

Eyholzer Wii

2006 - fAbisZät

Ganz alleinzig da spazieri durch d’Allee
es wunderhibschus Wäsu häni gseh
Schii chunnt mier entgäägu
nei no nie in mim Lääbu
häni es wäächers Fröijuzimmer gseh
Ja ich cha nit annersch sägu ira: Hey!
So wie d’üsgseesch brüüchscht keis Gold kei Edulstei
Ich keen eppis vill wächers
Want nit kennsch öi wennt Gäld hescht
Ich hoffu nur dü sägesch nit gat Nei...
Chumm wier triiche mitenand es Glasji Wii
Doch mit dier das müess en ganz spezielle sii...
Eyholzer Wii
Eyholzer Wii
Wie gseit äs müess en ganz spezielle sii...
Naa dum eerschtu Schluck seit schi: Das glöibi nit!!
En sottige Wii kenne schii no nit
Schi gschpirre die Siiri
im Magu es Fiirli
Nam drittu Glasji singt schii mit mier mit:
Chumm wier triiche mitenand en Fläscha Wii
Doch mit dier das müess en ganz spezielle sii...
Eyholzer Wii
Eyholzer Wii
Wie gseit äs müess en ganz spezielle sii...
Mit dem Wii uf der Zungu
het schii mich umschlungu
So erwachunt vill Gfüühli
wägs der Siiri
vam Wii....
Chumm wier triiche mitenand es Cachon Wii
Ja das müess en ganz spezielle sii...
Eyholzer Wii
Eyholzer Wii
Wie gseit äs müess en ganz spezielle sii...
Chumm wier triiche mitenand en Harass Wii
Ja das müess en ganz spezielle sii...
Eyholzer Wii
Eyholzer Wii
Wie gseit äs müess en ganz spezielle sii...

Iischi Melodie
X

Iischi Melodie

2006 - fAbisZät

Ich keeru im Radio iischi Melodie
Mier chämunt soo vill Sache d sii
Ja das keert eifach zämu: Iischi Melodie - und dü
Keis anners Lied cha so zärtlich sii
seit mier dass ich mit dier darf sii
Fer mich gits niene eppis wächers als iischi Melodie - und dü
Öi wenn mal nit bi mier bisch bisch ganz nooch bi iischer Melodie
Wenn ich schi keeru wellti in diine Armu sii
Öi die längi Zit naa dier erwacht bi iischer Melodie
Ich wellti immer numma mit dier zämu siii

Sybille
X

Sybille

2006 - fAbisZät

Ds Brig im Gätsch chunntsch uf mich züe
und seit mer hey wie geits de dier
ich säg zu ira chumm wier triiche schnäll es Bier
doch us dem eintu wärdunt de gat sofort vier
und de bschtelle wier en Wii
doch us dr Fläscha wärdunt drii
Nei ich bring nix meh ambri!
Bitte triich nimme so vill
ich cha machu was ich will
wenn dü süüfusch und no gar nix gschpirrsch
ligg ich scho lang unner dum Tisch.
Ja dü laffusch wie es Loch
und seischt en Fläscha magi noch
Jetzu wirds mier zvill!
Hey hey Sybille - süüf nit so vill
Hey hey Sybille - sii ändlich still
Dü tribscht mit mier diis Spill
ich cha machu was ich will
ich verträgu nie so vill
So vill wie dü Sybille!
Uf ds Mal da bini kit
Doch d'Sybille steert das nit
Schii seit Wier gäh hie no nit üs
Zeersch triich wer d'neegschti Fläscha üs
Ja dü laffusch wie es Loch
und seischt zwei Fläsche mägwer noch
Jetzu wirds mier zvill!
Hey hey Sybille - süüf nit so vill
Hey hey Sybille - sii ändlich still
Dü tribscht mit mier diis Spill
ich cha machu was ich will
ich verträgu nie so vill
So vill wie dü Sybille!
Instr.
Sisch um de Zwelfe gsii
da schlafi uf dum Barstüel i.
Doch d'Sybille die isch no total fit
und seit wach üf und triich mit mier no mit
Doch ich hä Schwindul Maguweh
Ich mag keis Schluckji meh
Jetzu wirds mier zvill!
Bitte triich nimme so vill
ich cha machu was ich will
wenn dü süüfusch und no gar nix gschpirrsch
ligg ich scho lang unner dum Tisch.
Ja dü laffusch wie es Loch
und seischt en Fläscha magi noch
Jetzu wirds mier zvill!
Hey hey Sybille - süüf nit so vill
Hey hey Sybille - sii ändlich still
Dü tribscht mit mier diis Spill
ich cha machu was ich will
ich verträgu nie so vill
So vill wie dü Sybille!
Hey hey Sybille - süüf nit so vill
Hey hey Sybille - sii ändlich still
Dü tribscht mit mier diis Spill
ich cha machu was ich will
ich verträgu nie so vill
So vill wie dü Sybille!
Hey hey Sybille - süüf nit so vill
Hey hey Sybille - sii ändlich still
Dü tribscht mit mier diis Spill
ich cha machu was ich will
ich verträgu nie so vill
So vill wie dü Sybille!
Hey hey Sybille - süüf nit so vill
Hey hey Sybille - sii ändlich still
Dü tribscht mit mier diis Spill
ich cha machu was ich will
ich verträgu nie so vill
So vill wie dü Sybille!

Lüüsbüeb
X

Lüüsbüeb

2006 - fAbisZät

Ich hä alls üsprobiert
und fascht alls konsumiert
wa friener verbottu isch gsii
Ich hä z’Töffji frisiert
und öi Meitjie verfiert
bis am Morgu im Üsgang gsii
Wie schön
isch die Zit friener gsii
Wanich no en Lüüsbüeb bi gsii
Wie schön
chas öi hittu no sii
solangi en Lüüsbüeb darf sii
Gah d’Schwigri ga bsüechu
und bringra en Chüechu
wa scho lang nimme güete cha sii
Der Chef faht a flüechu
bi Ferie ga büechu
und frägu eerscht jetzu fer frii...
Wie schön
isch die Zit friener gsii
Wanich no en Lüüsbüeb bi gsii
Wie schön
chas öi hittu no sii
solangi en Lüüsbüeb darf sii
Wie schön dasi friener en Lüüsbüeb bi gsii
Wie schön dasi immer no en Lüüsbüeb cha sii

Soderso

2010 - Soderso

Soderso
X

Soderso

2010 - Soderso

Füüli Witza, blöödi Sprich und no meh Bierli
und an der Bar de seit en Glaffne no zu dierli
Är heige keert und frägt schich jetzu stimmt ächt das?
Diini Fröi die gäbe im Bett no zimmli Gas
De weisch genau in der Situatio
da müess en supercooli Antwort cho:
Der eint seit so, der annru so
Uf d'Wahrheit müess dü sälber cho
was ischt falsch und was isch rächt
mu machtsus niemals allne rächt...
D’Wahrheit macht nie alli froh
im Läbu geits halt soderso.....
Sgit Politiker die tient doch gar nit druss cho
Wennsch eppis sägunt chasch drufgah da tüet nur Stuss cho
Und de gits d'annru die verbessrunt iischi Wält
Und kassierunt handcherum fer das vill Gäld
Und gits im Parlamänt en Diskusion
Weiss ich scho jetz wie das tüet üssacho:
Der eint seit so, der annru so
Uf d'Wahrheit müess mu sälber cho
was ischt falsch und was isch rächt
mu machtsus niemals allne rächt...
D’Wahrheit macht nie alli froh
im Läbu geits halt soderso.....
Und hän ich emal hie fertig gläbt uf Ärdu
Ja de müess ich so wie alli andru stärbu
Und will ich im Himmel wellti glicklich sii
Gahni lieber nit ganz tief in d'Hell ambrii
Drum fräg ich jede Pfarrer jetzu scho
Wie chascht am schnällschtu in du Himmul cho?
Der eint seit so, der annru so
Uf d'Wahrheit müess dü sälber cho
was ischt falsch und was isch rächt
mu machtsus niemals allne rächt...
D’Wahrheit macht nie alli froh
im Läbu geits halt soderso.....

Hie tüets mer weh
X

Hie tüets mer weh

2010 - soderso

Vor eiguntli gar nit so langer Zit
Da häni no megu - ins Näscht bini nit.
Hä niene Gränze gseh und sältu mied
Und hittu da singi am liebschtu diz Lied:
Hie tüets mer weh - und da tüets mer weh
alles was schön isch das magi nimme
Hie tüets mer weh und da tüets mer weh
alles was güet tüet - geit eifach nimme...
das chamu nimme...
Nur Müsig und Säich und Ginte im Grind
Am Liebschtu nur da gsii wa d’Meitjini sind!
va einum Fäscht zum anduru gfahru
statt Meitje häni hittu en Bettfläscha im Aaru.
Keis Bierli, kei Wiiswii und öi keis Raclette
keis Gnagi kei Servola - alles vill z’fett
Müess üfpassu wägs miinum Choleschterin
Jede Tag en Schachtla voll Aspirin
Hie tüets mer weh - und da tüets mer weh
Und meini öi hienta jetz magi nimme
De weiss ich - tüet mier de gar nix meh weh
de ischt alls verbii - de bini nimme!
Und darum gniessi das no:
Hie tüets mer weh

Miine Parggetbodu
X

Miine Parggetbodu

2010 - Soderso

Wier spaziere, Schritt fer Schritt
En Rägu chunnt und nimmt iisch mit
D’Wulche brächunt üf und Wasser kit uf iisch ambri.
Öi ds Wätter hetti gääru - so wie ich
der Rägu striichlut diis hibsch Gsicht
ich gseh uf diine Wange vill chliini Tropfjini
Dü tüesch so härzig lachu
und sii wier deheimu acho
de steisch ganz nooch bi mier
Ich will dier endlich sägu
was ich in miinum Läbu
no nie hä gseit, drum säg ich dier:
Dü tropfscht! Das Wasser isch jetz uf du niwwu Parkettbodu kit!
Dü tropscht! An d’grüüsig leidu Wasserfläcke deichsch dü eifach nit!
Dü tropfscht! Hä geschter stundulang der Pargettbodu frisch poliert
Und dü tropfscht! Wie lang geits no bis das diis Hirni endlich öi kapiert??
Dü tropfscht!!!
Ja dü tropfscht!!
Was tüesch jetz so bileidigt
nur wägs der nassu Chleidig
Ich häs doch nit beesch gmeint!
Ich tüe mich nummu sorgu
um miine Parkettbodu
will der fasch nix vertreit!
Jetz bisch dü wieder trochu
nei ich hä doch nix verbrochu
lüeg mi nit so trüürig a..
Jetz fasch no afa flännu
merksch nit dü blöödi Hänna
Jetz faht das wieder a!!
Dü tropfscht! Die Träne sind jetz uf du niwwu Parkettbodu kit!
Dü tropscht! An d’grüüsig leidu Wasserfläcke deichsch dü eifach nit!
Dü tropfscht! Hä geschter stundulang der Pargettbodu frisch poliert
Und dü tropfscht! Wie lang geits no bis das diis Hirni endlich öi kapiert??
Dü tropfscht!!!
Ja dü tropfscht!!

Brig
X

Brig

2010 - Soderso

Aes git Lit die fahrunt wägs der Countrymüsig bis uf Tennesse
und äs git Lit die wellunt wägs dum Eiffelturm en Pariser sii.
und de gits Lit die fahrunt nur wägs Strand und Meer bis uf Rimini!
Doch fer mich is sunnuklar wan ich am liebschtu bi:
Ich bi so gääru in Brig
denn da in Brig
da gseehscht vis-a-vis ds allerschönschti Derfji was git.
Ich bi so gääru in Brig
denn da va Brig
da bisch am allerschnällschtu ds Natersch zrugg!
Äs git Lit die wellti ds allerobruscht uf dum Matterhooru sii
und äs git Lit die töichti gääru mal im Meer ganz tief ambri
und de gits Lit die wellti gääru wit awäg in främde Länder sii
Doch ich chennti nie wit awäg vam Wallis sii!
Drum gahni nummu bis Brig
so hesch kei Längi Zit
wenigschtens solang das d’Rottubrigga no git!
Eppis das het Brig
Ich bi so gääru in Brig
Drum gahni gääru uf Brig
dann da va Brig
da bisch am allerschnällschtu in Natersch zrugg!
Äs cha Üstag, Summer, Herbscht oder öi im tiefschtu Winter sii
Äs cha Mäntag, Ziischtag, Mittwuch, Frontag, Fritag, Samstag oder Sunntag sii
Äs cha am morgu früeh, am Maabu spaat oder uber Mittag sii.
Ich bi am liebschtu da wan ich deheimu bi!
Drum gahni gääru uf Brig
denn da va Brig
da bisch am allerschnällschtu ds Natersch zrugg!
Numma eppis hets in Brig
das het Natersch nit
das sind die allerwäägschtu Nachbarslit!

Fengschui
X

Fengschui

2010 - Soderso

Wa schii zu mier gizogu ischt da het schii gseit: Ich will Feng Shui
Das siig fer schii die allergreegschti Freid - Eso Feng Shui.
Und sittem da brennunt uber tüüsig Cherze im ganzu Hüüs
sogar miis Bier im Frigor richtut schii gägs Süüdu üs!
Schii will Feng-Shui
schii will Feng-Shui
schi will Feng-Shui-ui-ui-ui-uiiii
Schii will Feng Shui
Mu schmeckt en esoterisch, siesse Duft - nur wägs Feng -Shui
Alli Chleider brüüchunt Platz und Liecht und Luft - nur wägs Feng-Shui
Drum hän ich ira no en riesugrosse Schaft igibuwwt.
en grosse Schaft wa mier as güetunt Tagsch en blutte Maa entgäguchunnt...
dasch kei Feng-Shui.....
Aer sig en Guru und ich merku - ah darum - der will Feng Shui
Wie der Bruce Lee schlaan ich ihm in schiis Heiligtum - är verchunnt Feng Shui
und ich kiiju inu samt der Fröindin us der Wohnig üs
Ich brüüchu niemeh sälbschtgibrennti Vase hie im Hüüs!
Ich brüüch kei Feng Shui!
Ich hock alleinzig iner Wohnig und bi gsund - ohni Feng Shui
Und deichu wills schich riimt und ohni Grund - an du Ursprung Louis
Jetz littut ds Telefon und eini frägt wies mier soo geit
Chumm wier gäh doch zämu üs und hei anenander Freid.
Schii will kei Feng Shui
Sicher kei Fengschui
aber schii ischt huihuihuihui

Sicher nie
X

Sicher nie

2010 - Soderso

Ganz sicher nie!
Leig ich dich jemals a
Nei, sicher nie
Warum lüegsch mich so a?
Wier zwei wier passti doch so güet zunenand
chumm gib mier diini Hand.
Ganz sicher wärde wier zwei immer glicklich sii
öi wenn ich nit immer ehrlich bi!
Doch Sicher nie
isch da en andri Fröi
Ganz sicher nie!
ich blib dier immer tröi!
Ganz sicher nie
isch da en andri Fröi
Nei, sicher nie!
ich blib dier immer tröi
Wier zwei wier läbe scho so lang mitenand
chumm gib mier diini Hand
Ganz sicher wärde wier zwei immer zämu sii
öi wenn ich nit immer tröi cha sii
Doch sicher nie!
Dü hesch miis Ehruwort
Ganz sicher nie!
gahn ich va dier fort!
Ganz sicher nie!
Dü hesch miis Ehruwort.
Nei, sicher nie
gahn ich va dier fort
Wier stritte sicher nit e so dräckig gägunand
Wier zwei wiersii doch sicher nit so gägunand
Chumm gib mier diini Hand
Ganz sicher wärde wier zwei immer zfridu sii
öi wenn ich jetz nimme bi dier bii
Doch sicher nie
vergäss ich iischi Zit
Ganz sicher nie
öi dich ganz sicher nit
Ganz sicher nie!
vergäss ich iischi Zit
nei, sicher nie
öi dich villiichter nit...

Niinuninzig
X

Niinuninzig

2010 - Soderso

Ja iischers Omi isch es Schatzji
und Millionärin no derzüe.
Drum hei wier ira bsorgt es Platzji
im Altersheim zer letschtusch Rüeh.
Doch letschti da het iischi Oma
es Schlagji kä z’mitsch i dr Nacht.
Und drug liggut schii im Koma
Wier hei iisch an d’Arbeit gmacht!
Ds Bigräbnis mescht organisieru
doch da schlaat ds Omi d’!oige üf
und faht wieder afa spazieru
die ganz Verwandschaft regt schich üf.
Niinuninzig und no immer rüschtig
Niinuninzig Jahr hetsch ds Läbu gläbt
Niinuninzig, nei dasch nimme luschtig
We mu mit Niinuninzig so am Läbu chläbt
Niinuninzig und no immer rüschtig
Niinuninzig und unanständig riich
Niinuninzig nei dasch nimme luschtig
bi ira chunntsch ans Gäld wirklich eerscht als Liich.
Die ganz Verwandschasft die het gflüechut
wills nit so schnäll ans erpu geit.
Mu het die Wältreis z’früeh gibüechut
nur iischers Omi die het Freid.
Schi secklut wieder umenander
Schii brüücht kei Stäcke, gschpirrt kei Schmärz
Gloggugsund und güet biander
sind Läbra, Lunga, Milz und Härz.
Niinuninzig und no immer rüschtig
Niinuninzig und no lang nit chalt
Niinuninzig, nei dasch nimme luschtig
bis wier erpe sii wier alli grau und alt.
Liebi Omi dasch dernäbu
so alt und immer no nit schlapp
Säg, warum willt ewig läbu?
Chumm gib dr Leffl endlich äb...
Niinuninzig und no immer rüschtig
Mit Hunderteis, da laht schii richtig los.
Mit Hundertzäh, da chunnt schii nomal luschtig
und singt mit hundertzwenzg da geit de ds Läbu los!!

Trudi
X

Trudi

2010 - Soderso

Bi gäru in der Wirtschaft
Triichu macht mier Freid
Bi gäru iner Gsellschaft
Wenns derbii ganz luschtig geit
Tüe gäru diskutieru
Bimne Glasji Wii
Gah gäru ga spazieru
Doch nur bis zum Trudi.
Bim Trudi da gits Müsig
bim Trudi gits es Fäscht
geits dier am Naatag grüüsig
de bliib eifach im Näscht
und hesch dü no so Grindweh
dü chunnsch trotzdem zrugg
mu chunnt halt immer wieder
zum trudijudihui uf Brig!
Am Mäntag lang lang schlafu
Am Ziischtag machi blau
Am Mittwuch nit ga schaffu
Am Donnschtag fähli uf dum Bau.
Z'vill schaffu cha nix bringu
Drum machi am Fritag frii
Am Maabu lüt ga singu
De gäwer zum Trudi
Bim Trudi da gits Müsig
bim Trudi gits es Fäscht
geits dier am Naatag grüüsig
de bliib eifach im Näscht
und hesch dü no so Grindweh
dü chunnsch trotzdem zrugg
mu chunnt halt immer wieder
zum trudijudihui uf Brig!

Wer A seit...
X

Wer A seit...

2010 - Soderso

Wa dü bisch cho (Cho-o)
da säg ich oh! (O-oh)
Dü lüegsch mich a (A-ah)
und dü seisch Ah! (A-Ah)
Bi Optimischt (mischt, Mischt)
dass d’richtiga bischt (bischt, bischt)
Ich will no meh (Me-eh)
jetz säg öi B! (Bebe)
Denn wennt scho A hesch gseit
de säg öi B
das was mu afah tüet
müess mu la gscheh!
Äs macht en hüeru Freid
wenn ich dich gseh
Will dü scho A hesch gseit
de säg öi B
C
D
E
F
G...

Ds Tanzu isch verbottu
X

Ds Tanzu isch verbottu

2010 - Soderso

Schii wellti gääru zämubliibu
doch schii miessunt drunner liidu
dass d’Eltru das niemals lähnt la gscheh.
und drum sindsch vam Derfji wäg
uf du streng verbottnu Wäg
und de heintsch bim Aletschgletscher en aalti Hitta gseh!
Ds Tanzu ischt verbottu - und ds karisieru öi
nei äs darf schich gar nix mottu - zwischu Maa und Fröi!
In der Aletschhitta - wa güet verborgu isch
da tanzunt schii no hittu - im eewigu Iiisch
Jungi Liebi brennt so heiss
und schii tanzunt zämu eis
bis äs tagut heint schi anenander Freid.
doch der Tiful hetsus gseh
und die zwei gseht niemer meh
schii miessunt immer witertanzu bis in alli Ewigkeit.
ds Tanzu ischt verbottu - und ds karisieru öi
äs darf schich gar nix mottu - zwischu Maa und Fröi!
In der Aletschhitta - wa güet verborgu isch
da tanzunt schii no hittu - im eewigu Iiisch
Die Gschicht verzelluntsch hie
scho em paar hundert Jahr
die Jungu glöibunts nie
fer d’Altu ischt schi wahr!
Mu keerts no hittu giigu
am Rand vam Gletscher-iisch
Wie lang miessuntsch no liidu?
bis d’Ewigkeit da iisch?
ds Tanzu ischt verbottu - und ds karisieru öi
äs darf schich gar nix mottu - zwischu Maa und Fröi!
In der Aletschhitta - wa güet verborgu isch
da tanzunt schii no hittu - im eewigu Iiisch.

werminerchelti

2010 - werminerchelti

Chind
X

Chind

2010 - werminerchelti

Nimmsch dü es Chind bi dr Hand
und fierschus embiz umenand
de gsehsch was scho lang nimme sälber hesch gseh
es Chind gseht halt eifach vill meh
Lüeg emne Chind züe wies schlaaft
Zfridu und riewig und saaft
de wirsch sälber zfridu und riewig derbii
Es Chind das ischt wie Zöiberii!
Scheich amne Chind diini Zit
und scho bald bisch dü sowit
Dass sälber e so wie das Chind welltisch sii
dü wäärisch am liebschtu öi chlii!
Die Trääne vam Chind tient dier weh
dü chaschus nit flännu gseh
Tüesus doch treeschtu de merksch da derbii
D’eigunu Sorge sind chlii
Los was es Chind dier alls seit
Äs ischt no voll Ehrlichkeit
Ds Leigu und ds Falscha chunnt später derzüe
Drum los amne Chind ganz güet züe!
Zeig amne Chind wie mu steit
uf de eigune Fiess wie mu geit
Zeig amne Chind nur der Afang vam Wäg
und de gang dü sälber awaäg
müesch leeru, dum Chind nit im Wäg drina z‘stah
äs müess sälber durch dsLäbu gah!

Mitenand
X

Mitenand

2010 - werminerchelti

Uf dum Pauseplatz gits en Schlägerii,
nur will eine will der Sterchschtu sii.
Es alts Fröiji wellti uber d’Strass,
doch gar keis Auto laht ira en Chance!
REFR:
Mitenand, statt gägunand!
(Chumm wier gäh doch:)
Hand in Hand, durch iischers Land.
Wenn epper mal nit diiner Meinig isch,
verzellsch allne, dass är nummu en Dubul isch.
Dü bhöiptusch stiif und fescht, dass är gschtohlu het,
nur will är en andri Hütfarb het!
REFR:
Mitenand....
Warum chenne wier nit zämustah?
Warum chenne wier nit zämuhaa?
Warum müess das immer gschtrittu sii?
Warum, warum, das fräg i mi!
Dü schämschti, dass är diine Brüeder isch,
nur will är bhindrut und im Rollstüehl ischt!
REFR:
Mitenand....

Cherzuliecht
X

Cherzuliecht

2010 - werminerchelti

Wenn ds allerletschtusch Löib vam Böim ambrichakit
Wenn d’Vegel flichtunt vor der chaaltu Jahreszit
De wellti so wie d’Schwalbe in du Süüdu gah
statt dem zint ich mier deheimu en Cherza a.
Wenns iischuchalt wird uf der Wält
Und allne Lit vill Wermi fählt
de zind ich mier deheimu en Cherza a
Ich lüegu gääru in das Liecht
in miinum Härz wirds warm und liecht
so chascht öi chalti Zitte uberstah!
Äs schmeckt naa Zimt und Läbchüechu im ganzu Hüüs
so geit mu nimme gääru vorna in d’Chelti ammüüs
Ganz saaft und liislig kit der allereerschti Schnee
Am Feischter da chasch scho Iischmeije gseh
Und wenn ds Alti Jahr de langsam z’Ändi geit
De winscht mu allne Gsundheit, Glick und Zfriduheit!
Und fer dii wa iisch fer immer heint verlah
fer dii zind ich jetz öi no en Cherza a.

Wienächtstrüürigkeit
X

Wienächtstrüürigkeit

2010 - werminerchelti

Schii ischt ganz alei - bi ira deheim
und deicht wie schön is friener gsii
s’geit alles verbii.
En Wienächtsböim - jetz teents wie en Tröim
gsungu het mu „Stille Nacht“ -
de d’Päckli üfgmacht.
...und jetz hockut schii da - wartut uf du Maa
und lost im Sunntags-Chleid was mu im Fernseh verzellt
Äs ischt „Heilige Aabu“ seit mu
und schii bigriift nit:
das mu so trüürig cha sii, nur wägs der Wienächtszit
Är hockt an der Bar - gseht nimme ganz klar
är triicht nur schwääre rote Wii
und deicht: „S’geit verbii...“
Ihm seits nix fer heim
s’ischt wie en Alptröim
är weiss schii hockt vor dum Fernseh
und gseht de suschter nix meh
Drum hockt är jetz da - allei an der Bar
der Wirt will schliessu und är seit
dass är jetz heimgeit
„Äs isch drum heilige Aabu“ seit är
und bigriift nit:
Das mu so trüürig cha sii nur wägs der Wienächtszit.
Äs ischt Elfi gsii - der Film ischt verbii
schii wartut immer no - da keertsch nu pletzli heimcho
Schii seit: Leg di a! - In d’Mäss wellwer gah
Äs ischt ja bald Mitternacht - und diz ischt ja d’heiligi Nacht!
Jetz hockunt schii da - ganz noch dum Altar
und losunt züe - ohni Freid -
was da der Pfarrer ne seit:
„Hina isch ds Chrischchindli cho!“ seit der -
öi der bigriift nit:
das mu so trüürig cha sii nur wägs der Wienächtszit!

Iischi Wienächtszit
X

Iischi Wienächtszit

2010 - werminerchelti

Uf ds Chrischchindli hei wier giplangut, am Böim heint villi Pärle ghangut
Ds Jesuschind im Chrippustroh und Chinderöigu glänzunt froh
so isch gsii ir Chinderzit, iischi Wienächtszit.
(und wie gseht das hittu üs?)
Secklu, flüechu, Gscheichi chöifu, schnäll in jedes Gschäft ilöifu.
Alli wellunt d’Eerschtu sii, so löift mu anenand verbii.
Ehrlich gseit, so gfallsch mier nit, iischi Wienächtszit.
Triichu, ässu, embiz fiiru, Wienächtslieder ambriliiru,
mal wieder bir Famili sii und hoffu s’gäge schnäll verbii.
Ehrlich gseit, so gfallsch mier nit, iischi Wienächtszit.
Gscheich üspacku, alls vergliichu! Gittig sind immer die Gliichu!
Z’neegscht Jahr chöift mui dem de nix meh, de Andre darfer umso meh,
ehrlich gseit, so gfallsch mier mit, iischi Wienächtszit.
Fer sumi isch das ganz in Ornig, voll Päcklini die ganzi Wohnig
in d’Küdersäck mag nix meh dri und d’letschti Pärla kit ambri
ehrlich gseit, so gfallsch mier nit, iischi Wienächtszit.
ich deich an miini Chindheit zrugg
aber so wie hittu, so gfallsch mier nit, iischi Wienächtszit!

Schneeballschlacht (Jingle Bells)
X

Schneeballschlacht (Jingle Bells)

2010 - werminerchelti

Schneeballschlacht, Schneeballschlacht
jetz gits en Schneeballschlacht
Alli Chind sind warm agleit und brielunt lüt vor Freid...
Als chleis Chind hän ich scho
wenn der Herbscht isch cho
gipülangut immer meh
uf du eerschtusch Schnee.
Und isch der Schnee de cho
de hän ich d’Händsche gnu
bi us der Porta ’müss
in du Schnee vor iischum Hüüs!
Schneeballschlacht...
No hittu heint d’Chind Freid
wenns der eerscht Schnee leit
Mu faht mit schlittlu a
und buwwut en Schneemaa.
Und immer wenn ich gseh
Die Chinder in dem Schnee
de ziehtis mier nomal
so wie annu dazumal!
Schneeballschlacht

Winterwald
X

Winterwald

2010 - werminerchelti

Schnee und iisch
uf allne Beim hie
sägunt iisch
s’isch wie en Tröim hie
Äs isch fasch wie Kitsch
und so wandre wier z’mitsch
durch du frisch verschnittu Winterwald
Äs isch chalt
der Schnee tüet chnischtru
und scho bald
chunnts hie cho fiischtru
Wier sii warm agleit
und gäh voller Freid
durch du frisch verschnittu Winterwald
D’ Fröi Holle lahts jetz richtig afa schniiju
Mu keert nur iischi Schritta s’isch ei Rüeh
Grossi wiissi Flocke gseht mu kiiju
ganz liislig deckuntsch iischi Spure züe!
Eso im Wald
ga spazieru
so hesch nie z’chaalt
bim karisieru
wier gäh mitenand
verliebt Hand in Hand
durch du frisch verschnittu Winterwald
Grossi wiissi Flocke gseht mu kiiju
liislig deckuntsch iischi Spure züe.
D’ Fröi Holle lahts jetz richtig afa schniiju
und wier löife gmietlich heimwärts züe.
Schnee und iisch
uf allne Beim hie
sägunt iisch
s’isch wie en Tröim hie
Äs isch fasch wie Kitsch
und so wandre wier z’mitsch
durch du frisch verschnittu Winterwald

Wissi Wienächt
X

Wissi Wienächt

2010 - werminerchelti

Äs brennt die Sunna zer Summerszit
und öi no wenns herbschtu tüet!
Mier gfallt zwar schööns Wätter güet
Und d’Sunna macht miuer Freid!
Doch immer will ich nit Sunnuschii!
Am heilig Aabu da will ich Schnee!
Ich tröimu vaner wiisu Wienächt
was dicki wiissi Flocke schnit
der SChnee kit ganz liislig
uf d’Wienäcxhtsbilüüchtig
va wittum keert mu Glogguglit!
Ich tröimu vaner wiissu Wienächt
der Schee deckt iischers Derfji züe
Alle Gasse und Strasse voll Schnee!
Eppis schööners gits fer mich nimme!

Es güets Nöis
X

Es güets Nöis

2010 - werminerchelti

Äs ischt scho bald Silväschternacht
Drum Schatzji los mier züe
Die Fähler wahni z’letsch Jahr gmacht
die machi z’neegscht Jahr nie!
Und wenns de emal trotzdem kracht
de tüe mier doch verzieh
denn so en Maa wie mich der findusch suschter sicher nie!
Fer dich gib ich mier alli Mieh
gseh sofort was dier fählt.
Fer Coiffeur, Chleider und fer Schüeh
Verchunnsch miis ganzi Gäld
De merksch öi dü und gischus züe:
Bi z’lieb fer dischi Wält!
Ich sägs scho lang ich bi vill z’lieb fer dischi grossi Wält!
Alls was ich - mach fer dich
das mach ich - nur fer dich
Im niww Jahr - das isch klaar
wärd ich en Mänsch - wannt nimme kännsch!
Es güets Nöis - es güets Nöis
das winsch ich dier!
Es güets Nöis - es güets Nöis
das winsch ich mier!
Miine Büch der isch zer Zit
no gat es bizji rund
Doch z’neegscht Jahr wärd ich sicher fit
ich läbu nur no Gsund
Andri Fröije gsehni nit
bi triwwer als en Hund
Bi vill triwwer als der aller- allerdummschti Hund!
Ich rasu niemeh uf der Strass
chumm niemeh in Radar
kei Schnaps, kei Wii keis Bier vam Fass
gah nie meh in die Bar
Ich bi so lieb jetz glöib mer das
jetz bschteit de no die Gfahr
Ich wärdu heilig gschprochu das wird villiicht no wahr wahr!
Eis isch klar
s’wird wunderbar
Im neegschtu Jahr
wird alles wahr
oder z’uberneegscht Jahr
oder in zwei Jahr
oder in zäh Jahr
oder 100 Jahr....
Es güets Nöis

Aber heidschi bum beidschi
X

Aber heidschi bum beidschi

2010 - werminerchelti

Aber heidschi bum beidschi chumm schlaaf jetz
chleis Mämmi, ich gseh doch dass Schlaaf hescht
Tüe doch jetz endlich diini Öigini züe
und tüe doch jetz bschlaafu bis am morgu früeh
Aber heidschi bum beidschi bum bum
Aber heidschi bum beidschi bum bum
Aber heidschi bum beidschi bisch zfriidu
chlöeis Mämmi dü bisch doch z’biniidu
Dü weisch nix va Chummer va Sorge und Not
Vam Chrieg, vam Hunger vam Hass und vam Tod.
Aber heidschi bum beidschi bum bum
Aber heidschi bum beidschi bum bum
Ei lüeg öi, das Mämmi schlaaft härzig
und ds Mammi striicht ds Wangji ganz zärtlich
äs tröimut, dass mooru de Chrischchindli chunnt
und äs de villiicht en paar Gscheichi verchunnt.
Aber heidschi bum beidschi bum bum
Aber heidschi bum beidschi bum bum
Aber heidschi bum beidschi bum bum
Aber heidschi bum beidschi bum bum

Gondo

2012 - Gondo

Gondo
X

Gondo

2012 - Gondo


Liebe deine Feinde
X

Liebe deine Feinde

2012 - Gondo


Garusell
X

Garusell

2012 - Gondo


Fendant, Raclette
X

Fendant, Raclette

2012 - Gondo


Ambri
X

Ambri

2012 - Gondo


D'eerschti grossi Liebi
X

D'eerschti grossi Liebi

2012 - Gondo


Müsig machu
X

Müsig machu

2012 - Gondo


Miini Nasa
X

Miini Nasa

2012 - Gondo


Schoggola
X

Schoggola

2012 - Gondo


Keis Gold meh in Gondo
X

Keis Gold meh in Gondo

2012 - Gondo


Simplontunnel
X

Simplontunnel

2012 - Gondo


Die Chatz chunnt zrugg
X

Die Chatz chunnt zrugg

2012 - Gondo


Fredy
X

Fredy

2012 - Gondo


Hopp Varu
X

Hopp Varu

2012 - Gondo


Fruschingini
X

Fruschingini

2012 - Gondo


Ich stah zum Wallis
X

Ich stah zum Wallis

2012 - Gondo


Audiradaudi
X

Audiradaudi

2012 - Gondo


Banana
X

Banana

2012 - Gondo